spot_img
Homeຂ່າວຕ່າງປະເທດຜູ້ນຳອາເມຣິກາຍອມໃຫ້ບໍລິສັດພາຍໃນເຮັດການຄ້າກັບຮົວເຫວີຍ

ຜູ້ນຳອາເມຣິກາຍອມໃຫ້ບໍລິສັດພາຍໃນເຮັດການຄ້າກັບຮົວເຫວີຍ

Published on

ປະທານທິບໍດີ ໂດນັລ ທຣັມ ຍອມອະນຸຍາດໃຫ້ບໍລິສັດຕ່າງໆພາຍໃນປະເທດສາມາດເຮັດທຸລະກິດຮ່ວມກັບຮົວເຫວີຍໄດ້ຕາມເດີມ ແຕ່ຍັງບໍ່ຖອດລາຍຊື່ຮົວເຫວີຍອອກຈາກບັນຊີດຳ.

ຜູ້ນຳອາເມຣິກາໄດ້ກ່າວໃນລະຫວ່າງການຖະແຫຼງຂ່າວພາຍຫຼັງສຳເລັດການຫາລືຫຼາຍປະເດັນໃນການປະຊຸມ G20 ທີ່ນະຄອນໂອຊາກາ ປະເທດຍີປຸ່ນ ໂດຍມີຕອນໜຶ່ງໄດ້ກ່າວວ່າ ກຽມຈະອະນຸຍາດໃຫ້ບັນດາບໍລິສັດພາຍໃນອາເມຣິກາຄ້າຂາຍກັບຮົວເຫວີຍໄດ້ຕໍ່ໄປ ຊຶ່ງບໍລິສັດໃນອາເມຣິກາສາມາດຂາຍອຸປະກອນໃຫ້ກັບຮົວເຫວີຍໄດ້ ແຕ່ທຣັມ ກໍບໍ່ໄດ້ລະບຸເຖິງປະເດັນຄວາມໝັ້ນຄົງທາງໄຊເບີຕາມທີ່ເຄີຍໃຫ້ເຫດຜົນຫຼາຍຄັ້ງກ່ອນໜ້ານີ້ວ່າ “ຕ້ອງຂັດຂວາງຮົວເຫວີຍເພາະເຫດຜົນຄວາມປອດໄພດ້ານໄຊເບີ”.

ພ້ອມນີ້ ທຣັມ ກໍໄດ້ກ່າວຕື່ມວ່າ ໄດ້ສົນທະນາກັນຫຼາຍເລື່ອງໂດຍສະເພາະເລື່ອງຂອງຮົວເຫວີຍ ສິ່ງໜຶ່ງທີ່ ທຣັມ ຈະອະນຸຍາດ ແລະ ສ້າງຄວາມປະຫຼາດໃຈໃຫ້ກັບຫຼາຍຝ່າຍກໍຄື ອາເມຣິກາອະນຸຍາດໃຫ້ບໍລິສັດພາຍໃນຂາຍອຸປະກອນໃຫ້ຮົວເຫວີຍ ຊຶ່ງຄວາມຈິງແລ້ວບໍລິສັດຂອງອາເມຣິກາຫຼາຍແຫ່ງກໍຍັງດື້ດຶງໃນຂໍ້ຫ້າມບໍ່ໃຫ້ຄ້າຂາຍກັບຮົວເຫວີຍ ແຕ່ຫາກການຄ້ານັ້ນບໍ່ເປັນໄພຄຸກຄາມຕໍ່ຄວາມໝັ້ນຄົງຂອງປະເທດເຮົາກໍຍິນດີ.

ຢ່າງໃດກໍຕາມ ຍັງບໍ່ເປັນທີ່ຊັດເຈນວ່າບໍລິສັດໃນອາເມຣິກາຈະກັບມາຄ້າຂາຍກັບຮົວເຫວີຍໄດ້ຢ່າງໃດ? ເນື່ອງຈາກຜູ້ນຳອາເມຣິກາຢືນຢັນວ່າຮົວເຫວີຍຍັງຄົງຢູ່ໃນບັນຊີດຳທາງການຄ້າຂອງກະຊວງອຸດສາຫະກຳຄືເກົ່າ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...