spot_img
Homeຂ່າວຕ່າງປະເທດມືມີດອາລະວາດໃນຂະບວນລົດໄຟໃຕ້ດິນກຸງໂຕກຽວມີຜູ້ບາດເຈັບ 17 ຄົນ

ມືມີດອາລະວາດໃນຂະບວນລົດໄຟໃຕ້ດິນກຸງໂຕກຽວມີຜູ້ບາດເຈັບ 17 ຄົນ

Published on

Washington Post ລາຍງານ: ເກີດເຫດການລະທຶກຂວັນໃນຂະບວນລົດໄຟໃຕ້ດິນໂຕກຽວເມໂທ, ປະເທດຍີ່ປຸ່ນ ເມື່ອມີຊາຍຄົນໜຶ່ງຖືມີດອາລະວາດພາຍໃນລົດໄຟ ເຮັດໃຫ້ເກີດໄຟໄໝ້ ພ້ອມຜູ້ໂດຍສານ 17 ຄົນໄດ້ຮັບບາດເຈັບ.

ເຫດການດັ່ງກ່າວເກີດຂຶ້ນໃນວັນທີ 31 ຕຸລາ ເມື່ອຜູ້ໂດຍສານຫຼາຍສິບຄົນກຳລັງເດີນທາງດ້ວຍລົດໄຟໃຕ້ດິນມຸ່ງໜ້າໄປສູ່ໃຈກາງເມືອງເພື່ອສະເຫຼີມສະຫຼອງວັນບຸນຮາໂລວິນ ແຕ່ແລ້ວເຫດການບໍ່ຄາດຝັນກໍເກີດຂຶ້ນ ເມື່ອມີຊາຍໄວ 24 ປີ ຄົນໜຶ່ງ ສວມຊຸດກາຕູນຄ້າຍຄືກັບຊຸດຮາໂລວິນ ໃຊ້ມີດແທງຜູ້ໂດຍສານຢ່າງບ້າຄັ່ງ ກ່ອນຈະຖືກຈັບກຸມໃນທີ່ເກີດເຫດ. ສື່ຍີ່ປຸ່ນລາຍງານວ່າ ຊາຍໄວ 70 ປີ ຖືກແທງຈົນໄດ້ຮັບບາດເຈັບສາຫັດ ແລະມີຜູ້ໄດ້ຮັບບາດເຈັບ ໂດຍລາຍງານເບື້ອງຕົ້ນຢ່າງໜ້ອຍ 17 ຄົນ ໂຊກດີທີ່ລົດໄຟສາຍດັ່ງກ່າວສາມາດຈອດສຸກເສີນເພື່ອໃຫ້ຜູ້ໂດຍສານຫຼົບໜີຈາກທີ່ເກີດເຫດໄດ້.

ເຈົ້າໜ້າທີ່ຕຳຫຼວດໄດ້ດຳເນີນການສືບສວນ-ສວບສວນມືມີດຜູ້ກໍ່ເຫດ ເຊິ່ງເຂົາໄດ້ສາລະພາບວ່າ ຕ້ອງການຂ້າຄົນຢ່າງໜ້ອຍສອງສົບ ເພື່ອຈະໄດ້ຮັບໂທດປະຫານຊີວິດ. ຢ່າງໃດກໍຕາມ, ການໂຈມຕີລັກສະນະດັ່ງກ່າວແມ່ນຂ້ອນຂ້າງເກີດຂຶ້ນຍາກໃນປະເທດຍີ່ປຸ່ນ ແຕ່ເຫດການໃນວັນອາທິດ ຖືເປັນການໂຈມຕີດ້ວຍມີດຄັ້ງທີສອງເທິງລົດໄຟ ເຊິ່ງຄັ້ງທຳອິດເກີດຂຶ້ນໃນຊ່ວງຕົ້ນເດືອນສິງຫາຜ່ານມາ ເຮັດໃຫ້ຜູ້ໂດຍສານ 10 ຄົນໄດ້ຮັບບາດເຈັບ.

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...