Homeຂ່າວຕ່າງປະເທດອາວຸດນິວເຄຣຍກໍ່ສະກັດກັ້ນບໍ່ຢູ່! ດາວເຄາະນ້ອຍກຽມຕຳໂລກໃນອີກ 6 ເດືອນຕໍ່ໜ້າ

ອາວຸດນິວເຄຣຍກໍ່ສະກັດກັ້ນບໍ່ຢູ່! ດາວເຄາະນ້ອຍກຽມຕຳໂລກໃນອີກ 6 ເດືອນຕໍ່ໜ້າ

Published on

ເດລີເມລລາຍງານວ່າ ນັກວິທະຍາສາດອົງການບໍລິຫານການບິນ ແລະ ອາວະກາດແຫ່ງຊາດອາເມລິກາ (ນາຊ່າ) ໄດ້ຂໍ້ສະຫຼຸບຈາກການທົດລອງເຫດການເພື່ອຫາວິທີປົົກປ້ອງໂລກ ຈາກການຖືກດາວເຄາະນ້ອຍຂະໜາດໃຫຍ່ເຄື່ອນຕົວມາຕຳໂລກວ່າ ເຖິງຈະໃຊ້ລະເບີດນິວເຄຣຍກໍ່ບໍ່ສາມາດຢຸດດາວເຄາະນ້ອຍທີ່ອາດຈະເຄື່ອນຕົວມາປະທະກັບໂລກໄດ້.

ການຈຳລອງເຫດການເລີ່ມຈາກນັກວິທະຍາສາດອົງການນາຊ່າແຈ້ງວ່າ ພວກເຮົາຈະມີເວລາພຽງ 6 ເດືອນ ໃນການຫາທາງສະກັດກັ້ນບໍ່ໃຫ້ດາວເຄາະນ້ອຍຂະໜາດໃຫຍ່ເຄື່ອນທີ່ມາຕໍາໂລກ ຫຼັງຈາກໄດ້ສຳຫຼວດພົບດາວເຄາະນ້ອຍກຳລັງຢູ່ໃນໄລຍະຫ່າງຈາກໂລກ 35 ລ້ານໄມ.

ຈາກການສຶກສາເພື່ອຫາທາງສະກັດດາວເຄາະນ້ອຍ ໂດຍໃຊ້ເວລາ 4 ມື້ ໃນລະຫວ່າງວັນນີ 26 – 29 ເມສາ ແລະ ນັກດາລາສາດໄດ້ໃຊ້ລະບົບເລດາ ຂໍ້ມູນພາບ ແລະ ເທັກໂນໂລຢີຫຼາຍຢ່າງ ລວມທັງກ້ອງໂທລະທັດຂະໜາດໃຫຍ່ ຈົນໄດ້ຂໍ້ສະຫຼຸບວ່າໄລຍະເວລາ 6 ເດືອນບໍ່ພຽງພໍທີ່ຈະກຽມຕົວສຳລັບການສົ່ງຍານອາວະກາດຂຶ້​ນໄປຕຳດວງດາວເຄາະນ້ອຍ ລວມເຖິງການໃຊ້ລະເບີດນິວເຄຣຍ.

ການຈຳລອງຂອງອົງການ NASA ຄັ້ງທີ 1, ວັນທີ 19 ເມສາ, ພົບວ່າມີໂອກາດທີ່ດາວເຄາະນ້ອຍຈະເຄື່ອນຕົວມາຕຳໂລກພຽງ 5% ໃນວັນທີ 20 ຕຸລາ 2021. ສ່ວນການຈຳລອງຄັ້ງທີ 2 ໃນວັນທີ 2 ພຶດສະພາ ທີ່່ຜ່ານມາພົບວ່າມີຄວາມເປັນໄປໄດ້ທີ່ດາວເຄາະນ້ອຍຈະເຄື່ອນຕຳໂລກ 100% ໃນບໍລິເວນທະວີບເອີຣົບ ຫຼື ທາງຕອນເໜືອຂອງທະວີບແອຟຣິກາ.

ການຈຳລອງຄັ້ງທີ 3 ຄືວັນທີ 30 ມິຖຸນາ ເຊິ່ງນັກວິທະຍາສາດທົ່ວໂລກໃຊ້ກ່້ອງໂທລະທັດຂະໜາດໃຫຍ່ເຝົ້າຕິຕຕາມທຸກຄືນ ພ້ອມທັງປັບແຕ່ງວົງໂຄວຈອນໃຫ້ແຄບລົງ ພົບວ່າມີຄວາມເປັນໄປໄດ້ທີ່ດາວເຄາະນ້ອຍຈະເຄື່ອນທີ່ຕຳໂລກພິກັດໃນຄັ້ງທີ່ປະເທດເຢຍລະມັນ, ສາທາລະນະລັດເຊັກ,​ ອອສເຕເລຍ, ສະໂລເວເນຍ ແລະ ໂຄຣເອເຊຍ.

