ກະຊວງສາທາລະນະສຸກຊາອຸດິອາຣະເບຍໄດ້ມີຖະແຫຼງການເມື່ອວັນທີ 30 ມີນາ 2020ທີ່ຜ່ານມາວ່າ ສົມເດັດພຣະຣາຊາທິບໍດີ ຊັລມານ ບິນ ອັບດຸລ ອະຊິຊ ອັລ ຊະອູດ (Salman bin Abdulaziz) ແຈ້ງເຈດຈະຈ່າຍຄ່າປິ່ນປົວທັງໝົດໃຫ້ກັບປະຊາຊົນຊາອຸດິອາຣະເບຍລວມເຖິງຊາວຕ່າງຊາດທີ່ອາໃສຢູ່ໃນປະເທດຜູ້ທີ່ຕິດເຊື້ອໂຄວິດ-19.
ລັດຖະມົນຕີກະຊວງສາທາລະນະສຸກ ຍັງກ່າວຕື່ມອີກວ່າ: ກະສັດ ຊັລມານ ຮຽກຮ້ອງໃຫ້ປະຊາຊົນຜູ້ທີ່ມີອາການຮີບໄປກວດກາຫາເຊື້ອທີ່ໂຮງໝໍທັນທີຢ່າງໄດ້ລັງເລ ເຊິ່ງເຈົ້າຊາຍ ໂມຮຳມັດ ບິນ ຊັລມານ ມົງກຸດຣາຊະກຸມມານແຫ່ງຊາອຸດິອາຣະເບຍ ໄດ້ຕິດຕາມທຸກສະຖານະການຢ່າງໃກ້ຊິດ.
ສຳລັບຊາອຸດິອາຣະເບຍມີຜູ້ຕິດເຊື້ອໂຄວິດ-19 ຈຳນວນ 1,453 ກໍລະນີ, ຮັກສາຫາຍແລ້ວ 115 ກໍລະນີ ແລະ ເສຍຊີວິດ 8 ກໍລະນີ. ທັງນີ້ ຄຳສັ່ງຂອງກະສັດ ຊັລມານ ຈະຄວບຄຸມໄປເຖິງບຸກຄົນທີ່ເຂົ້າເມືອງຢ່າງຜິດກົດໝາຍ ກໍ່ຈະໄດ້ຮັບການປິ່ນປົວຟຣີ ຫາກພວກເຂົາເປັນຜູ້ປ່ວຍຕິດເຊື້ອໂຄວິດ-19.
ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ: www.matichon.co.th