spot_img
Homeຂ່າວຕ່າງປະເທດບັນດາປະເທດໃນຊ່ວງ Lockdown ກັບມາດຕະການປ້ອງກັນການແຜ່ລະບາດທີ່ບໍ່ທຳມະດາ

ບັນດາປະເທດໃນຊ່ວງ Lockdown ກັບມາດຕະການປ້ອງກັນການແຜ່ລະບາດທີ່ບໍ່ທຳມະດາ

Published on

ຫຼາຍໆປະເທດໃນໂລກກໍ່ໄດ້ອອກມາດຕະການໃນຊ່ວງທີ່ປະເທດກຳລັງປິດປະເທດ ຫຼື Lockdown ເພື່ອປ້ອງກັນບໍ່ໃຫ້ພະຍາດໄວຣັສໂຄວິດ-19 ແຜ່ລະບາດ. ບາງປະເທດກໍ່ອອກມາດຕະການຂັ້ນເດັດຂາດ ບາງປະເທດກໍ່ຜ່ອນຜັນ ແລະ ບາງປະເທດກໍ່ອອກມາດຕະການທີ່ແປກໃໝ່ ບໍ່ທຳມະດາ ແລະມີແຕ່ປະເທດນີ້ເທົ່ານັ້ນທີ່ມີມາດຕະການແບບນີ້ອອກມາ. ເຮົາມາເບິ່ງກັນວ່າມີປະເທດໃດແດ່ທີ່ອອກມາດຕະການປ້ອງກັນການແຜ່ລະບາດຂອງໄວຣັສທີ່ບໍ່ທຳມະດາ.

  1. ປະເທດປານາມາ
ຮູບພາບຈາກ AFP

ປະເທດໃນທະວີບອາເມລິກາກາງ ທີ່ມີກໍລະນີຜູ້ຕິດເຊື້ອປະມານ 1,000 ກໍລະນີ ໄດ້ອອກມາດຕະການກ່ຽວກັນການກັກໂຕທີ່ເຄັ່ງຄັດ ດ້ວຍວ່າວັນພຸດເປັນຕົ້ນໄປ ຍິງແລະຊາຍສາມາດອອກຈາກບ້ານໄດ້ແຄ່ 2 ຊົ່ວໂມງເທົ່ານັ້ນ ແລະຕ້ອງອອກໃນມື້ທີ່ຕ່າງກັນ. ສ່ວນໃນວັນອາທິດແມ່ນຫ້າມປະຊາຊົນອອກຈາກບ້ານເດັດຂາດ.

  1. ປະເທດໂຄລອມເບຍ

ໃນບາງເມືອງຂອງແຕ່ລະມື້ ປະຊາຊົນສາມາດອອກຈາກບ້ານໄດ້ ຖ້າເລກທ້າຍບັດປະຊາຊົນກົງກັບເລກທີກຳນົດໄວ້ ຕົວຢ່າງເຊັ່ນ: ເລກທ້າຍທີ 0,7 ຫຼື 4 ແມ່ນສາມາດອອກຈາກບ້ານໄດ້ໃນວັນຈັນ. 

  1. ປະເທດເຊີເບຍ
ຮູບພາບຈາກ REUTERS

ປະເທດເຊີເບຍໄດ້ອອກກົດ “ຊົ່ວໂມງພາໝາຍ່າງ (dog-walking hour)” ໃນເວລາ 8 ໂມງ ເຖິງ 9 ໂມງກາງຄືນ ແຕ່ກໍ່ໄດ້ຍົກເລີກໄປ ຈາກການຮຽກຮ້ອງຂອງຜູ້ທີ່ມີໝາລ້ຽງ. 

4.ປະເທດເບລາຣຸດ 

ຮູບພາບຈາກ EPA

ເບລາຣຸດຍັງບໍ່ໄດ້ອອກມາດຕະການຫ້າມຈັດການແຂ່ງຂັນກີລາ ເຖິງແມ້ວ່າຫຼາຍປະເທດໃກ້ຄຽງໄດ້ອອກມາດຕະການຢ່າງເຄັ່ງຄັດ. ປະທານປະເທດແຫ່ງເບລາຣຸດ ທ່ານ Alexander Lukashenko ໄດ້ອອກມາເວົ້າໃນເຊິ່ງຕິດຕະຫຼົກວ່າຕົວເອງຫຍັງບໍ່ເຫັນພະຍາດໄວຣັສ”ລອຍໄປລອຍມາ”ເພາະຄິດວ່າມັນສາມາດເຫັນໄດ້ດ້ວຍຕາເປົ່າ.

  1. ປະເທດສະວີເດັນ

ປະເທດສະວີເດັນມີມາດຕະການປ້ອງກັນການແຜ່ລະບາດຂອງພະຍາດຢ່າງຜ່ອນຜັນແລະຖືເບົາ ເຖິງແມ້ວ່າໃນປະເທດຈະມີກໍລະນີຜູ້ຕິດເຊື້ອກວ່າ 4500 ຄົນກໍ່ຕາມ.

ຈັ່ງໃດກໍ່ຕາມ ທາງລັດຖະບານກໍ່ໄດ້ໄວ້ວາງໃຈປະຊາຊົນໃຫ້ໃຊ້ຊີວິດປະຈຳວັນຢ່າງມີສະຕິ ແລະ ເຮັດແຕ່ໃນສິ່ງທີ່ຖືກຕ້ອງ. ທາງການກໍ່ໄດ້ອອກມາດຕະການ ຫ້າມບໍ່ໃຫ້ມີການຮ່ວມຊຸມນຸມເກີນ 50 ຄົນໃນວັນອາທິດ ສ່ວນໂຮງຮຽນສຳຫຼັບນັກຮຽນອາຍຸ 16 ປີລົງມາແມ່ນໃຫ້ເປິດຕາມປົກກະຕິ. ຮ້ານອາຫານ ແລະ ຮ້ານກິນດື່ມກໍ່ຍັງເປີດໃຫ້ນັ່ງກິນໃນຮ້ານຕາມປົກກະຕິ, ປະຊາຊົນກໍ່ຍັງອອກມາມາຄົບຫາສະມາຄົມຢ່າງເປັນປົກກະຕິ.

ແຫຼ່ງຂໍ້ມູນ: CNN

ຮຽບຮຽງໂດຍ: ວະນິດາ

ບົດຄວາມຫຼ້າສຸດ

ໄຂຂຶ້ນຢ່າງເປັນທາງການ ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ, ສປປ ລາວ ສົ່ງ 39 ປະເພດກິລາ ຮ່ວມຊີງໄຊ ພ້ອມຕັ້ງເປົ້າ 5 ຫຼຽນຄຳ

ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ ເປັນເຈົ້າພາບ ໄດ້ໄຂຂຶ້ນຕອນຄໍ່າວັນທີ 9 ທັນວາ 2025 ຢູ່ສະໜາມກິລາຣາຊະມັງຄາລາກິລາສະຖານ ນະຄອນຫຼວງບາງກອກ, ໂດຍການໃຫ້ກຽດກ່າວເປີດງານຂອງສົມເດັດພະເຈົ້າຢູ່ຫົວ ມະຫາວະຊິຣາລົງກອນ ພະມະຫາກະສັດ...

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...