spot_img
Homeຂ່າວເຫດການລັດຖະບານພິຈາລະນາຮັບຮອງເອົາຫລາຍບັນຫາສຳຄັນຂອງຊາດ

ລັດຖະບານພິຈາລະນາຮັບຮອງເອົາຫລາຍບັນຫາສຳຄັນຂອງຊາດ

Published on

 

ຄະນະລັດຖະບານ ໄດ້ພິຈາລະນາ ແລະ ເຫັນດີດ້ານຫລັກການຮັບຮອງເອົາຫລາຍບັນຫາສໍາຄັນຂອງຊາດ ໃນກອງປະຊຸມ

ປະຈໍາສົກປີ 2013-2014 ທີ່ຈັດຂຶ້ນແຕ່ວັນທີ 22-24 ເດືອນກັນຍາ ປີ 2014. ພາຍໃຕ້ການເປັນປະທານຂອງ ທ່ານ ທອງ

ສິງ ທໍາມະວົງ ນາຍົກລັດຖະມົນຕີ ໂດຍມີບັນດາທ່ານຮອງນາຍົກລັດຖະມົນຕີ, ບັນດາສະມາຊິກລັດຖະບານ, ປະທານ,

ຫົວໜ້າອົງການຈັດຕັ້ງພັກ-ລັດ, ສະພາແຫ່ງຊາດ, ອົງການຕຸລາການ, ອົງການແນວລາວສ້າງຊາດ, ອົງການຈັດຕັ້ງມະ

ຫາຊົນຂັ້ນສູນກາງ, ເຈົ້າຄອງນະຄອນຫລວງວຽງຈັນ ແລະ ບັນດາທ່ານເຈົ້າແຂວງໃນທົ່ວປະເທດເຂົ້າຮ່ວມ.

 

ໃນຕອນເຊົ້າວັນທີ 25 ເດືອນ ກັນຍາປີ 2014 ຢູ່ຫ້ອງວ່າການ ລັດຖະບານ, ທ່ານ ເພັດສາຄອນ ຫລວງອາໄພລັດຖະມົນຕີ

ຊ່ວຍວ່າການ, ຮອງຫົວໜ້າຫ້ອງວ່າການລັດຖະບານ, ຮອງໂຄສົກລັດຖະບານ ໄດ້ຖະແຫລງຂ່າວຕໍ່ສື່ມວນຊົນວ່າ: ກອງ

ປະຊຸມປະຈໍາສົກປີ 2013-2014 ນີ້ ໄດ້ນຳເອົາຫລາຍບັນຫາສຳຄັນຂອງຊາດມາພິຈາລະນາຢ່າງເລິກເຊິ່ງກວ້າງຂວາງ ແລະ

ເຫັນດີ ຮັບຮອງດ້ານຫລັກການ ເປັນຕົ້ນຮັບຮອງເອົາບົດລາຍງານຂອງບັນດາກະຊວງ ກ່ຽວກັບຄວາມຄືບໜ້າການກະ

ກຽມຄວາມພ້ອມດ້ານຕ່າງໆ ໃນການເຂົ້າຮ່ວມປະຊາຄົມອາຊຽນໂດຍສະເພາະປະຊາຄົມເສດຖະກິດອາຊຽນ; ບົດລາຍ

ງານການຕີລາຄາຜົນການປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ແຜນເງິນຕາ

ປະຈໍາສົກປີ 2013-2014; ແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ສົກປີ 2014-2015; ຜົນ

ການຈັດຕັ້ງປະຕິບັດຄໍາສັ່ງເລກທີ 13/ ນຍ, ລົງວັນທີ 11 ມິຖຸນາ 2012 ວ່າດ້ວຍການໂຈະການພິຈາລະນາອະນຸຍາດໂຄງ

ການລົງທຶນໃໝ່ສຳລັບການຊອກຄົ້ນ, ສໍາຫລວດແຮ່ທາດ, ການປູກຢາງພາລາ ແລະ ໄມ້ວິກໃນຂອບເຂດທົ່ວປະເທດ;

ການຈັດສັນບູລິມະສິດແບ່ງທຶນຂອງລັດຖະບານ. ພ້ອມນີ້ ຍັງໄດ້ປຶກສາຫາລື ແລະ ປະກອບຄຳຄິດຄຳເຫັນຕໍ່ບົດລາຍ

ງານການຈັດຕັ້ງປະຕິບັດໂຄງການສົ່ງເສີມການຜະລິດເປັນສິນຄ້າ ແລະ ໂຄງການຄໍ້າປະກັນສະບຽງອາຫານ, ຈາກການ

ສໍາຫລວດຕົວຈິງໃນປັດຈຸບັນທົ່ວປະເທດມີເນື້ອທີ່ດິນກະສິກໍາປະມານ 4,5 ລ້ານເຮັກຕາ ເທົ່າກັບ 19% ຂອງພື້ນທີ່ດິນ

