ອີງຕາມການລາຍງານຂ່າວຈາກ ເວັບໄຊຂ່າວ sanook.com ລາຍງານເມື່ອວັນທີ 13 ພຶດສະພານີ້ວ່າ ກະຊວງການເງິນແຫ່ງຊາດຈີນ ໄດ້ເປີດເຜີຍລາຍຊື່ສິນຄ້າຂອງອາເມລິກາຈຳນວນ 79 ລາຍການ ທີ່ຈະໄດ້ຮັບການຍົກເວັ້ນພາສິນຳເຂົ້າເປັນເວລາ 1 ປີ ເຊິ່ງລວມເຖິງທາດແຮ່ຫາຍາກ.
ມາດຕະການຍົກເວັ້ນພາສີຮອບທີ 2 ນີ້ ຈະມີຜົນບັງຄັບໃຊ້ຕັ້ງແຕ່ວັນທີ 19 ພຶດສະພາ 2020 ແລະ ຈະສິ້ນສຸດໃນວັນທີ 18 ພຶດສະພາ 2021 ໂດຍຄວາມເຄື່ອນໄຫວດັ່ງກ່າວມີຂຶ້ນຫຼັງຈາກທີ່ຈີນ ແລະ ອາເມລິກາໄດ້ລົງນາມໃນຂໍ້ຕົກລົງການຄ້າໃນໄຕມາດທຳອິດເມື່ອເດືອນ ມັງກອນປີນີ້ ເຊິ່ງນັບຕັ້ງແຕ່ນັ້ນມາ ຈີນກໍ່ໄດ້ດຳເນີນການຍົກເວັ້ນພາສີນຳເຂົ້າສິນຄ້າຈາກອາເມລິກາຫຼາຍລາຍການເປັນເວລາ 1 ປີ ເຊັ່ນ: ຊີ້ນໝູ ແລະ ຖົ່ວເຫຼືອງ.
ຈີນໄດ້ຕົກລົງທີ່ຈະເພີ່ມຄຳສັ່ງຊື້ສິນຄ້າ ແລະ ບໍລິການຈາກອາເມລິກາເປັນເວລາ 2 ປີ ຢ່າງໜ້ອຍ 2 ແສນໂດລາຕໍ່ປີ ລວມເຖິງສິນຄ້າການກະເສດມູນຄ່າ 3.2 ໝື່ນລ້ານໂດລາ ໂດຍມີການຄາດການວ່າການດຳເນີນການດັ່ງກ່າວຈະຊ່ວຍໃຫ້ອາເມລິກາມີຍອດຂາດດຸນການຄ້າກັບຈີນຫຼຸດລົງ.
ນອກຈາກນີ້, ຂໍ້ຕົກລົງດັ່ງກ່າວຍັງລະບຸວ່າ ຈີນໄດ້ໃຫ້ສັນຍາວ່າຈະດຳເນີນການເປີດເສລີພາບບໍລີການດ້ານການເງິນ ໃນຂະນະດຽວກັນກໍ່ຈະແກ້ໄຂປະເດັນທີ່ຈີນຖືກກ່າວຫາກ່ຽວກັບການບັງຄັບຖ່າຍໂອນເທັກໂນໂລຢີ ແລະ ການປັ່ນຄ່າເງິນເພື່ອສົ່ງເສີມການສົ່ງອອກ.
ຮຽບຮຽງຂ່າວ: ພຸດສະດີ