spot_img
Homeຂ່າວຕ່າງປະເທດອົງການອະນາໄມເຕືອນ ຍັງບໍ່ມີຫຼັກຖານ ຄົນຕິດເຊຶ້ອໂຄວິດ-19 ແລ້ວ ມີພູມຄຸ້ມກັນ!

ອົງການອະນາໄມເຕືອນ ຍັງບໍ່ມີຫຼັກຖານ ຄົນຕິດເຊຶ້ອໂຄວິດ-19 ແລ້ວ ມີພູມຄຸ້ມກັນ!

Published on

ໃນວັນທີ 25 ເມສາທີ່ຜ່ານມາ ສຳນັກຂ່າວ AFP ລາຍງານວ່າ ອົງການອະນາໄມໂລກໄດ້ອອກມາຖະແຫຼງເຕືອນວ່າ ຂະນະນີ້, ຍັງບໍ່ມີຫຼັກຖານທີ່ວ່າຜູ້ຕິດເຊື້ອພະຍາດວຣັສໂຄວິດ-19 ໄດ້ສ້າງພູມຄຸ້ມກັນ ແລະ ປົກປ້ອງຕົວເອງຈາກການຕິດເຊື້ອອີກເທື່ອໜຶ່ງໄດ້.

ຕົວແທນຈາກອົງການໄດ້ກ່າວໄວ້ວ່າ ປັດຈຸບັນຍັງບໍ່ມີຫຼັກຖານບົ່ງຊີ້ວ່າ ຜູ້ທີ່ເຊົາຈາກພະຍາດໂຄວິດ-19 ແລ້ວຈະມີພູມຕໍ່ຕ້ານພະຍາດຈົນຄຸ້ມກັນບໍ່ໃຫ້ຕິດເຊື້ອເທື່ອທີສອງ, ນັບຈາກວັນທີ 24 ເມສາ 2020 ຍັງບໍ່ມີງານວິໄຈວ່າພູມຕ້ານທານເຊື້ອ SARS-CoV-2 ຈະສ້າງພູມຄຸ້ມກັນການຕິດເຊື້ອໄວຣັສຊະນິດນີ້ໃນມະນຸດ.

ຄຳຖະແຫຼງນີ້ ມີຂຶ້ນໃນຂະນະທີ່ລັດຖະບານບາງປະເທດຕ້ອງການຈະເປີດເມືອງ ເພື່ອໃຫ້ຄົນກັບມາເຮັດວຽກແລະຟື້ນຄືນກິດຈະກຳທາງເສດຖະກິດ ໂດຍຊຸກຍູ້ແນວຄິດທີ່ຈະໃຊ້ພູມຈາກຄົນທີ່ເຊົາພະຍາດແລ້ວມາທົດສອບວິທະຍາເຊຣຸ່ມ ເພື່ອຫາສານພູມຕ້ານທານໃນເລືອດ ແຕ່ທີ່ຈິງແລ້ວ ການທົດສອດທາງວິທະຍາເຊຣຸ່ມຕ້ອງມີອົງປະກອບສຳຄັນໃຫ້ຄັກແນ່ ແລະ ເຊື່ອຖືໄດ້.

ທາງຕົວແທນກໍ່ໄດ້ລະບຸວ່າ ຄົນມັກສະຫຼຸບເອົາເອງວ່າ ພວກເຂົາຈະມີພູມຄຸ້ມກັນແລ້ວຈາກການຕິດເຊື້ອຮອບສອງ ແລະອາດຈະຖືເບົາຕໍ່ຄຳແນະນຳດ້ານສາທາລະນະສຸກ ຫາກນຳຄວາມເຂົ້າໃຈໄປເອງນີ້ໄປໃຊ້ ຈະສ່ຽງຕໍ່ການຕິດເຊື້ອຕໍ່ໄປ.

ອົງການອະນາໄມໂລກສະຫຼຸບໃນຕອນທ້າຍວ່າ ຈຳເປັນຢ່າງຍິ່ງທີ່ຈະຕ້ອງທົດສອບການຕອບສະໜອງໃນລະບົບພູມຄຸ້ມກັນຕໍ່ໄວຣັສໂຄໂຣນາຊະນິດໃໝ່ນີ້ ຈາກພູມຕ້ານຖານທີ່ສ້າງຂຶ້ນລະຫວ່າງການຕິດເຊື້ອໄວຣັສໂຄໂຣນາຊະນິດອື່ນໆອີກ ຈາກທີ່ມີຢູ່ 6 ຊະນິດ ໃນຈຳນວນນີ້ 4 ຊະນິດແຜ່ກະຈາຍເປັນລະດັບຫວັດທຳມະດາ ສ່ວນອີກ 2 ຊະນິດແມ່ນ SARS ແລະ MERS. ຄົນທີ່ເຄີຍຕິດເຊື້ອໄວຣັສ 2 ຊະນິດຫຼັກນີ້ ມີສັກກະຍະພາບທີ່ຈະສ້າງພູ້ມຕ້ານທານທີ່ມີປະຕິກິລິຍາຕໍ່ພູມຕ້ານທານທີ່ມາຈາກການຕິດເຊື້ອ SARS-CoV-2 ດັງນັ້ນ ຈຶ່ງມີຄວາມສຳຄັນທີ່ຕ້ອງລະບຸໂຕພູມຕ້ານທານໃຫ້ໄດ້.

 

ຮຽບຮຽງໂດຍ: ວະນິດາ

ບົດຄວາມຫຼ້າສຸດ

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....

ເສຍຫາຍໜັກ! ມູນຄ່າຄວາມເສຍຫາຍຈາກເຫດການໄຟໄໝ້ ທີ່ບ.ນາໝີ ມ. ໄຊ ຂ.ອຸດົມໄຊ

ເສຍຫາຍມູນຄ່າ 22 ຕື້ກວ່າກີບ ແລະ 2 ລ້ານກວ່າຢວນ ຈາກເຫດການໄຟໄໝ້ ທີ່ບ.ນາໝີ ມ. ໄຊ ຂ.ອຸດົມໄຊ ອິງຕາມບົດລາຍງານ ຂອງພະແນກ ແຮງງານ ແລະ...

ໜາວ-ເຢັນ ສະພາບອາກາດປະຈຳວັນທີ 25 ກຸມພາ 2025 ເວລາ 6:00 ໂມງ

ສະພາບອາກາດປະຈຳວັນທີ 25 ກຸມພາ 2025 ມວນອາກາດໜາວເຢັນ ຍັງຈະສືບຕໍໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງແຮງ, ສົມທົບກັບກະແສລົມຕາເວັນ ອອກສ່ຽງເໜືອພັດປົກຄຸມ. ຊຶ່ງຈະເຮັດໃຫ້ອາກາດຈະເຢັນ ຫາ ໜາວເຢັນ ລົງຢູ່ທົ່ວໄປ ແລະ...