ເວັບໄຊ posttoday ລາຍງານວ່າ ການເສຍຊີວິດຂອງທ້າວ ຈອສ ຟລອຍ ກາຍເປັນສາເຫດໃຫ້ເກີດການປະທ້ວງທົ່ວອາເມລິກາ ແລະ ຫຼາຍປະເທດທົ່ວໂລກຮ່ວມຕົວກັນສະແດງພະລັງໃນການຕໍ່ຕ້ານການຢຽດສີຜິວ.
ສາເຫດໃນການປະທ້ວງ ເກີດຈາກການເສຍຊິວິດຂອງ ທ້າວ ຈອສ ຟລອຍ ຊາຍຜິວສີ ອາຍຸ 46 ປີ ເຊິ່ງຕົກເປັນຜູ້ຕ້ອງສົງໄສໃນການໃຊ້ເງິນປອມຊື້ສິນຄ້າ. ຕໍາຫຼວດ (ເຊິ່ງເປັນຄົນຜິວຂາວ) ໄດ້ເຂົ້າຈັບກຸມໂດຍໃຊ້ເຂົາກົດຄໍຈົນຫາຍໃຈບໍ່ອອກ ເຮັດໃຫ້ ຈອສ ຟລອຍ ໝົດສະຕິ ແລະ ໄປເສຍຊີວິດຢູ່ໂຮງໝໍ ໃນເວລາຕໍ່ມາ. ຫຼັກຖານຈາກຄລິບທີ່ເຜີຍແຜ່ໃນສັງຄົມອອນລາຍ ເຮັດຕໍາຫຼວດທັງສີ່ຄົນຖືກໄລ່ອອກ ແລະ ຖືກຕັ້ງຂໍ້ຫາວ່າເຮັດໃຫ້ຜູ້ອື່ນເສຍຊີວິດໂດຍບໍ່ເຈດຕະນາ ແຕ່ຄອບຄົວ ແລະ ປະຊາຊົນເຫັນວ່າ ຕໍາຫຼວດທັງສີ່ຄົນຄວນຖືກດຳເນີນຄະດີ ຂໍ້ຫາຄາດຕະກຳພ້ອມ. ເຫດການດັ່ງກ່າວ ເຮັດໃຫ້ມີຄົນອອກມາປະທ້ວງ ເພາະເຊື່ອວ່າ ສາເຫດມາຈາກຄວາມຕ່າງຂອງສີຜິວ ຫາກ ຈອສ ຟລອຍ ມີຜິວຂາວ ຈະບໍ່ຖືກກະທຳແບບນີ້.
My heart is breaking, I’ve never sobbed this hard in my life. I hope the police officer gets what he deserves, I’m so angry.https://t.co/3qFSVM8gy0#JusticeForGeorgeFloyd #BlackLivesMatter #GeorgeFloyd
— ??♀️ (@gottabunda) May 29, 2020
ສະຫະລັດອາເມລິກາ ມີກຸ່ມຜູ້ປະທ້ວງຢ່າງສັນຕິຫຼາຍໝື່ນຄົນໄດ້ຮ່ວມຕົວກັນເພື່ອຮຽກຮ້ອງຄວາມຍຸດຕິທຳທາງເຊື້ອຊາດ ໂດຍການປະທ້ວງເກີດຂຶ້ນຕັ້ງແຕ່ນິວຢອກໄປຈົນເຖິງລອສແອງເຈີລິສ ມີຫຼາຍພັນຄົນ ອອກມາສະແດງຈຸດຢືນຕາມທ້ອງຖະໜົນໃນຕົວເມືອງ ແລະ ພາກັນໄປຮ່ວມຊຸມນຸມປິດອ້ອມທຳນຽບຂາວໄວ້.
ນອກຈາກນີ້, ຍັງມີການຊຸມນຸມເປັນກຸ່ມໃຫຍ່ທີ່ອານຸສາວະລີ ລິນຄອນ ໃນນະຄອນຫຼວງວໍຊິງຕັນ ເຊິ່ງໃນເມືອທົດສະວັດທີ 60 ເຄີຍເປັນສະຖານທີ່ຂອງການຮຽກຮ້ອງສິດທິພົນລະເມືອງຄົນຜິວດຳໃນອາເມລິກາ ແລະ ເປັນຈຸດປ່ຽນສຳຄັນໃນປະຫວັດສາດການຢຽດສີຜິວ.
ນອກຈາກທີ່ອາເມລິກາແລ້ວ ຍັງມີການຊຸມນຸມທີ່ນະຄອນຫຼວງລອນດອນ ປະເທດອັງກິດ, ທີ່ນະຄອນຫຼວງໂຕກຽວ ປະເທດຍີ່ປຸ່ນ, ທີ່ນະຄອນ ຊິດນີ ປະເທດອົດສະຕາລີ ລວມເຖິງມີການຊຸມນຸມໃນປະເທດຝຣັ່ງ, ໂປແລນ ແລະ ຕູນີເຊຍ ໃນທະວີບແອຟຣິກາອີກດ້ວຍ.
ຮຽບຮຽງຂ່າວ: ພຸດສະດີ