ທົ່ວປະເທດໃນນັ້ນບ່ອນທີ່ສາມາດຜະລິດກະສິກໍາຕົວຈິງປະມານ 2 ລ້ານກວ່າເຮັກຕາ ເຊິ່ງໃນກອງປະລັດຖະບານປະຈໍາ

ປີ 2012- 2013 ຜ່ານມາ ໄດ້ຕົກລົງເອົາພື້ນທີ່ຂອງແຂວງຄໍາມ່ວນ ແລະ ແຂວງສະຫວັນນະເຂດເປັນຈຸດສ້າງໃຫ້ເປັນ

ໂຄງການຜະລິດເຂົ້າ ເພື່ອຄໍ້າປະກັນສະບຽງອາຫານດ້ວຍການນໍາໃຊ້ເນື້ອທີ່ເກົ່າທີ່ມີ ແລະ ບຸກເບີກໃໝ່ຈໍານວນໜຶ່ງທັງ

ນີ້, ກໍເພື່ອສາມາດຄໍ້າປະກັນຄວາມໝັ້ນຄົງດ້ານສະບຽງອາຫານ ໄປຄຽງຄູ່ກັບການເພີ່ມຂຶ້ນຂອງພົນລະເມືອງປະມານ

7,8 ລ້ານຄົນຕ້ອງໄດ້ມີການກໍານົດພື້ນທີ່ການຜະລິດ, ຊຸກຍູ້ສົ່ງເສີມຂະບວນການຜະລິດ, ນໍາໃຊ້ເຕັກນິກວິທະຍາສາດ,

ນໍາໃຊ້ກົນຈັກ, ມີມາດຕະການ ແລະ ນະໂຍບາຍລະອຽດ ເພື່ອກະຕຸກຊຸກຍູ້ໃຫ້ມີການລົງທຶນຂອງທຸກພາກສ່ວນ ເຂົ້າໃນ

ການຜະລິດສະບຽງອາຫານຢ່າງຕັ້ງໜ້າ ແລະ ໃຫ້ບັນລຸຄາດໝາຍຜົນຜະລິດເຂົ້າເປືອກໃນປະລິມານ 3,1 ລ້ານໂຕນ,

ໃນນັ້ນ ການຄໍ້າປະກັນຄວາມໝັ້ນຄົງດ້ານສະບຽງອາຫານປະມານ 2,5 ລ້ານ ໂຕນ ສະເລ່ຍຜະລິດເຂົ້າເປືອກບໍ່ໃຫ້ຫລຸດ

233 ກິໂລ/ຄົນ/ປີ ຫລື ເຂົ້າ ສານ 0,3 ກິໂລ/ຄົນ/ມື້ ທັງເປັນສິນຄ້າຊົມໃຊ້ພາຍໃນ ແລະ ສົ່ງອອກປະມານ 6 ແສນໂຕນ;

ປະ ກອບຄຳເຫັນຕໍ່ການປັບປຸງດໍາລັດສະບັບເລກທີ 269/ນຍ, ລົງ ວັນທີ 11 ພະຈິກ 2006 ວ່າດ້ວຍການປະຢັດ ແລະ

ຕ້ານການຟຸມເຟືອຍ ບາງມາດຕາ; ພິຈາລະນາ ແລະ ປະກອບຄໍາຄິດຄໍາເຫັນ ດ້ວຍຄວາມຮັບຜິດຊອບສູງຕໍ່ບົດສະ

ຫລຸບຕີລາຄາດ້ານດີ, ດ້ານອ່ອນ ແລະ ຂໍ້ຄົງຄ້າງກ່ຽວກັບການບໍລິຫານຂອງລັດຖະບານ ສົກປີ 2013-2014 ແລະ ແຜນ

ຈຸດສຸມຂອງລັດຖະບານສົກປີ 2014- 2015 ເຊິ່ງສຸມໃສ່ 6 ແຜນວຽກຈຸດສຸມ ຄື ວຽກພັດທະນາຊົນນະບົດ, ລຶບລ້າງ

ຄວາມທຸກຍາກ ແລະ ແກ້ໄຂລະເບີດບໍ່ທັນແຕກ; ວຽກງານເສດຖະກິດ; ວຽກງານຂົງເຂດວັດທະນະທໍາ-ສັງ ຄົມ; ວຽກ

ງານການບໍລິຫານລັດ ແລະ ວຽກງານຍຸຕິທໍາ; ວຽກງານປ້ອງກັນຊາດ-ປ້ອງກັນຄວາມສະຫງົບ; ວຽກງານການຕ່າງປະ

ເທດ ແລະ ການເຊື່ອມຈອດກັບສາກົນ.

