ທ່ານ ເດນຽວ ໂອ ເດຍ ປະທານ ແລະ ຜູ້ບໍລິຫານຂອງບໍລິສັດ Gilead Sciences ຜູ້ຜະລິດຢາເຣມເດຊີເວຍ ທີ່ມີສັບພະຄຸນໃນການໃຊ້ຮັກສາໂຣກໂຄວິດ-19 ໄດ້ກ່າວວ່າ ລັດຖະບານອາເມລິກາຈະເລີ່ມສົ່ງ ຢາເຣມເດຊີເວຍ ສຳລັບຮັກສາໂຣກໂຄວິດ-19 ໃນອາທິດນີ້ ແລະ ຈະຕັດສິນໃຈວ່າຈະສົ່ງໄປເຂດໃດໃນອາເມລິກາ ໂດຍເນັ້ນໃສ່ເມືອງທີ່ມີຄວາມສ່ຽງ ແລະ ເປັນພື້ນທີ່ທີ່ມີຜູ້ປ່ວຍຈຳເປັນຕ້ອງໄດ້ຮັບຢາຫຼາຍທີ່ສຸດ.
ດ້ານອົງການອາຫານ ແລະ ຢາ ຂອງອາເມລິກາ ຫຼື FDA ກຳນົດໃຫ້ມີການໃຊ້ຢາເຣມເດຊີເວຍໃນກໍລະນີສຸກເສີນສຳລັບຜູ້ປ່ວຍທີ່ມີອາການໜັກ ເຂົ້າຮັກສາຕົວໃນຫ້ອງ ICU ທັງໃນອາເມລິກາ ແລະ ປະເທດອື່ນໆ ເຊິ່ງລັດຖະບານອາເມລິກາຈະເປັນຜູ້ຕັດສິນຕໍ່ໄປ.
ຈາກການຖະແຫຼງຂ່າວ ເມື່ອວັນສຸກທີ່ຜ່ານມາ ບໍລິສັດ Gilead Sciences ຕັ້ງເປົ້າໝາຍໃນການຜະລິດຢາຢ່າງໜ້ອຍໃຫ້ໄດ້ 500,000 ຂວດ ພາຍໃນເດືອນຕຸລານີ້ ແລະ ຈະເພີ່ມຈຳນວນເປັນ 1 ລ້ານຂວດ ພາຍໃນເດືອນທັນວາ ເຖິງແມ່ນວ່າຜົນການທົດສອບທາງຄລີນິກຂອງຢາຍັງບໍ່ມີຜົນທາງສະຖິຕິຢືນຢັນວ່າມີຜູ້ປ່ວຍເສຍຊີວິດຈາກການໃຊ້ຢານີ້ ຫຼື ບໍ່.
ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ: www.sanook.com