ອົງການແຮງງານລະຫວ່າງປະເທດ (ILO) ເຕືອນການຫຼຸດຊົ່ວໂມງທຳງານຕໍ່ເນື່ອງຈາກການແຜ່ລະບາດຂອງເຊື້ອໄວຣັດໂຄວິດ-19 ຈະສົ່ງຜົນຕໍ່ແຮງງານນອກລະບົບກວ່າ 1,600 ລ້ານຄົນ ຫຼື ເກືອບເຄິ່ງໜຶ່ງຂອງແຮງງານທົ່ວໂລກສ່ຽງບໍ່ມີວຽກເຮັດ. ໂດຍ ILO ພົບວ່າ ການຫຼຸດຊົ່ວໂມງການທຳງານໃນມາດຕາທີ 2 ຂອງປີນີ້ຈະຮຸນແຮງກວ່າທີ່ຄາດການໄວ້.

ILO ພົບວ່າພຽງແຕ່ເດືອນທຳອິດຂອງການລະບາດກໍ່ເຮັດໃຫ້ແຮງງານກຸ່ມນີ້ທົ່ວໂລກມີລາຍຮັບຫຼຸດລົງເຖິງ 60% ໂດຍຫາກແບ່ງເປັນພູມມິພາກໃນທະວີບແອຟຣິກາ ແລະ ອາເມລິກາຫຼຸດລົງ 81% ໃນອາຊີ ແລະ ປາຊີຟິກ 21.6% ແລະ ໃນເອີຣົບ ແລະ ອາຊີກາງ 70%.

ILO ໄດ້ຮຽກຮ້ອງໃຫ້ລັດະບານຕ່າງໆອອກມາດຕະການເລັ່ງດ່ວນເພື່ອຊ່ວຍເຫຼືອແຮງງານ ແລະ ພາກທຸລະກິດ ໂດຍສະເພາະຢ່າງຍິ່ງທຸລະກິດຂະໜາດນ້ອຍ ທຸລະກິດທີ່ຢູ່ໃນເສດຖະກິດນອກລະບົບ ແລະ ກຸ່ມອື່ນໆ ທີ່ມີຄວາມສ່ຽງ. ໂດຍຢໍ້າວ່າມາດຕະການເນັ້ນການສ້າງງານທີ່ມີນະໂຍບາຍການຈ້າງງານທີ່ເຂັ້ມແຂງ ມີລະບົບປະກັນສັງຄົມທີ່ຄວບຄຸມ ລວມເຖິງອາໄສຄວາມຮ່ວມມືລະຫວ່າງປະເທດໃນການກະຕຸ້ນເສດຖະກິດ ແລະ ບັນເທົາພາລະໜີ້ສິນ ເພື່ອໃຫ້ການຟື້ນຟູເສດຖະກິດມີປະສິດພາບ ແລະ ໝັ້ນຄົງ.

ຮຽບຮຽງຂ່າວ: ພຸດສະດີ