ສຳນັກຂ່າວຣອຍເຕີລະບຸວ່າ ປັດຈຸບັນ 214 ປະເທດ ແລະ ດິນແດນທົ່ວໂລກມີຜູ້ຕິດເຊື້ອໂຄວິດ-19 ຢ່າງໜ້ອຍ 1 ຄົນ ແລະ ໃນຈຳນວນດັ່ງກ່າວມີ 190 ປະເທດທີ່ມີການລະບາດໃນຊຸມຊົນ ແລະ ມີຜູ້ເສຍຊີວິດໃນ 166 ປະເທດທົ່ວໂລກ.
ຕາມການລາຍງານຫຼັງຈາກເດືອນ ເມສາທີ່ຜ່ານມາ ມີ 33 ປະເທດ ແລະ ດິນແດນທີ່ຍັງບໍ່ມີລາຍງານການຕິດເຊື້ອໂຄວິດ-19 ແຕ່ເຖິງແມ່ນວ່າຈະບໍ່ມີການລາຍງານການຕິດເຊື້ອກໍ່ບໍ່ໄດ້ໝາຍຄວາມວ່າຈະບໍ່ມີຜູ້ປ່ວຍຕິດເຊື້ອໃນປະເທດເຫຼົ່ານັ້ນ ເຊັ່ນ: ປະເທດເກົາຫຼີເໜືອ ທີ່ບໍ່ມີລາຍງານພົບຜູ້ຕິດເຊື້ອເຖິງວ່າຈະມີຊາຍແດນຕິດກັບປະເທດຈີນ,ຣັດເຊຍ ແລະ ເກົາຫຼີໃຕ້ ເຊິ່ງລ້ວນແຕ່ເປັນປະເທດທີ່ມີຜູ້ຕິດເຊື້ອຈຳນວນຫຼາຍ.
ສ່ວນໃຫຍ່ແລ້ວປະເທດ ຫຼື ພື້ນທີ່ທີ່ຍັງບໍ່ມີລາຍງານພົບຜູ້ຕິເຊື້ອລ້ວນມີພື້ນທີ່ຂະໜາດນ້ອຍ ຫຼື ເປັນເກາະດອນ ໃນມະຫາສະໝຸດປາຊີຟິກທີ່ເຂົ້າເຖິງໄດ້ຍາກ ແລະ ໃນເອີຣົບຍັງບໍ່ມີລາຍງານພົບຜູ້ຕິດເຊື້ອທີ່ເກາະດອນ ເຊິ່ງເປັນດິນແດນທີ່ມີຄົນອາໃສຢູ່ໜ້ອຍ,
ໃນເວລານີ້ທຸກປະເທດໃນທະວີບອາເມລິກາ ແລະ ຕະເວັນອອກກາງ ມີລາຍງານຜູ້ປ່ວຍຢ່າງໜ້ອຍ 1 ຄົນ ຍົກເວັ້ນເກາະໂຄໂມຣອສ ແລະ ເຊນເຮເລນ່າ ໃນຂະນະທີ່ການແຜ່ລະບາດຂອງເຊື້ອໄວຣັດຍັງຳເນີນຕໍ່ໄປໃນປະເທດຕ່າງໆ ທີ່ຢູ່ອ້ອມຮອບບາງເກາະດອນ.
ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ: www.sanook.com