spot_img
Home​ຂ່າວບັນເທິງແມ່ຍິງລາວຄົນທໍາອິດໄດ້ຮັບລາງວັນຜູ້ກຳກັບຜະລິດຮູບເງົາດີເດັ່ນຈາກເວທີລະດັບໂລກ

ແມ່ຍິງລາວຄົນທໍາອິດໄດ້ຮັບລາງວັນຜູ້ກຳກັບຜະລິດຮູບເງົາດີເດັ່ນຈາກເວທີລະດັບໂລກ

Published on

ແມ່ຍິງລາວຄົນທໍາອິດ ແມັດຕີ ໂດ Mattie Do ໄດ້ຮັບລາງວັນ ຜູ້ກຳກັບການຜະລິດຮູບເງົາດີເດັ່ນຈາກເວທີລະດັບໂລກ Best Director ແລະ ຮູບເງົາດັ່ງກ່າວຊື່ ບໍ່ມີວັນຈາກ (The Long Walk) ທີ່ເທສະການຮູບເງົາ The Boston SciFi Festival Awards ທີ່ ສະຫະລັດອາເມລິກາເມື່ອບໍ່ດົນມານີ້.

ໃນງານດັ່ງກ່າວ, ນາງ ແມັດຕີ ໄດ້ສົ່ງຮູບເງົາ ເຂົ້າຊີງລາງວັນ ພ້ອມກັບຜູ້ກຳກັບດີເດັ່ນລະດັບໂລກນັ້ນກໍ່ຄື The Boston SciFi Festival Awards ພ້ອມທັງມີນັກສ້າງຮູບເງົາຊື່ດັງຫຼາຍປະເທດໃນທົ່ວໂລກເຂົ້າຊີງເຊັ່ນດຽວກັນ.

ຜົນງານທີ່ຜ່ານມາຂອງ ແມັດຕີ ເຊັ່ນ ຮູບເງົາເລື່ອງ ນ້ອງຮັກ (Dearest Sister) ທີ່ອອກສາຍໃນເວທີລະດັບໂລກ ແລະ ຍັງໄດ້ຮັບລາງວັນມາແລ້ວຫຼາຍເວທີ, ເຊິ່ງເປັນສິ່ງທີ່ຢັ້ງຢືນ ໄດ້ວ່າຜົນງານຂອງແມ່ຍິງຄົນນີ້ມີຄຸນນະພາບ ແລະ ສາກົນກໍ່ໃຫ້ຄວາມສົນໃຈ. ຮູບເງົາເລື່ອງ ຈັນທະລີ ກໍ່ເປັນອີກເລື່ອງໜຶ່ງທີ່ສ້າງຊື່ສຽງໃຫ້ປະເທດລາວດ້ານການສ້າງຮູບເງົາໃນເວທີສາກົນ.

ນາງ ແມັດຕີ ປະຈຸບັນ ເປັນນັກສ້າງຮູບເງົາ ແລະ ເປັນໜຶ່ງໃນຄະນະກຳມະການໂຄງການລາວແຟຊັ້ນວີກ, ໂຄງການນັກອອກແບບໜຸ່ມນ້ອຍ ແລະ ເປັນຄູສອນເຕັ້ນບາເລ້ ໃຫ້ກັບນັກຮຽນໂຮງຮຽນ ສິລະປະດົນຕີແຫ່ງຊາດ ຢູ່ນະຄອນຫຼວງວຽງຈັນ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...