 

ໃນຕອນທ້າຍຂອງກອງ ປະຊຸມທ່ານນາຍົກລັດຖະມົນຕີ ໄດ້ຊີ້ນຳໃຫ້ບັນດາສະມາຊິກລັດຖະບານເອົາໃຈໃສ່ແຜນວຽກ

ຈຸດສຸມປະຈຳສົກປີ 2014-2015 ໂດຍໃຫ້ເອົາໃຈໃສ່ສືບຕໍ່ຈັດຕັ້ງນຳພາການພັດທະນາຊົນນະບົດ, ລຶບລ້າງຄວາມທຸກ

ຍາກ ແລະ ການເກັບກູ້ລະເບີດບໍ່ທັນແຕກໃຫ້ເປັນຂະບວນ ແລະ ມີໝາກມີຜົນກວ່າເກົ່າ; ສືບຕໍ່ສູ້ຊົນຈັດຕັ້ງປະຕິບັດ

ເປົ້າໝາຍສະຫັດສະວັດດ້ານການພັດທະນາ ເຊິ່ງມີບາງດ້ານຍັງປະຕິບັດບໍ່ທັນໄດ້ນັ້ນ ໃຫ້ບັນລຸຕາມຄາດໝາຍທີ່ວາງ

ໄວ້; ສືບຕໍ່ຈັດຕັ້ງນຳພາການພັດທະນາເສດຖະກິດໃນເງື່ອນໄຂທີ່ມີຄວາມຫຍຸ້ງຍາກນີ້ ໃຫ້ມີທ່ວງທ່າດີຂຶ້ນ, ໃນນັ້ນ

ແມ່ນການຮັບປະກັນເສດຖະກິດມະຫາພາກໃຫ້ມີຄວາມໝັ້ນທ່ຽງ, ເອົາໃຈໃສ່ປະຕິບັດ 6 ມາດຕະການຮັກສາສະຖຽນ

ລະພາບຂອງເສດຖະກິດມະຫາພາກຂອງລັດຖະບານ, ເພີ່ມທະວີຄວາມຮັບຜິດຊອບຕໍ່ການແກ້ໄຂໜີ້ສິນຂອງງົບປະ

ມານ, ປຸກລະດົມ ທຸກພາກສ່ວນເສດຖະກິດໃຫ້ເຂົ້າຮ່ວມການພັດທະນາຢ່າງເປັນເຈົ້າການ, ຊຸກຍູ້ສົ່ງເສີມການຜະລິດ,

ການຈຳໜ່າຍ ແລະ ບໍລິການສິນຄ້າໃຫ້ມີບາດກ້າວຂະຫຍາຍຕົວໄວ; ພັດທະນາກຳລັງແຮງງານໃຫ້ມີສີມື, ມີຄວາມຮູ້-

ຄວາມສາມາດ, ຊຳນານງານ, ມີທັດສະນະຄະຕິທີ່ດີ, ມີລະບຽບວິໄນ ແລະ ມີວຽກເຮັດງານ ທຳທີ່ເໝາະສົມ; ຍູ້ແຮງວຽກ

ງານຖະແຫລງຂ່າວເພື່ອເຮັດບົດບາດເປັນກະບອກສຽງໂຄສະນາເຜີຍແຜ່ແນວທາງຂອງພັກ ແລະ ລະບຽບກົດໝາຍ

ຂອງລັດ, ຕ້ານປະກົດການຫຍໍ້ທໍ້ຕ່າງໆຢູ່ໃນສັງຄົມ ນັບທັງສື່ສັງຄົມອອນລາຍເພື່ອເສີມຂະຫຍາຍ ແລະ ປົກປັກຮັກສາ

ວັດທະນະທຳ, ປະເພນີອັນດີງາມຂອງຊາດຕິດພັນກັບການສົ່ງເສີມການພັດທະນາການທ່ອງທ່ຽວໃຫ້ແຂງແຮງກວ່າ

ເກົ່າ; ເອົາໃຈໃສ່ປົກປ້ອງຊັບສິນທາງປັນຍາ ແລະ ຂຶ້ນທະບຽນການຄ້າເພື່ອຮັບປະກັນຄວາມຍຸຕິທຳໃນສັງຄົມ, ຍົກສູງ

ຄວາມສາມາດແຂ່ງຂັນໃນຂະບວນວິວັດແຫ່ງການເຊື່ອມຈອດກັບສາກົນ; ເອົາໃຈໃສ່ເພີ່ມທະວີຄວາມສັກສິດ ແລະ

ປະສິດທິຜົນໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມຕາມ ກົດໝາຍຢ່າງເຂັ້ມງວດ, ເພີ່ມທະວີການເຜີຍ

