ສຳນັກຂ່າວຕ່າງປະເທດລາຍງານ ເມື່ອວັນທີ 10 ມີນາ 2021 ວ່າ ໂດຍອ້າງຈາກແຫຼ່ງຂ່າວດ້ານການ ທູດພາຍໃນຄະນະລັດຖະມົນຕີຄວາມໝັ້ນຄົງແຫ່ງສະຫະປະຊາຊາດ (UNSC) ວ່າມີການປະຊຸມຄັ້ງຫຼ້າສຸດເມື່ອວັນອັງຄານທີ່ຜ່ານມາ ເພື່ອພະຍາຍາບັນລຸສັນທະໄມຕີ ໃນການອອກຖະແຫຼງການສະບັບໃໝ່ ໃຫ້ມີເນື້ອໃນເດັດຂາດ ກ່ຽວກັບວິກິດການໃນມຽນມາ.

ຈີນ ແລະ ຣັດເຊຍ ເຊິ່ງເປັນ 2 ໃນ 5 ສະມາຊິກຖາວອນຂອງ UNSC ແລະ ມີອຳນາດວີໂຕ້ຮ່ວມດ້ວຍອິນເດຍ ແລະ ຫວຽດນາມ ເຊິ່ງເປັນສະມາຊິກບໍ່ຖາວອນໃນອາຊີ-ປາຊີຟິກ ຮ່ວມກັນແກ້ໄຂຮ່າງຖະແຫຼງການເຊິ່ງສະເໜີໂດຍປະເທດອັງກິດ. ທັງນີ້, ແຫຼ່ງຂ່າວໃຫ້ຂໍ້ມູນວ່າ ເນື້ອໃນທີ່ມີການນຳອອກໄປລວມເຖິງການພາດພິງ ການລັດຖະປະຫານ ແລະ ຂໍ້ຄວາມທີ່ສື່ເຖິງ ການຂົ່ມຂູ່ ວ່າ UNSC ກຳລັງພິຈາລະນາດຳເນີນການຂັ້ນຕໍ່ໄປ ໃນຂະນະທີ່ອາເມລິກາເຊິ່ງເຮັດໜ້າທີ່ເປັນປະທານ UNSC ປະຈຳເດືອນມີນາ ຍັງບໍ່ມີທ່າທີຢ່າງເປັນທາງການໃນເລື່ອງນີ້.

ທ່າທີຂອງ UNSC ທີ່ມີຕໍ່ສະຖານະການໃນມຽນມາ ທີ່ຜ່ານມາ “ບໍ່ແມ່ນເລື່ອງເໜືອຄວາມຄາດໝາຍ” ສຳລັບທຸກຝ່າຍທີ່ກ່ຽວຂ້ອງວ່າ UNSC ຍັງບໍ່ສາມາດເຮັດຫຍັງໄດ້ຫຼາຍກວ່ານີ້ ແລະ ການປະກາດຄວໍ້າບາດຕໍ່ກອງທັບມຽນມາໂດຍຕົງ ຍັງເຮັດບໍ່ໄດ້ ເນື່ອງຈາກຈີນ ແລະ ຣັດເຊຍຈະໃຊ້ສິດວີໂຕ້.

ຮຽບຮຽງຂ່າວ: ພຸດສະດີ