spot_img
Homeຂ່າວຕ່າງປະເທດນັກວິທະຍາສາດເຕືອນ! ໂຄວິດສາຍພັນໃໝ່ C.1.2 ອາດລະບາດງ່າຍກວ່າສາຍພັນອື່ນ

ນັກວິທະຍາສາດເຕືອນ! ໂຄວິດສາຍພັນໃໝ່ C.1.2 ອາດລະບາດງ່າຍກວ່າສາຍພັນອື່ນ

Published on

ເວັບໄຊ Bloomberg ລາຍງານ: ນັກວິທະຍາສາດຊາວອາຝຣິກກາໄດ້ກ່າວເຕືອນກ່ຽວກັບໂຄວິດສາຍພັນໃໝ່ C.1.2 ອາດລະບາດງ່າຍຂຶ້ນ ທັງສາມາດຕ້ານທານວັກຊີນໄດ້ຫຼາຍຂຶ້ນກວ່າສາຍພັນອື່ນ ຂະນະທີ່ປັດຈຸບັນສາຍພັນດັ່ງກ່າວລະບາດແລ້ວເກືອບ 10 ປະເທດໃນໂລກ.

ໂຄວິດສາຍພັນ C.1.2 ຄົ້ນພົບຄັ້ງທຳອິດ ໃນເດືອນພຶດສະພາ ຢູ່ອາຝຣິກກາໃຕ້ ເຊິ່ງເບື້ອງຕົ້ນຈຳນວນຈີໂນມຂອງສາຍພັນນີ້ຄິດເປັນປະມານ 0.2% ໄດ້ເພີ່ມຂຶ້ນເປັນ 1.6% ໃນເດືອນມິຖຸນາ ແລະ 2% ໃນເດືອນກໍລະກົດ ຂະນະທີ່ປັດຈຸບັນສາຍພັນດັ່ງກ່າວລະບາດໃນ 6 ແຂວງຂອງອາຝຣິກກາໃຕ້ ແລະ ອີກເກືອບ 10 ປະເທດໃນໂລກ ເຮັດໃຫ້ຫຼາຍຝ່າຍມີຄວາມເປັນຫ່ວງວ່າສາຍພັນດັ່ງກ່າວຈະສາມາດແຜ່ລະບາດໄດ້ໄວກວ່າສາຍພັນອື່ນໆທີ່ມີຢູ່ໃນປັດຈຸບັນ.

ການກາຍພັນຂອງໄວຣັສ ໄດ້ສົ່ງຜົນໃຫ້ສະພາບການແຜ່ລະບາດຂອງໂຄວິດ-19 ຍັງເພີ່ມຂຶ້ນຢ່າງຕໍ່ເນື່ອງ ເລີ່ມຈາກສາຍພັນເດລຕ້າທີ່ຄົ້ນພົບຄັ້ງທຳອິດໃນອິນເດຍ ແລະ ປັດຈຸບັນໄດ້ແຜ່ລະບາດໄປທົ່ວໂລກ. ຢ່າງໃດກໍຕາມ, ການກາຍພັນຂອງໂຄວິດ-19 ທີ່ຄົ້ນພົບໃນອາຝຣິກກາໃຕ້ນີ້ຍັງບໍ່ທັນໄດ້ລະບຸຊັດເຈນກ່ຽວກັບຄວາມຮຸນແຮງທີ່ຈະສ່ຽງຕໍ່ການເສຍຊີວິດ ແຕ່ສາຍພັນ C.1.2 ກໍມີສັນຍານບົ່ງບອກເຖິງການດື້ວັກຊີນ ທັງສາມາດຕ້ານທານພູມຄຸ້ມກັນຂອງຮ່າງກາຍໄດ້ດີພໍສົມຄວນ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...