ຄະນະກຳມະການບໍລິຫານການໄຟຟ້າຝ່າຍຜະລິດ ປະຈຳເມືອງຢ່າງກຸ້ງ (YESB) ເປີດເຜີຍໃນວັນທີ 19 ກັນຍາຜ່ານມາ
ນີ້ວ່າກຳລັງວາງແຜນຈະປະຕິຮູບເປັນບໍລິສັດຈົດທະບຽນໃນຕະຫລາດຫລັກຊັບ ເພື່ອໃຫ້ການດຳເນີນງານມີປະສິດທິ
ພາບຫລາຍຍິ່ງຂຶ້ນ.
YESB ຈະຖືຄອງຫຸ້ນໃນສັດສ່ວນ 51% ແລະ ເປີດໃຫ້ປະຊາຊົນທົ່ວໄປຖື 49% ຕາມການເປີດເຜີຍຂອງເຈົ້າໜ້າທີ່ ແລະ
ຍັງໃຫ້ຂໍ້ມູນເພີ່ມຕື່ມອີກວ່າ ທາງການຂອງມຽນມ້າ ຈະໃຫ້ຄວາມສຳຄັນຕໍ່ຜູ້ຖືຮຸ້ນພາຍໃນທ້ອງຖິ່ນກ່ອນບໍລິສັດຂອງ
ຕ່າງປະເທດ.
ມຽນມ້າ ມຸ່ງໝັ້ນທີ່ຈະຕອບສະໜອງຄວາມຕ້ອງການພະລັງງານໄຟຟ້າທີ່ເພີ່ມສູງຂຶ້ນໃນປະເທດ ແລະ ໄດ້ຮ່າງກົດໝາຍ
ວ່າດ້ວຍພະລັງງານ ເຊິ່ງມີຈຸດປະສົງທີ່ຈະຄວບຄຸມການຜະລິດ ແລະ ສົ່ງອອກອາຍແກັສທຳມະຊາດ ເພື່ອໃຫ້ມີສ່ວນສຳ
ຮອງໄວ້ໃນອານາຄົດ ສຳລັບໄວ້ຜະລິດກະແສໄຟຟ້າ ເຊິ່ງເປັນຄວາມພະຍາຍາມຂອງລັດຖະບານ ທີ່ຈະຈ່າຍພະລັງງານໄຟ
ຟ້າ ໃຫ້ສາມາດຄວບຄຸມພື້ນທີ່ໃນທົ່ວປະເທດ ພາຍໃນໄລຍະ 2 ປີ.