ກອງປະຊຸມສຸດຍອດຜູ້ນຳປະເທດ G20 ຊຶ່ງຈັດຂຶ້ນທີ່ນະຄອນໂອຊາກ້າ, ປະເທດຍີ່ປຸ່ນ ນອກຈາກວາລະສຳຄັນທີ່ບັນດາຜູ້ນຳແຕ່ລະປະເທດພົບປະຫາລືໃນຫົວຂໍ້ຕ່າງໆແລ້ວ ກໍຍັງມີອີກໜຶ່ສີສັນທີ່ສະທ້ອນໃຫ້ເຫັນເຖິງສາຍສຳພັນຂອງເພດຍິງນັ້ນກໍຄື ບັນດາພັນລະຍາຂອງຜູ້ນຳແຕ່ລະປະເທດທີ່ເຂົ້າຮ່ວກອງປະຊຸມໄດ້ຮ່ວມກັນຈັດກິດຈະກຳຫຼາກຫຼາຍທີ່ສະແດງໃຫ້ເຫັນເຖິງມິດຕະພາບ ແລະ ຄວາມສາມັກຄີ.
ທັງນີ້ ບັນດາພັນລະຍາຂອງຜູ້ນຳທີ່ເຂົ້າຮ່ວມປະຊຸມ G20 ໄດ້ພົບປະ ແລະ ເຮັດກິດຈະກຳຕ່າງໆ ໜຶ່ງໃນນັ້ນກໍຄືການທ່ຽວຊົມວັດໂທຟຸຄຸຈິທີ່ກຽວໂຕ ໂດຍມີທ່ານ ນາງ ອາກິເອ ອາເບະ ພັນລະຍາຂອງ ທ່ານ ຊິນໂຊ ອາເບະ ນາຍົກລັດຖະມົນຕີຂອງຍີ່ປຸ່ນໃນນາມເຈົ້າພາບໄດ້ໃຫ້ກຽດຕ້ອນຮັບ.
ລາຍງານຈາກເມືອງໂອຊາກ້າ, ປະເທດຍີ່ປຸ່ນ
ຮູບພາບ ແລະ ຂໍ້ມູນຈາກ: G20 Summit