ແຜ່ກົດໝາຍໃຫ້ປະຊາຊົນໄດ້ຮັບຮູ້ຢ່າງກວ້າງຂວາງ, ສືບຕໍ່ຫັນລົງຮາກຖານ ເພື່ອຈັດຕັ້ງປະຕິບັດວຽກງານ 3 ສ້າງ

ໃຫ້ເປັນຂະບວນ, ຕໍ່ເນື່ອງຕາມ 4 ບາດກ້າວບຸກທະລຸ; ສືບຕໍ່ຈັດຕັ້ງປະຕິບັດແນວທາງປ້ອງກັນຊາດ-ປ້ອງກັນຄວາມ

ສະຫງົບທົ່ວປວງຊົນຮອບດ້ານ, ເອົາໃຈໃສ່ແກ້ໄຂປະກົດການຫຍໍ້ທໍ້ໃນສັງຄົມໃຫ້ມີທ່າອ່ຽງຫລຸດລົງເພື່ອຮັບປະກັນ

ໃຫ້ແກ່ການສະເຫລີມສະຫລອງສອງວັນສຳຄັນປະຫວັດສາດຂອງພັກ, ຂອງຊາດໃນປີ 2015; ສືບຕໍ່ປະຕິບັດນະໂຍ

ບາຍຕ່າງປະເທດຢ່າງກວ້າງຂວາງ, ເຄື່ອນໄຫວດ້ານການທູດຢ່າງຕັ້ງໜ້າ ເພື່ອສ້າງເງື່ອນໄຂອຳນວຍແກ່ການພັດ

ທະນາ, ການປົກປັກຮັກສາປະເທດຊາດ ແລະ ການເຊື່ອມຈອດສາກົນ. ໃນສະເພາະໜ້ານີ້ ແມ່ນສຸມໃສ່ກະກຽມ ແລະ

ເປັນເຈົ້າການກ່ວາເກົ່າ ໃນການເຂົ້າເປັນປະຊາຄົມເສດຖະກິດອາຊຽນໃນທ້າຍປີ 2015, ການເປັນປະທານ ແລະ ເປັນ

ເຈົ້າພາບຈັດກອງປະຊຸມສຸດຍອດອາຊຽນໃນປີ 2016 ທີ່ຈະມາເຖິງນີ້.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ພິທີເຊັນສັນຍາໂຄງການປັບປຸງເສັ້ນທາງເທດສະບານເມືອງວັງວຽງ

ໂຄງການປັບປຸງເສັ້ນທາງພາຍໃນເທດສະບານຄືນໃຫມ່ເມືອງວັງວຽງ ແຂວງວຽງຈັນ ແມ່ນໂຄງການຫນຶ່ງໃນຈໍານວນ 4 ໂຄງການຍ່ອຍ ທີ່ຈັດຕັ້ງປະຕິບັດຢູ່ແຂວງວຽງຈັນ ພາຍໃຕ້ການສະຫນັບສະຫນູນຈາກໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວ ອະນຸພາກພື້ນແມ່ນໍ້າຂອງ ໄລຍະ 2. ໃນວັນທີ 17 ຕຸລາ 2024 ທີ່ເມືອງວັງວຽງ,...

ອຸດົມໄຊລົງກວດ ອາຫານແຊ່ແຂງທີ່ໝົດອາຍຸ ແລະ ພືດ-ຜັກ ຫ້າມນໍາເຂົ້າຈາກຕ່າງປະເທດ

ວັນທີ 16 ຕຸລາ 2024 ພະແນກອຸດສາຫະກໍາ ແລະ ການຄ້ານໍາພາໂດຍ ທ່ານ ສອນເພັດ ບຸນທະຈິດຫົວໜ້າຂະແໜງການຄ້າພາຍໃນ ພະແນກອຸດສາຫະກໍາ ແລະ ການຄ້າ ສົມທົບກັບພະແນກກະສິກໍາ...

ການພົບປະ ລະຫວ່າງ ສະພາແຫ່ງຊາດລາວ-ລັດຖະສະພາໄທ

ໃນວັນທີ 21 ຕຸລາ 2024 ນີ້, ທ່ານ ໄຊສົມພອນ ພົມວິຫານ ປະທານສະພາແຫ່ງຊາດແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ວັນມູຫະມັດນໍ...

ພະຍາກອນອາກາດ ປະຈໍາວັນທີ 21 ຕຸລາ 2024

ຄວາມກົດດັນສູງຂອງອາກາດເຢັນ ໄດ້ປົກຄຸມຢູ່ພາກເໜືອ ລົງຫາ ພາກກາງຂອງປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນອອກພັດປົກຄຸມ. ຊຶ່ງຈະເຮັດໃຫ້ ອາກາດຍັງຈະເຢັນໃນຕອນເຊົ້າຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ແລະ ຍັງຈະມີຝົນຕົກ, ຟ້າຮ້ອງ,...