ບໍລິສັດ ແອລຟາເບດ ອິງ ບໍລິສັດແມ່ຂອງ Google (ກູເກິລ) ເວັບໄຊ້ຄົ້ນຫາ (Search Engine) ຊື່ດັງຂອງອາເມລິກາ ຫ້າມບໍ່ໃຫ້ພະນັກງານຂອງບໍລິສັດຕິດຕັ້ງແອັບພລິເຄຊັນ Zoom ແອັບພລິເຄຊັນ ສຳລັບປະຊຸມທາງໄກຊື່ດັ່ງ ໂດຍໃຫ້ເຫດຜົນດ້ານຄວາມປອດໄພ.

ໂດຍທາງ ກູເກິລ ລະບຸວ່າ ໃນໄລຍະທີ່ຜ່ານມາທີມດູແລຄວາມປອດໄພຂອງບໍລິສັດ ໄດ້ແຈ້ງໃຫ້ພະນັກງານຂອງບໍລິສັດທີ່ໃຊ້ແອັບພລິເຄຊັນ Zoom ຈະບໍ່ສາມາດໃຊ້ແອັບດັ່ງກ່າວໃນຄອມພິວເຕີຂອງບໍລິສັດໄດ້ອີກຕໍ່ໄປ ເນື່ອງຈາກແອັບດັ່ງກ່າວບໍ່ຜ່ານມາດຕະຖານດ້ານຄວາມປອດໄພ ແຕ່ພະນັກງານຍັງໄດ້ຮັບອະນຸຍາດນຳໃຊ້ແອັບພລິເຄຊັນ Zoom ຜ່ານທາງໂທລະສັບມືຖື ຫຼື ຜ່ານບຣາວເຊີ Browser ໄດ້.

ແອັບພລິເຄຊັນ Zoom ເປັນຂອງບໍລິສັດ ຊູມ ວິດີໂອ ຄອມມູນິເຄຊັ່ນ ອິງ ເຊິ່ງເປັນແອັບພລິເຄຊັນທີ່ກຳລັງໄດ້ຮັບຄວາມນິຍົມຫຼາຍໃນຊ່ວງທີ່ບໍລິສັດທົ່ວໂລກໃຫ້ພະນັກງານເຮັດວຽກຢູ່ເຮືອນ ເພື່ອຕ້ານການລະບາດຂອງເຊື້ອໄວຣັດໂຄວິດ-19 ໃນເວລານີ້. ແຕ່ແອັບ Zoom ກໍ່ຖືກວິຈານເຖິງການບໍ່ມີລະບົບຮັກສາຄວາມປອດໄພທີ່ເໝາະສົມ ເປີດທາງໃຫ້ເກີດ Zoombombing ຫຼື ມີບຸກຄົນທີ່ບໍ່ໄດ້ຮັບເຊີນເຂົ້າມາປັ່ນປ່ວນໃນການປະຊຸມໃດກໍ່ໄດ້.

ຮຽບຮຽງຂ່າວ: ພຸດສະດີ