ປະເທດທີ່ຕ້ອງເພິ່ງພາສິນຄ້າ ແລະ ວັດຖຸດິບຈາກຈີນລ້ວນໄດ້ຮັບຜົນກະທົບຈາກການລະບາດຂອງເຊື້ອໄວຣັສໂຄໂຣນາ ຫຼື ໂຄວິດ-19 ຈາກລາຍງານຂອງອົງການການປະຊຸມສະຫະປະຊາຊາດວ່າດ້ວຍການຄ້າ ແລະ ການພັດທະນາ (UNCTAD) ລະບຸວ່າ ອຸດສາຫະກຳການຜະລິດໃນຈີນທີ່ຫຼຸດລົງ ເນື່ອງຈາກການແຜ່ລະບາດຂອງເຊື້ອໄວຮັດໂຄໂຣນາ ໄດ້ສົ່ງຜົນກະທົບຕໍ່ການຄ້າໂລກ ແລະ ອາດເຮັດໃຫ້ມູນຄ່າການສົ່ງອອກທົ່ວໂລກຫຼຸດລົງ 50,000 ລ້ານໂດລາ.
ຈາກລາຍງານຂອງ UNCTAD ອຸດສາຫະກຳທີ່ໄດ້ຮັບຜົນກະທົບໜັກໜ່ວງທີ່ສຸດໄດ້ແກ່ ອຸດສາຫະກຳເຄື່ອງວັດແທກຄວາມຖືກຕ້ອງແມ້ນຍໍາ, ເຄື່ອງຈັກ, ລົດຍົນ ແລະ ອຸປະກອນການສື່ສານ.
ສ່ວນປະເທດທີ່ໄດ້ຮັບຜົນກະທົບທາງເສດຖະກິດຮ້າຍແຮງທີ່ສຸດປະກອບມີ: ສະຫະພາບເອີຣົບ, ສະຫະລັດອາເມລິກາ, ຍີ່ປຸ່ນ, ເກົາຫຼີໃຕ້, ໄຕ້ຫວັນ,ຫວຽດນາມ, ສິງກະໂປ, ອັງກິດ, ແມັກຊິໂກ, ສະວິດເຊີແລນ, ມາເລເຊຍ, ໄທ, ຕວັກກີ, ອິນເດຍ ແລະ ອິນໂດເນເຊຍ.
ຮຽບຮຽງຂ່າວ: ພຸດສະດີ