spot_img
Homeຂ່າວເຫດການນາຍົກລັດຖະມົນຕີ ເນັ້ນກະຊວງການເງິນ ເພີ່ມຄວາມເຂັ້ມງວດຄຸ້ມຄອງງົບປະມານ

ນາຍົກລັດຖະມົນຕີ ເນັ້ນກະຊວງການເງິນ ເພີ່ມຄວາມເຂັ້ມງວດຄຸ້ມຄອງງົບປະມານ

Published on

thongsing

 

ນາຍົກລັດຖະມົນຕີ ທອງສິງ ທຳມະວົງ ໄດ້ໂອ້ລົມຕໍ່ກອງປະຊຸມການເງິນທົ່ວປະເທດ ປະຈຳສົກປີ 2013-2014 ໃນວັນທີ

28 ຕຸລານີ້, ໂດຍທ່ານເນັ້ນວ່າ: ໃຫ້ຄະນະພັກ, ຄະນະນຳກະຊວງການເງິນ ຕ້ອງໄດ້ເອົາໃຈໃສ່ເພີ່ມທະວີການສຶກສາອົບຮົມ

ການເມືອງແນວຄິດໃຫ້ແກ່ພະນັກງານ, ລັດຖະກອນໃຫ້ຫລາຍກວ່າເກົ່າ ເພື່ອຍົກສູງຄວາມຮັບຜິດຊອບທາງດ້ານການ

ເມືອງ, ໜ້າທີ່ຂອງຂະແໜງການ ແລະ ຕີຖອຍປະກົດການຫຍໍ້ທໍ້ທີ່ເກີດຂຶ້ນໃຫ້ໄດ້ຢ່າງຈະແຈ້ງ ແລະ ເປັນຮູບປະທຳເທື່ອ

ລະກ້າວ, ສືບຕໍ່ປັບປຸງກົງຈັກການຈັດຕັ້ງຂອງກະຊວງໃຫ້ກະທັດຮັດ, ມີປະສິດທິຜົນ, ໂປ່ງໃສ, ຫັນເປັນວິຊາສະເພາະທັນ

ສະໄໝ ແລະ ຕອບສະໜອງຄວາມຕ້ອງການ, ເອົາໃຈໃສ່ຢ່າງແຂງແຮງຕໍ່ການພັດທະນາຊັບພະຍາກອນມະນຸດໃຫ້ມີຄຸນ

ສົມບັດ, ມີຈັນຍາບັນຈັນຍາທຳ ແລະ ມີຄວາມຮູ້ທາງດ້ານວິຊາສະເພາະ, ສ້າງ ແລະ ປັບປຸງລະບອບລະບຽບ, ມາດຕະຖານ

ການຄັດເລືອກ, ເລືອກເຟັ້ນ, ການຄຸ້ມຄອງ ແລະ ວິໄນທາງດ້ານວິຊາສະເພາະຂອງຂະແໜງການເງິນເປັນຕົ້ນແມ່ນ 3

ຂະແໜງສາຍຕັ້ງເພື່ອໃຫ້ກະຊວງ, ຂະແໜງການ ແລະ ອົງການປົກຄອງທ້ອງຖິ່ນ ເຂົ້າຮ່ວມຕິດຕາມການຈັດຕັ້ງປະຕິ

ບັດວຽກງານດັ່ງກ່າວ, ສ້າງກົດໝາຍ ແລະ ນິຕິກຳຕ່າງໆເພື່ອຄຸ້ມຄອງຂະແໜງການເງິນທົ່ວປະເທດ, ສ້າງຍຸດທະສາດ,

ວິໄສທັດໃນການພັດທະນາຂະແໜງການເງິນ ພ້ອມດຽວກັນນັ້ນກໍສຸມໃສ່ສ້າງແຜນງົບປະມານ 5 ປີໃຫ້ສຳເລັດຕາມລະ

ດັບຄາດໝາຍ, ແກ້ ໄຂຈຸດອ່ອນ ແລະ ຂໍ້ບົກຜ່ອງຂອງຂະແໜງການເງິນຜ່ານມາ, ປຸກລະດົມຂະບວນການທົ່ວຂະແໜງ

ການໃນການຈັດຕັ້ງປະຕິບັດແຜນງົບປະມານ 2014-2015 ໃຫ້ມີຜົນສຳເລັດຢ່າງຈະແຈ້ງ, ເອົາໃຈໃສ່ຢ່າງ ຕັ້ງໜ້າໃນການ

ນຳໃຊ້ ເຄື່ອງມືທີ່ທັນສະໄໝເພື່ອຄຸ້ມຄອງການເງິນ, ແນໃສ່ເຮັດໃຫ້ຂະແໜງການເງິນມີຄວາມເຂັ້ມແຂງ, ປັບປຸງການສ້າງ

ແຜນງົບປະມານ ແລະ ກົນໄກ ປະສານງານລະຫວ່າງສູນກາງ ແລະ ທ້ອງຖິ່ນໃນການສ້າງແຜນງົບປະມານໃຫ້ມີຄວາມເປັນ

ເອກະພາບ ແລະ ສາມາດຈັດສັນແຫລ່ງທຶນເຂົ້າໃສ່ ແຜນພັດທະນາວຽກບຸລິມະສິດຕ່າງໆຂອງລັດຖະບານ.

 

ທ່ານນາຍົກລັດຖະມົນຕີ ກ່າວວ່າ: ສະພາບງົບປະມານໃນສົກປີຜ່ານມາແມ່ນມີຄວາມຫຍຸ້ງຍາກຫລາຍ, ສາເຫດຕົ້ນຕໍ່

ແມ່ນຍ້ອນພາຍໃນເຮົາເອງເຊັ່ນ: ການຄຸ້ມຄອງການລົງທຶນຂອງລັດ, ຄຸ້ມຄອງໜີ້ສີນ ແລະ ງົບປະມານແຫ່ງລັດອ່ອນແອ,

ມີບາງດ້ານບໍ່ຖືກທິດ ແລະ ການບໍລິຫານມີຄວາມຜິດພາດ, ອັນເນື່ອງມາຈາກລະບົບການເງິນແຫ່ງຊາດບໍ່ທັນເຂັ້ມແຂງ,

ຖານລາຍຮັບຖາວອນໝັ້ນທ່ຽງບໍ່ຫລາຍ, ນະໂຍບາຍດ້ານການເງິນບໍ່ທັນເປັນເຄື່ອງມືສົ່ງເສີມການຜະລິດຢ່າງຕັ້ງໜ້າ,

ການບໍລິການທາງດ້ານການເງິນຍັງມີຫລາຍຂອດ, ກົງຈັກການຈັດຕັ້ງບໍ່ໄດ້ຮັບການປັບປຸງຢ່າງຕັ້ງໜ້າ, ກົນໄກສ້າງແຜນ

ງົບປະມານຍັງບໍ່ມີການປ່ຽນແປງໃໝ່ຢ່າງແທ້ຈິງ, ບໍ່ທັນສາມາດຈຳກັດການຮົ່ວໄຫລຂອງລາຍຮັບ ແລະ ມີການລະເມີດລະ

ບຽບການເງິນຂອງພະນັກງານ, ລັດຖະກອນເປັນຈຳນວນບໍ່ໜ້ອຍ, ຂະນະດຽວກັນການປະຕິບັດວິໄນຕໍ່ຜູ້ກະທຳຜິດຍັງບໍ່

ທັນເຂັ້ມງວດເທົ່າທີ່ຄວນ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...