ລັດຖະມົນຕີກະຊວງສາທາລະນະສຸກຂອງປະເທດໄທກ່າວໃນວັນອັງຄານ (11 ກຸມພາ 2020) ວ່າ ປະເທດໄທໄດ້ປະຕິເສດການອະນຸຍາດໃຫ້ຜູ້ໂດຍສານຈາກເຮືອສຳລານ MS Westerdam ຂອງ Holland America ເຊິ່ງຖືວ່າເປັນປະເທດຫຼ້າສຸດທີ່ຫັນຫຼັງໃຫ້ ເນື່ອງຈາກຄວາມກັງວົນຂອງການແຜ່ລະບາດຂອງເຊື້ອໄວຣັສໂຄໂຣນາ.

ບໍລິສັດດັ່ງກ່າວເປັນເຈົ້າຂອງບໍລິສັດ Carnival Corp ທີ່ຕັ້ງຢູ່ Miami, ໄດ້ກ່າວໃນວັນຈັນທີ່ຜ່ານມາວ່າຜູ້ໂດຍສານຈະເດີນທາງເຂົ້າໄປກຸງເທບໃນວັນທີ 13 ກຸມພາ ແລະ ບໍ່ມີເຫດຜົນຫຍັງທີ່ຈະເຊື່ອວ່າທຸກຄົນໃນເຮືອນີ້ຈະມີເຊື້ອໄວຣັສ.

ອີງຕາມການລາຍງານຂອງ USA Today, The MS Westerdam, ເຊິ່ງບັນຈຸແຂກ 1,455 ຄົນ ແລະ ລູກເຮືອ 802 ຄົນ, ກ່ອນໜ້ານີ້, ທ່າເຮືອຕ່າງໆໃນຍີ່ປຸ່ນ, ຟິລິບປິນ ແລະ ເກາະກວມ ໄດ້ປະຕິເສດຫ້າມບໍ່ໃຫ້ເຂົ້າທ່າເຮືອ.

ເຮືອສຳລານລຳດັ່ງກ່າວໄດ້ເດີນທາງອອກຈາກຮົງກົງຕັ້ງແຕ່ວັນທີ 1 ກຸມພາ ເຊິ່ງບໍ່ມີໃຜຮູ້ວ່າເຮືອລຳນີ້ຈະໄປທາງໃດຕໍ່.

ຮຽບຮຽງຂ່າວ: ພຸດສະດີ