spot_img
Homeຂ່າວທ້ອງຖິ່ນອັດຕາເງິນເຟີ້ເພີ່ມຂຶ້ນ ແລະ ເງິນກີບອ່ອນຄ່າ ເປັນສາເຫດເຮັດໃຫ້ລາຄາສິນຄ້າແພງຂຶ້ນ

ອັດຕາເງິນເຟີ້ເພີ່ມຂຶ້ນ ແລະ ເງິນກີບອ່ອນຄ່າ ເປັນສາເຫດເຮັດໃຫ້ລາຄາສິນຄ້າແພງຂຶ້ນ

Published on

ປັດຈຸບັນ, ສິນຄ້າຕ່າງໆໃນຂອບເຂດ ທົ່ວປະເທດ ມີການເໜັງຕີງ ແລະ ມີລາ ຄາແພງຂຶ້ນ ຖ້າທຽບໃສ່ຫຼາຍປີຜ່ານມາ ຈະເຫັນໄດ້ວ່າລາຄາສິນຄ້າອຸປະໂພກ-ບໍລິໂພກຈະກ້າວກະໂດນຂຶ້ນສູງເກືອບ ເຄິ່ງໜຶ່ງຂອງລາຄາສິນຄ້າໃນເມື່ອກ່ອນ ເຊິ່ງສາເຫດຫຼັກໆທີ່ເຮັດໃຫ້ລາຄາສິນ ຄ້າແພງຂຶ້ນແມ່ນເກີດຈາກອັດຕາເງິນເຟີ້ ເພີ່ມຂຶ້ນ ແລະ ເງິນກີບອ່ອນຄ່າ ເມື່ອທຽບໃສ່ກັບສະກຸນເງິນໂດລາ ແລະ ເງິນບາດ.

ໜັງສືພິມປ້ອງກັນຄວາມສະຫງົບ ລາຍງານວ່າ ສະຫາຍ ທອງລຸນ ສີສຸລິດ ກຳມະ ການກົມການເມືອງສູນກາງພັກ ນາຍົກລັດ ຖະມົນຕີ ໄດ້ລາຍງານຕໍ່ກອງປະຊຸມ ໃຫຍ່ ຄັ້ງທີ XI ຂອງພັກປະຊາຊົນ ປະຕິ ວັດລາວ ໃນວັນທີ 13 ມັງກອນ 2021 ວ່າ: ອັດຕາເງິນເຟີ້ ໃນໄລຍະປີ 2016 ຫາ ເດືອນພະຈິກ 2020 ສະເລ່ຍ ເພີ່ມຂຶ້ນ ໃນລະດັບ 2,61% ຕໍ່ປີ, ເຊິ່ງຢູ່ໃນຂອບ ຂອງແຜນການວາງໄວ້; ໃນນີ້, ນັບແຕ່ ກາງປີ 2019 ເປັນຕົ້ນມາ ອັດຕາເງິນ ເຟີ້ມີທ່າອ່ຽງເພີ່ມສູງຂຶ້ນຫຼາຍ ຈາກ 3% ໃນເດືອນກໍລະກົດ 2019 ມາເປັນ 6,94% ໃນເດືອນມັງກອນ 2020, 6,21% ໃນເດືອນກຸມພາ 2020, 6,14% ໃນເດືອນມີນາ 2020, 5,28% ໃນເດືອນມິຖຸນາ 2020, 5,12% ໃນເດືອນກໍລະກົດ 2020, 5,84% ໃນເດືອນສິງຫາ 2020 ແລະ ມີທ່າອ່ຽງຫຼຸດລົງມາ 4,63% ໃນເດືອນ ກັນຍາ 2020, 3,63% ໃນເດືອນຕຸ ລາ 2020 ແລະ 2,84% ໃນເດືອນພະ ຈິກ 2020; ໃນໄລຍະປີ 2016 ຫາ ເດືອນພະຈິກ 2020 ລາຄາໝວດສິນ ຄ້າ ທີ່ເພີ່ມຂຶ້ນສູງກວ່າໝູ່ແມ່ນໝວດອາຫານ ແລະ ເຄື່ອງດື່ມທີ່ບໍ່ມີທາດເຫຼົ້າ ສະ ເລ່ຍເພີ່ມຂຶ້ນ 3,81%, ໝວດ ເຄື່ອງນຸ່ງ ແລະ ເກີບ ສະເລ່ຍເພີ່ມຂຶ້ນ 3,61%, ໝວດການຮັກສາສຸຂະພາບ ເພີ່ມຂຶ້ນ 2,25%, ໝວດເຄື່ອງໃຊ້ໃນເຮືອນ ເພີ່ມຂຶ້ນ 2,01% ແລະ ໝວດໄປສະນີ ແລະ ໂທລະຄົມມະນາຄົມ ເພີ່ມຂຶ້ນ 1,58%.

