spot_img
Homeຂ່າວຕ່າງປະເທດອາຊຽນອາດກາຍເປັນສູນກາງການລະບາດຫຼັງພົບຜູ້ຕິດເຊື້ອໂຄວິດ-19 ເພີ່ມຂຶ້ນຢ່າງໄວວາ

ອາຊຽນອາດກາຍເປັນສູນກາງການລະບາດຫຼັງພົບຜູ້ຕິດເຊື້ອໂຄວິດ-19 ເພີ່ມຂຶ້ນຢ່າງໄວວາ

Published on

ສຳນັກຂ່າວຕ່າງປະເທດລາຍງານວ່າ ຜູ້ຊ່ຽວຊານເຕືອນວ່າ ກຸ່ມປະເທດສະມາຊິກອາຊຽນອາດກາຍເປັນສູນກາງການແຜ່ລະບາດຂອງໂຄວິດ-19 ຫຼັງຈາກພົບວ່າມີຈຳນວນຜູ້ຕິດເຊື້ອເພີ່ມຂຶ້ນໄວວາໃນໄລຍະຫຼາຍອາທິດທີ່ຜ່ານມາ.

ປັດຈຸບັນ, ອາຊຽນພົບຜູ້ຕິດເຊື້ອໂຄວິດ-19 ຫຼາຍກວ່າ 28,000 ຄົນ ໂດຍປະເທດ ສິງກະໂປ, ອິນໂດເນເຊຍ ແລະ ມາເລເຊຍ ມີຈຳນວນຜູ້ຕິດເຊື້ອລວມກັນສະເລ່ຍ 87,9% ຂອງຈຳນວນຜູ້ຕິດເຊື້ອທັງໝົດໃນອາຊຽນ.

ເຖິງແມ່ນວ່າຈຳນວນຜູ້ຕິດເຊື້ອໃນອາຊຽນຕົວເລກຍັງຕໍ່າກວ່າໃນ ອາເມລິກາ ແລະ ເອີຣົບ ທີ່ມີຈຳນວນຜູ້ຕິດເຊື້ອຫຼາຍແສນຄົນ ແຕ່ຜົນການສຶກສາໄດ້ຊີ້ໃຫ້ເຫັນວ່າ ຈຳນວນຜູ້ຕິດເຊື້ອໃນອາຊຽນອາດຈະຫຼາຍກວ່າທີ່ມີການລາຍງານຫຼາຍໝື່ນຄົນ ເນື່ອງຈາກຫຼາຍປະເທດເຊັ່ນ: ອິນໂດເນເຊຍ ແລະ ຟິລິບປິນ ມີອັດຕາການກວດຫາຜູ້ຕິດເຊື້ອໃນລະດັບຕໍ່າ.

ທາງດ້ານສິງກະໂປເປີດເຜີຍວ່າ ຜູ້ຕິດເຊື້ອໂຄວິດ-19 ລາຍໃໝ່ໃນສິງກະໂປມີຈຳນວນ 1,426 ຄົນ ພຽງເວລາ 24 ຊົ່ວໂມງທີ່ຜ່ານມາ ເຊິ່ງເປັນຈຳນວນຜູ້ຕິດເຊື້ອສູງໃນປະຫວັດສາດ ສົ່ງຜົນໃຫ້ປັດຈຸບັນ ສິງກະໂປມີຜູ້ຕິດເຊື້ອໂຄວິດ-19 ສະສົມລວມທັງໝົດ 8,014 ຄົນ ເຮັດໃຫ້ກາຍເປັນປະເທດທີ່ມີຜູ້ຕິດເຊື້ອສູງສຸດອັນດັບ 1 ໃນອາຊຽນ.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...