ສຳນັກຂ່າວຕ່າງປະເທດລາຍງານ ເມື່ອວັນທີ 28 ເມສາ 2020 ວ່າ ກໍລະນີຜູ້ກຳອຳນາດລັດ ອອກກົດເອງ ແຕ່ກໍ່ຝ່າຝືນກົດເອງ ສານມາເລເຊຍໄດ້ປັນໄໝ ທ່ານ ນູອັຊມີ ກາຊາລີ ລັດຖະມົນຕີ ກະຊວງສາທາລະນະສຸກ ແລະ ທ່ານ ຣາຊມານ ຊາຄາເຣຍ ຜູ້ບໍລິຫານ ອົງກອນເອັນຈີໂອ ໃນລັດເປຣັກ ເປັນເງິນ 1.000 ຣິງກິດ ຫຼັງຈາກທັງສອງຮັບສາລະພາບວ່າໄດ້ກະທຳການຝ່າຝືນຄຳສັ່ງຄວບຄຸມການເຄື່ອນໄຫວຂອງມາເລເຊຍ ໜຶ່ງໃນມາດຕະການຕໍ່ສູ້ກັບການລະບາດໂຄວິດ-19 ໃນປະເທດ.
ຫຼັກຖານທີ່ນຳໄປສູ່ການຈັບກຸມທັງ 13 ຄົນ ມາຈາກຮູບຖ່າຍທີ່ໂພສລົງເຟສບຸກຂອງພວກເຂົາ ໃນຂະນະທີ່ຮ່ວມກັນຮັບປະທານອາຫານໃນໂຮງຮຽນສອນສາດສະໜາອິສລາມໃນເມືອງ ເລ້ງກົງ ເມື່ອວັນທີ 18 ເມສາທີ່ຜ່ານມາ.
ຫຼັງຈາກເກີດກະແສຈາກສັງຄົມວິຈານຢ່າງໜັກວ່າເປັນເຈົ້າໜ້າທີ່ລັດແຕ່ກັບຝ່າຝືນຄຳສັ່ງຂອງລັດເອງ ທີ່ອອກກົດຫ້າມລວມຕົວກັນໃນທີ່ສາທາລະນະ ຈົນຮອດການຫ້າມເດີນທາງໄປສະຖານທີ່ຕ່າງໆທັງໃນປະເທດ ແລະ ຕ່າງປະເທດ ເຊິ່ງກົດດັ່ງກ່າວ ມາເລເຊຍໄ້ບັຄັບໃຊ້ຕັ້ງແຕ່ວັນທີ 18 ມີນາທີ່ຜ່ານມາ ເຊິ່ງຕາມການລາຍງານ ປັດຈຸບັນມີປະຊາຊົນມາເລເຊຍຝ່າຝືນຄຳສັ່ງ ແລະ ຖືກຈັບຫຸມດຳເນີນຄະດີແລ້ວຫຼາຍກວ່າ 21,000ຄົນ.
ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ: www.sanook.com