Homeຂ່າວຕ່າງປະເທດສປຊ ກຽມກົດດັນປະເທດຮັ່ງມີໃຫ້ແບ່ງປັນວັກຊີນປ້ອງກັນໂຄວິດແກ່ປະເທດທຸກຍາກ

ສປຊ ກຽມກົດດັນປະເທດຮັ່ງມີໃຫ້ແບ່ງປັນວັກຊີນປ້ອງກັນໂຄວິດແກ່ປະເທດທຸກຍາກ

Published on

ເວັບໄຊ CBS News ລາຍງານ: ກອງປະຊຸມສາມັດຊາໃຫຍ່ຂອງອົງການສະຫະປະຊາຊາດ ໄດ້ໄຂຂຶ້ນຢ່າງເປັນທາງການໃນອາທິດນີ້ ໂດຍຈະມີການຫາລືກັນຫຼາຍບັນຫາ ລວມມີ ການປ່ຽນແປງສະພາບອາກາດ, ວິກິດດ້ານມະນຸດສະທຳໃນອັຟການິສຖານ, ຄວາມຕຶງຄຽດທີ່ເພີ່ມຂຶ້ນໃນເຂດມະຫາສະໝຸດເກົາຫຼີ ແລະ ບັນຫາການເຂົ້າເຖິງວັກຊີນຂອງປະຊາກອນໂລກ.

ແຕ່ບັນຫາເລັ່ງດ່ວນນັ້ນກໍຄືການສະກັດກັ້ນການລະບາດຂອງພະຍາດໂຄວິດ-19 ພ້ອມກຽມກົດດັນປະເທດທີ່ຮັ່ງມີໃຫ້ແບ່ງປັນວັກຊີນແກ່ປະເທດທຸກຍາກ ເນື່ອງຈາກການລະບາດໃຫຍ່ຄັ້ງນີ້ໄດ້ຂ້າຊີວິດຄົນເຖິງ 4 ລ້ານກວ່າຄົນ ແລະ ຍັງຄົງພາກຊີວິດຜູ້ຄົນບໍ່ຕໍ່າກວ່າ 10,000 ຄົນໃນແຕ່ລະວັນ ໂດຍສະເພາະໃນບັນດາປະເທດທີ່ທຸກຍາກ ຂະນະທີ່ປະເທດຮັ່ງມີ ມີລາຍງານເສຍຊີວິດຈາກພະຍາດໂຄວິດບໍ່ພໍເທົ່າໃດຄົນ.

ຢ່າງໃດກໍຕາມ, ສປຊ ຢືນຢັນວ່າ ຈະພະຍາຍາມທຸກວິທີທາງ ເພື່ອຮັບປະກັນວ່າ ຈະສາມາດເຂົ້າເຖິງເປົ້າໝາຍຕາມກຳນົດ ໂດຍຈະເຮັດໃຫ້ພົນລະເມືອງທຸກຄົນໃນທົ່ວໂລກໄດ້ຮັບວັກຊີນປ້ອງກັນໂຄວິດ-19 ໃນທ້າຍປີ 2022 ພ້ອມຮຽກຮ້ອງໃຫ້ຄະນະສະເພາະກິດທີ່ກ່ຽວຂ້ອງ ເຮັດວຽກຮ່ວມກັບບັນດາບໍລິສັດຜະລິດຢາ ເພື່ອຮັບປະກັນວ່າ ການຜະລິດວັກຊີນຈະເພີ່ມຂຶ້ນເປັນສອງເທົ່າ ແລະ ຕ້ອງສູ້ຊົນເຮັດໃຫ້ຈຳນວນວັກຊີນກວມເຖິງ 70% ຂອງປະຊາກອນໂລກໃນຊ່ວງກາງປີ 2022.

ບົດຄວາມຫຼ້າສຸດ

ອາກາດຈະເຢັນລົງ ແລະ ມີຝົນ ໂດຍສະເພາະຢູ່ທາງພາກເໜືອດ້ານຕາເວັນອອກ ຢູ່ແຂວງຜົ້ງສາລີ, ຫົວພັນ ແລະ ຊຽງຂວາງ ພະຍາກອນອາກາດ ວັນທີ 11 ມີນາ 2026

ພະຍາກອນອາກາດ ປະຈໍາເຊົ້າວັນທີ 11 ມີນາ 2026 ຄວາມກົດດັນສູງຂອງອາກາດເຢັນໄດ້ອ່ອນກໍາລັງລົງປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງປານກາງ, ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຈະເຢັນ ຫາ ໜາວເຢັນໃນຕອນກາງຄືນ ຫາ ຕອນເຊົ້າຢູ່ແຂວງພາກເໜືອ, ແຂວງໄຊສົມບູນ...

ຝັງໄມໂຄຊິບຊ້າງ 50 ເຊືອກ ລາວຍົກລະດັບການຄຸ້ມຄອງຊ້າງລ້ຽງ ສໍາເລັດການຂຶ້ນທະບຽນ ແລະ ຝັງໄມໂຄຊິບຊ້າງ ຈຳນວນ 50 ເຊືອກ ຕາມມາດຕະຖານ CITES

ລັດຖະບານ ສປປ ລາວ ບັນລຸຄວາມຄືບໜ້າສຳຄັນໃນວຽກງານປົກປັກຮັກສາຊ້າງດ້ວຍຜົນສຳເລັດການຂຶ້ນທະບຽນ ແລະ ຝັງໄມໂຄຊິບໃຫ້ຊ້າງລ້ຽງ ຈຳນວນ 50 ເຊືອກ ໃນງານມະຫາກຳບຸນຊ້າງ ທີ່ ໄຊຍະບູລີ ປະຈຳປີ 2026....

ຄົບຮອບ 116 ປີ! ວັນທີ 08 ມີນາ ວັນແມ່ຍິງສາກົນ ເປັນວັນທີ່ເຮັດໃຫ້ແມ່ຍິງໃນທົ່ວໂລກ ຮູ້ເຖິງສິດທິຂອງຕົນເອງຫຼາຍຂຶ້ນ (08/03/1910-08/03/2026)

ວັນທີ 8 ມີນາ ແມ່ນເຫດການ-ການເມືອງທີ່ສໍາຄັນ, ເປັນຂີດໝາຍ ແຫ່ງໄຊຊະນະພື້ນຖານຂອງຂະບວນການແມ່ຍິງສາກົນ ໃນການຕໍ່ສູ້ທວງ ເອົາສິດຜົນປະໂຫຍດອັນເປັນທໍາໃຫ້ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກເຖິງການຕໍ່ສູ້ຂອງແມ່ຍິງ ເພື່ອປົດປ່ອຍຕົນເອງ ແລະ ທວງໃຫ້ມີສິດສະເໝີພາບ ປະຊາທິປະໄຕ ຄືກັນກັບຜູ້ຊາຍ,...

ເກີດແຜ່ນດິນໄຫວໃນລາວ ໃນວັນທີ 07 ມີນາ 2026 ເກີດແຜ່ນດິນໄຫວ ຂະໜາດ 1.9 ຣິກເຕີ ຄວາມເລິກ 4 ກິໂລແມັດ ຢູ່ເມືອງປາກແບ່ງ ແຂວງອຸດົມໄຊ

ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ລາຍງານເຫດການເກີດແຜ່ນດິນໄຫວ ພາຍໃນປະເທດ ແລະ ບັນດາປະເທດໃກ້ຄຽງ ປະຈໍາວັນທີ 06 ມີນາ 2026 ເວລາ 7:00 ໂມງເຊົ້າ ຫາ ວັນທີ 07...