spot_img
Homeນານາສາລະອອກກໍາລັງກາຍ 40 ນາທີ ມີຜົນດີຕໍ່ສຸຂະພາບ ທົດແທນການນັ່ງເຮັດວຽກເກືອບໝົດມື້

ອອກກໍາລັງກາຍ 40 ນາທີ ມີຜົນດີຕໍ່ສຸຂະພາບ ທົດແທນການນັ່ງເຮັດວຽກເກືອບໝົດມື້

Published on

ເວັບໄຊ້ Scientistsalert ລາຍງານວ່າ: ຜົນການສຶກສາໃໝ່ລ່າສຸດ ຈາກທີມນັກວິທະຍາສາດການແພດ ແລະ ການກິລາຂອງຫຼາຍສະຖາບັນວິໄຈໃນອາເມລິກາ ແລະ ຢູໂຣບ ໃຫ້ຮູ້ວ່າ ການອອກກໍາລັງກາຍໂດຍໃຊ້ເວລາພຽງ 30-40 ນາທີ ຕໍ່ມື້ ຈະຊ່ວຍຊົດເຊີຍ ແລະ ແກ້ໄຂຜົນເສຍຕໍ່ສຸຂະພາບ ທີ່ເກີດຈາກການນັ່ງເຮັດວຽກເປັນເວລາດົນ ໂດຍສະເລ່ຍຮອດມື້ລະ 10 ຊົ່ວໄດ້.

ຄໍາແນະນໍາດັ່ງກ່າວ ມາຈາກການວິເຄາະຜົນການທົດລອງທີ່ໄດ້ຈາກການວິໄຈໃນອາດີດ 9 ຢ່າງ ເຊິ່ງການທົດລອງເຫຼົ່ານີ້ ມີອາສາສະໝັກເຂົ້າຮ່ວມເຖິງ 44,370 ຄົນ ຈາກ 4 ປະເທດ ໂດຍທັງໝົດໄດ້ສວມໃສ່ອຸປະກອນຕິດຕາມສະພາບຮ່າງກາຍໄວ້ກັບຕົວ ຂະນະທີ່ເຂົ້າຮັບການທົດລອງຕ່າງໆ.

ຜົນປາກົດວ່າ ອັດຕາຄວາມສ່ຽງທີ່ຈະເສຍຊີວິດ ເຊິ່ງເພີ່ມສູງຂຶ້ນຫາກເປັນຄົນທີ່ບໍ່ມັກເຄື່ອນໄຫວ ແຕ່ຈະບໍ່ປ່ຽນແປງໃນກໍລະນີຂອງຄົນທີ່ອອກກໍາລັງກາຍມື້ລະ 30-40 ນາທີ ເຖິງວ່າຜູ້ນັ້ນຈະໃຊ້ຊີວິດໂດຍການນັ່ງເຮັດວຽກເປັນເວລາດົນຕິດຕໍ່ກັນຫຼາຍຊົ່ວໂມງ. ນັກວິໄຈພົບວ່າ ອັດຕາຄວາມສ່ຽງທີ່ຈະເສຍຊີວິດຂອງກຸ່ມຄົນທີ່ນັ່ງດົນ ເຊິ່ງອອກກໍາລັງກາຍໃນຮູບແບບຂ້າງຕົ້ນ ຢູ່ໃນລະດັບທີ່ຕໍ່າ ເທົ່າກັບຂອງກກຸ່ມທີ່ໃຊ້ຊີວິດແບບເຄື່ອນໄຫວ ແລະ ອອກແຮງຢູ່ສະໝໍ່າສະເໝີ.

ສຈ ເອັມມານູເອລ ສຕາມາທາຄິສ ບັນດາທິການຜູ້ໜຶ່ງຂອງວາລະສານ BJSM ບອກວ່າ ການອອກກໍາລັງກາຍເພື່ອຫຼຸດຜົນເສຍຕໍ່ສຸຂະພາບຈາກການນັ່ງເປັນເວລາດົນ ສາມາດອອກກໍາລັງກາຍໄດ້ຫຼາຍຮູບແບບເຊັ່ນ ການຍ່າງໄວ, ຂີ່ລົດຖີບ, ການເຮັດສວນ ຈົນໄປຮອດການຍ່າງຂຶ້ນລົງຂັ້ນໄດໃຫ້ຫຼາຍຂຶ້ນໃນຊີວິດປະຈໍາວັນ.

ຄໍາແນະນໍາຈາກການວິໄຈນີ້ ສອດຄອງກັບແນວປະຕິບັດໃໝ່ຂອງອົງການອະນາໄມໂລກ (WHO) ເຊິ່ງແນະນໍາໃຫ້ຄົນທົ່ວໄປອອກກໍາລັງຫຼາຍຂຶ້ນ ໂດຍໃຊ້ແຮງໃນລະດັບປານກາງ 150-300 ນາທີຕໍ່ອາທິດ ຫຼື ອອກກໍາລັງກາຍຢ່າງໜັກໜ່ວງ 75-150 ນາທີຕໍ່ອາທິດ ເພື່ອຊົດເຊຍຈາກພຶດຕິກໍາທີ່ບໍ່ມັກເຄື່ອນໄຫວ ແລະ ຄວນອອກແຮງຢ່າງຄ່ອງແຄ້ວສໍາລັບຄົນຍຸກໃໝ່.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...