ປັດໄຈຕົ້ນຕໍ ທີ່ເປັນສາເຫດໃຫ້ ອັດຕາເງິນເຟີ້ເພີ່ມຂຶ້ນ ແມ່ນເນື່ອງມາ ຈາກປະເທດເຮົາໄດ້ຮັບຜົນກະທົບຈາກໄພພິບັດທາງທໍາມະຊາດທີ່ກະທົບຕໍ່ ການຜະລິດ ແລະ ການບໍລິການເສຍຫາຍ ເຊິ່ງພາໃຫ້ລາຄາສິນຄ້າປະເພດພືດຜັກ ແລະ ຊີ້ນເພີ່ມສູງຂຶ້ນ; ນອກຈາກນີ້, ການຜະລິດພາຍໃນຍັງບໍ່ທັນຕອບສະໜອງກັບຄວາມຕ້ອງການຂອງສັງຄົມ; ສິນຄ້າອຸປະໂພກ ແລະ ບໍລິໂພກສ່ວນໃຫຍ່ ແມ່ນນໍາເຂົ້າຈາກຕ່າງປະເທດ ແລະ ລາ ຄາສິນຄ້າມີທ່າອ່ຽງເພີ່ມສູງຂຶ້ນຈາກ ສະພາບການອ່ອນຄ່າຂອງເງິນກີບ.

ສາເຫດທີ່ເຮັດໃຫ້ເງິນກີບມີການ ອ່ອນຄ່າຍ້ອນ ສປປ ລາວ ມີການຂາດດຸ່ນການຄ້າກັບຕ່າງປະເທດຢ່າງຕໍ່ເນື່ອງ, ການຜະລິດສິນຄ້າພາຍໃນຍັງອ່ອນ ນ້ອຍ ແລະ ບໍ່ພຽງພໍກັບຄວາມຕ້ອງການ ບວກກັບປັດໄຈພາຍນອກທີ່ສະກຸນ ເງິນໂດລາສະຫະລັດ ແລະ ເງິນບາດ ໄທແຂງຄ່າຂຶ້ນໃນຕະຫຼາດສາກົນ.

ເພື່ອຮັບປະກັນໃຫ້ອັດຕາເງິນເຟີ້ ໃຫ້ຢູ່ໃນເກນປົກກະຕິ ແລະ ຮັບປະ ກັນບໍ່ໃຫ້ເງິນກີບອ່ອນຄ່າລັດຖະ ບານ ຈະສູ້ຊົນໃນຫຼາຍໜ້າວຽກ ເພື່ອເຮັດ ໃຫ້ອັດຕາເງິນເຟີ້ຢູ່ໃນລະດັບສະເລ່ຍ ບໍ່ເກີນ 6% ແລະ ອັດ ຕາແລກປ່ຽນມີ ຄວາມສະຫງົບປົກກະຕິເໜັງຕີງໃນ ກອບບວກ ຫຼື ລົບ 5% ຕໍ່ປີເມື່ອທຽບໃສ່ເງິນໂດລາສະຫະລັດ, ສູ້ຊົນໃຫ້ຄັງສໍາຮອງເງິນຕາຕ່າງປະເທດກຸ້ມການນໍາເຂົ້າໄດ້ບໍ່ໃຫ້ຫຼຸດ 3 ເດືອນ ແລະ ຄວບ ຄມປະລິ ມານເງິນ M2 ເພີ່ມຂຶ້ນສະເລ່ຍບໍ່ເກີນ 20% ຕໍ່ປີ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...