ສ່ວນການຈຳລອງເຫດການຄັ້ງທີ 4 ຄືໃນວັນທີ 14 ຕຸລາ. ເຊິ່ງເຫຼືອພຽງແຕ່ 6 ວັນ ດາວເຄາະນ້ອຍຈະເຄື່ອນີ່ຕຳໂລກ ແລະ ໃນຂະນະນີ້ດາວເຄາະນ້ອຍຢູ່ຫ່າງຈາກໂລກປະມານ 3.9 ລ້ານໄມ ພົບວ່າດາວເຄາະນ້ອຍມີຂະໜາດນ້ອຍກວ່າທີ່ຄາດການໄວ້ລ່ວງໜ້າ ຈຶ່ງຫຼຸດຂະໜາດພື້ນທີ່ທີ່ມີໂອກາດທີ່ຈະຖືກດາວເຄາະນ້ອຍຕຳໃຫ້ແຄບລົງເຫຼືອພຽງບໍລິເວນຊາຍແດນປະເທດເຢຍລະມັນ, ສາທາລະນະລັດເຊັກ ແລະ ອອສເຕຣເລຍ. ພ້ອມທັງກຳນົດໃຫ້ມີຄວາມເປັນໄປໄດ້ວ່າດາວເຄາະນ້ອຍດວງນີ້ຈະເຄື່ອນທີ່ຕຳໂລກໃນພາກພື້ນນີ້ເຖິງ 99%.

ເຖິງຢ່າງໃດກໍ່ຕາມ, ນັກວິທະຍາສາດໃນທີມສະເໜີໃຫ້ນຳໃຊ້ອາວຸດນິວເຄຼຍເພື່ອສະກັດກັ້ນດາວເຄາະນ້ອຍທີ່ຈະເຄື່ອນຕົວມາຕຳໂລກ ແຕ່ຈາກການຈຳລອງນີ້, ພົບວ່າມີອຸປະສັກຫຼາຍຢ່າງ ແລະ ຖ້າຫາກໃຊ້ອາວຸດນິວເຄຼຍໂຈມຕີດາວເຄາະນ້ອຍທີ່ມີຂະໜາດ 114 ຟຸດເຖິງ 800 ແມັດ ກໍ່ຈະຖືກທຳລາຍດາວເຄາະນ້ອຍໄດ້ໜ້ອຍໜຶ່ງ. ນອກຈາກນີ້, ຍັງບໍ່ທັນຈະແຈ້ງວ່າລະເບີດນິວເຄຼຍຈະສາມາດສະກັດກັ້ນດາວເຄາະນ້ອຍໜ່ວຍນີ້ໄດ້ແນວໃດ.

 

 

 

ບົດຄວາມຫຼ້າສຸດ

ລາວ-ສ.ເກົາຫຼີ ຮ່ວມກັນຈັບແກ໋ງສໍ້ໂກງທາງອອນລາຍ 14 ຄົນ

ອີງຕາມ ໜັງສືພິມລາຍວັນ Chosun ilbo ຂອງ ສ. ເກົາຫຼີ ທີ່ອອກໃນວັນທີ 26 ກຸມພາ 2026ຜ່ານມາ ວ່າ: ໃນເດືອນກັນຍາ ທີ່ຜ່ານມາ,...

ຈະມອບຮັບໂຄງການ BRT ໄວໆນີ້ ລັດຖະມົນຕີກະຊວງ ໂຍທາທິການ ແລະ ຂົນສົ່ງ ພົບປະອົງການປົກຄອງ ນວ ກຽມຄວາມພ້ອມ ໃນການທົດລອງແລ່ນລົດເມ BRT ວັນທີ 10 ມີນາ 2026

ໃນຕອນບ່າຍວັນທີ 2 ມີນາ 2026 ທີ່ຫ້ອງວ່າການປົກຄອງນະຄອນຫຼວງວຽງຈັນ ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ໂຍທາທິການແລະ ຂົນສົ່ງ ພ້ອມດ້ວຍຄະນະ ພົບປະ ປຶກສາຫາລືແລກປ່ຽນເຮັດວຽກຮ່ວມກັນ,...

ແຈ້ງສາຍດ່ວນ 1510 ຫາກພົບເຫັນການສວຍໂອກາດ ກັກຕຸນນໍ້າມັນ ຫຼື ຂາຍລາຄາເກີນກຳນົດ ໃນຊ່ວງໄລຍະຄວາມບໍ່ສະຫງົບ

ອີງຕາມແຈ້ງການເລກທີ 0583/ຫກ ລົງວັນທີ 02 ມີນາ 2026 ກະຊວງ ອຸດສາຫະກຳ ແລະ ການຄ້າ ເຖິງ: - ຫົວໜ້າພະແນກອຸດສາຫະກໍາ ແລະ ການຄ້າແຂວງ/ນະຄອນຫຼວງ. -...

ນໍາສະເໜີປີໃໝ່ລາວ ລັດຖະບານຈະສູ້ຊົນສະເໜີ ບຸນປີໃໝ່ລາວ ໃຫ້ກາຍເປັນມໍລະດົກວັດທະນະທໍາ

ໃນໄລຍະ 5 ປີຕໍ່ໜ້າ (2026-2030) ລັດຖະບານແຫ່ງ ສປປ ລາວ ຈະສູ້ຊົນສະເໜີມໍລະດົກວັດທະນະທໍານາມມະທໍາ “ລາບ, ພິທີສູ່ຂວັນ, ປູ່ເຍີ-ຍ່າເຍີ, ບຸນປີໃໝ່ລາວ, ເຂົ້າຕົ້ມ-ເຂົ້າ ຫຼາມ”...