spot_img
Homeຂ່າວຕ່າງປະເທດອີຍູເລີ່ມຂະບວນການພິຈາລະນາຖອນສິດທາງການຄ້າອອກຈາກກຳປູເຈຍ

ອີຍູເລີ່ມຂະບວນການພິຈາລະນາຖອນສິດທາງການຄ້າອອກຈາກກຳປູເຈຍ

Published on

ສຳນັກຂ່າວຕ່າງປະເທດລາຍງານ ເມື່ອວັນທີ 12 ກຸມພາ 2019 ວ່າ ຄະນະກຳມະທິການເອີຣົບ (ອີຊີ) ເຊິ່ງເປັນຝ່າຍບໍລິຫານຂອງສະຫະພາບເອີຣົບ (ອີຍູ) ອອກຖະແຫຼງການກ່ຽວກັບການເລີ່ມຂະບວນການພິຈາລະນາຄວາມຮ່ວມມືທາງການຄ້າກັບກຳປູເຈຍ ທີ່ອາດນຳໄປສູ່ການຖອດຖອນສິດຜົນປະໂຫຍດທາງການຄ້າກັບກຳປູເຈຍໃນການເຂົ້າເຖິງຕະຫຼາດດຽວຂອງສະຫະພາບ ເຊິ່ງມອບໃຫ້ແກ່ “ກຸ່ມປະເທດພັດທະນານ້ອຍທີ່ສຸດ” ເພື່ອຊ່ວຍກະຕຸ້ນເສດຖະກິດຂອງກຸ່ມປະເທດເຫຼົ່ານີ້ ແຕ່ໂຄຕ້ານັ້ນໃຫ້ຍົກເວັ້ນສິນຄ້າປະເພດອາວຸດສົງຄາມ.

ຂະນະດຽວກັນ,​ລາຍງານຂອງອີຊີລະບຸອີກວ່າ ຂະບວນການດັ່ງກ່າວເລີ່ມຕົ້ນຕັ້ງແຕ່ວັນທີ 12 ກຸມພາ 2019 ນີ້ເປັນຕົ້ນໄປ ແລະ ມີກຳນົດເວລາ 18 ເດືອນ, ນັ້ນໝາຍຄວາມວ່າຈະສິ້ນສຸດໃນເດືອນ ສິງຫາ 2020 ຂະນະທີ່ສະພາການຄ້າເອີຣົບປະຈຳກຳປູເຈຍທີ່ເຮັດໜ້າທີ່ເປັນຕົວແທນຂອງຜູ້ປະກອບການຈາກເອີຣົບທັງໝົດໃນກຳປູເຈຍ ອອກຖະແຫຼງການວ່າຄວາມເຄື່ອນໄຫວດັ່ງກ່າວຄືເພື່ອກຳຈັດ “ການເອົາປຽບທາງການຄ້າ” ທີ່ຈະນຳໄປສູ່ການຫຼຸດອັດຕາຄວາມທຸກຍາກໃນກຳປູເຈຍ ແລະ ເຕືອນລັດຖະບານກຳປູເຈຍວ່າການເຈລະຈາຄືທາງອອກທີ່ເໝາະສົມທີ່ສຸດ ຫຼັງເຈົ້າໜ້າທີ່ລະດັບສູງຫຼາຍຄົນຂອງອີຍູສົ່ງສັນຍານກ່ຽວກັບເລື່ອງນີ້ເມື່ອກາງປີທີ່ຜ່ານມາ ວ່າເປັນເພາະ “ພື້ນທີ່ປະຊາທິປະໄຕ” ໃນກຳປູເຈຍທີ່ “ຄັບແຄບ” ຈາກການທີ່ພັກປະຊາຊົນກຳປູເຈຍຂອງສົມເດັດຮຸນເຊນ ໄດ້ຕຳແໜ່ງຈາກການເລືອກຕັ້ງໃນວັນທີ 29 ກໍລະກົດ 2018 ເຖິງ 125 ຕຳແໜ່ງ.

ຕະຫຼອດໄລຍະທີ່ຜ່ານມາກຳປູເຈຍເປັນປະເທດທີ່ໄດ້ຮັບສິດພິເສດຈາກໂຄງການດັ່ງກ່າວຫຼາຍທີ່ສຸດເປັນອັນດັບ 2 ຮອງຈາກບັງກລາເທດ ປັດຈຸບັນອີຢູຖືວ່າເປັນຄູ່ຄ້າລາຍໃຫຍ່ທີ່ສຸດຂອງກຳປູເຈຍ ເຊິ່ງຮັບສິນຄ້າຫຼາກຫຼາຍປະເພດຈາກກຳປູເຈຍເຖິງ 45% ຈາກປະລິມານການສົ່ງອອກທັງໝົດຂອງປີທີ່ຜ່ານມາ ໂດຍສະເພາະເປັນສິນຄ້າປະເພດຜະລິດຕະພັນກ່ຽວກັບເຄື່ອງແຕ່ງກາຍ ບໍ່ວ່າຈະເປັນເສື້ອຜ້າສຳເລັດຮູບ ຫຼື ຖົງຕີນ ດ້ວຍມູນຄ່າປະມານ 4.900 ລ້ານຢູໂຣ, ຫາກອີຢູຖອນສິດນີ້ຈາກກຳປູເຈຍຈະສົ່ງຜົນກະທົບຕໍ່ແຮງງານໃນດ້ານອຸດສາຫະກຳສ່ວນນີ້ຫຼາຍກວ່າ 700.000ຄົນ.

 

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

ບົດຄວາມຫຼ້າສຸດ

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...