ບໍລິສັດໄມ້ມຽນມ້າ (MTE) ເຊິ່ງເປັນວິສາຫະກິດຂອງລັດ ເປີດປະກວດລາຄາເພື່ອຈຳໜ່າຍໄມ້ສັກ ແລະ ໄມ້ເນື້ອແຂງ
ຈຳນວນຫລາຍແສນໂຕນ ກຳນົດຂາຍໃນວັນທີ 21 ຕຸລານີ້.
ສຳນັກຂ່າວຕ່າງປະເທດລາຍງານວ່າ ບໍລິສັດໄມ້ມຽນມ້າ ໄດ້ຕັ້ງເປົ້າຈຳໜ່າຍໄມ້ສັກ, ໄມ້ເນື້ອແຂງ ແລະ ໄມ້ແປຮູບສຳ
ລັບໃຊ້ພາຍໃນປະເທດ ໃນປີງົບປະມານ 2014-2015 ເປັນຈຳນວນຫລາຍກ່ວາ 500,000 ໂຕນ ເຊິ່ງຈົນເຖິງເວລານີ້
ຈຳໜ່າຍໄປແລ້ວກ່ວາ 100,000 ໂຕນ ສ້າງລາຍຮັບໃຫ້ແກ່ລັດໄດ້ 35,000 ລ້ານຈ໊າດ (ປະມານ 289.5 ຕື້ກີບ).
ລັດຖະບານມຽນມ້າ ປະກາດຫ້າມເອກະຊົນສົ່ງອອກໄມ້ທ່ອນ ນັບຕັ້ງແຕ່ວັນທີ 1 ເມສາ 2015 ເປັນຕົ້ນມາ ເພື່ອປ້ອງ
ກັນການຕັດໄມ້ທຳລາຍປ່າ ແລະ ເພື່ອເປັນການຮັບປະກັນການໃຊ້ຊັບພະຍາກອນທຳມະຊາດຂອງປະເທດໃນໄລຍະ
ຍາວ.
ຢ່າງໃດກໍຕາມ ລັດຖະບານໄດ້ອະນຸຍາດໃຫ້ສົ່ງອອກໄມ້ແຜ່ນ ແລະ ຜະລິດຕະພັນຈາກໄມ້ທີ່ເພີ່ມເປັນມູນຄ່າແລ້ວໄດ້
ເພື່ອຫວັງສົ່ງເສີມການລົງທຶນຈາກຕ່າງປະເທດ ເຂົ້າໃນອຸດສາຫະກຳທີ່ໃຊ້ໄມ້ເຂົ້າໃນການຜະລິດເຕັກໂນໂລຊີ.