ອີງຕາມລາຍງານຈາກສຳນັກຂ່າວ BBC ສະມາຊິກຄະນະກຳມະການໂອແລມປິກສາກົນ (International Olympic Committee) ທ່ານ Dick Pound ໄດ້ກ່າວໄວ້ວ່າງານແຂ່ງຂັນກິລາລະດັບໂລກໂອແລມປິກ 2020 ທີຈະຈັດຂຶ້ນທີກຸງໂຕກຽວ, ປະເທດຢີ່ປຸ່ນ ແມ່ນຈະໄດ້ຖືກເລື່ອນໄປເຖິງປີ 2021 ຍ້ອນການແຜ່ລະບາດຂອງພະຍາດໄວຣັສໂຄວິດ-19. ກ່ອນໜ້ານີ້ປະເທດການາດາ,ອົດສະຕາລີແລະອັງກິດໄດ້ປະຕິເສດການສົ່ງນັກກິລາຂອງຕົນລົງແຂ່ງຂັນໂອແລມປິກປີນີ້.

ພ້ອມກັນນີ້ປະທານສະຫະພັນນັກກິລານາໆຊາດ ທ່ານ Lord Coe ໄດ້ສົ່ງຈົດໝາຍຫາປະທານຄະນະກຳມະການໂອແລມປິກສາກົນ Thomas Bach ເນື້ອໃນຫຼັກໆແມ່ນວ່າການຈັດງານປີນີ້ມີຄວາມຍາກລຳບາກແລະບໍ່ເໝາະສົມຍ້ອນການແຜ່ລະບາດຂອງໄວຣັສໂຄວິດ-19 ພ້ອມຍົກ3ເຫດຜົນຫຼັກໆເພື່ອເລື່ອນງານໂອແລມປິກຄື: ເພື່ອການແຂ່ງຂັນທີ່ເປັນທຳ, ເພື່ອບໍ່ໃຫ້ນັກກິລາສ່ຽງຈາກການບາດເຈັບແລະເພື່ອສະພາບຈິດໃຈຂອງນັກກິລາ.

ຮຽບຮຽງໂດຍ ວະນິດາ