spot_img
Homeຂ່າວພາຍ​ໃນການຮິບຊັບ ແລະ ຮິບວັດຖຸສິ່ງຂອງໃນປີ 2018 ຍັງພົບຄວາມຫຍຸ້ງຍາກຫຼາຍຢ່າງ

ການຮິບຊັບ ແລະ ຮິບວັດຖຸສິ່ງຂອງໃນປີ 2018 ຍັງພົບຄວາມຫຍຸ້ງຍາກຫຼາຍຢ່າງ

Published on

ການຈັດຕັ້ງປະຕິບັດຄຳຕັດສິນຂອງສານ ກ່ຽວກັບການຮິບຊັບ ແລະ ຮິບວັດຖຸສິ່ງຂອງໃນປີ 2018 ທີ່ຜ່ານມາ ຍັງພົບຄວາມຫຍຸ້ງຍາກຍ້ອນຄຳຕັດສິນຂອງສານມີຫຼາຍ, ພະນັກງານເຮັດວຽກມີໜ້ອຍ ແລະ ຄຳຕັດສິນຍັງບໍ່ຊັດເຈນ.

ທ່ານ ພັນໂທ ຈັນທະລາ ອຸດົມສຸກ, ປະທານຄະນະກຳມະການຍຸຕິທຳ ແລະ ປກຊ-ປກສ ໄດ້ກ່າວຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນນະຄອນຫຼວງວຽງຈັນ ໃນວັນທີ 27 ທັນວາ 2018 ທີ່ຜ່ານວ່າ ການຈັດຕັ້ງປະຕິບັດຄຳຕັດສິນຂອງສານ ກ່ຽວກັບການຮິບຊັບ ແລະ ວັດຖຸສິ່ງຂອງ ໂດຍການຂຶ້ນບັນຊີຊັບສິນໃນປີທີ່ຜ່ານມາ ເຫັນວ່າພົບຄວາມຫຍຸ້ງຍາກຫຼາຍປະການ ເປັນຕົ້ນແມ່ນພະນັກງານເຮັດວຽກມີຈຳກັດ ແລະ ບາງຄຳຕັດສິນຂອງສານບໍ່ຊັດເຈນ ເຊັ່ນ: ໂທລະສັບ ແຕ່ໂທລະສັບບໍ່ໄດ້ເວົ້າແຈ້ງວ່າເປັນຍີ່ຫໍ້ຫຍັງ, ລຸ້ນຫຍັງ ແລະ ອື່ນໆ, ສຳລັບເງິນກໍ່ບໍ່ສາມາດສະຫຼຸບໄດ້ວ່າຢຶດໄວ້ຈຳນວນເທົ່າໃດ, ຢູ່ໃນພາກສ່ວນໃດ. ອີກປະການໜຶ່ງແບບຟອມທີ່ທາງຄະນະປະຕິບັດຄຳສັ່ງ 07 ນັ້ນ ກໍ່ໃຫ້ແຍກວັດຖຸ ແລະ ຊັບທີ່ຖືກຮິບເປັນແຕ່ລະຢ່າງ ຈິ່ງສ້າງຄວາມຫຍຸ້ງຍາກໃນທາງປະຕິບັດ ເພາະວ່າຄຳຕັດສິນສະບັບໜຶ່ງໆສານຮິບຊັບຫຼາຍແນວ, ສຳລັບການມອບທີ່ດິນ ແລະ ເຮືອນນັ້ນ ບາງຄະດີກໍ່ຍັງມີຄວາມຫຍຸ້ງຍາກໃນການພົວພັນ ເປັນຕົ້ນແມ່ນຄະດີຢາເສບຕິດ ມີຈຳນວນ 14 ຕອນ ມາຮອດປັດຈຸບັນຍັງບໍ່ທັນໄດ້ມອບໃຫ້ອົງການຄຸ້ມຄອງຊັບສິນຂອງລັດຂັ້ນໃດ.

ນອກນັ້ນ, ສານປະຕິບັດການຮິບຊັບ ແລະ ວັດຖຸສິ່ງຂອງນັ້ນໃນບາງຄະດີການເຮັດໜັງສືສະເໜີໄປຍັງເຈົ້າໜ້າທີ່່ກ່ຽວຂ້ອງ ເພື່ອທວງເອົາຊັບຕາມຄຳຕັດສິນຂອງສານ ແຕ່ຊັບທີ່ຢຶດມາໄດ້ນັ້ນຂັ້ນເທິງຂອງອົງການດັ່ງກ່າວໄດ້ໃຫ້ນຳໃຊ້ເຂົ້າໃນການດຳເນີນຄະດີໝົດແລ້ວ. ສະນັ້ນ, ກໍ່ບໍ່ສາມາດທວງເອົາຄືນໄດ້, ສຳລັບຊັບທີ່ເປັນດິນ ແລະ ເຮືອນທີ່ສານຕັດສິນໃຫ້ລັດຄຸ້ມຄອງ ຫຼື ຮິບເປັນຂອງລັດນັ້ນ ທາງຫ້ອງການຈັດຕັ້ງປະຕິບັດຕາມຄຳຕັດສິນຂອງສານ ໄດ້ອອກຂໍ້ຕົກລົງມອບທີ່ດິນ ແລະ ເຮືອນ ສະຖານທີ່ຊັບຕັ້ງຢູ່, ສຳລັບປີ 2018 ໄດ້ມອບດິນ 27 ຕອນ ມີເນື້ອທີ່ທັງໝົດ 374.596 ຕາແມັດ.

ທ່ານ ພັນໂທ ຈັນທະລາ ອຸດົມສຸກ ຍັງກ່າວຕື່ມອີກວ່າ: ເພື່ອເຮັດໃຫ້ການຈັດຕັ້ງປະຕິບັດຄຳຕັດສິນກ່ຽວກັບການຮິບຊັບ ແລະ ຮິບວັດຖຸສິ່ງຂອງເປັນໄປຕາມລະບຽບກົດໝາຍ ແລະ ຮັບປະກັນການຕົກເຮ່ຍເສຍຫາຍ.​ຮັບປະກັນໃຫ້ເງິນ ຫຼື ວັດຖຸສິ່ງຂອງເປັນຊັບຂອງລັດ ແລະ ລັດ ໄດ້ຮັບຜົນປະໂຫຍດຢ່າງແທ້ຈິງ. ໃນປີ 2019 ທາງຫ້ອງການຈັດຕັ້ງປະຕິບັດຄຳສັ່ງຕັດສິນຂອງສານຕ້ອງເອົາໃຈໃສ່ປະສານສົມທົບກັບພາກສ່ວນທີ່ກ່ຽວຂ້ອງຕື່ມ ສະເພາະເຈົ້າໜ້າທີ່ ປກສ ທີ່ເປັນອົງການຄຸ້ມຄອງ ແລະ ປົກປັກຮັກສາຊັບສິນທີ່ເປັນຂອງກາງຄະດີ ໂດຍການປະຊຸມປຶກສາຫາລື ເພື່ອຄວາມເປັນເອກະພາບໃນການປະຕິບັດ, ສ້າງສາງເກັບມ້ຽນຂອງກາງທີ່ເປັນອັນລວມສູນໃນການເກັບມ້ຽນ ເມື່ອຕັດສິນເດັດຂາດແລ້ວຕ້ອງກວດກາຊັບທີ່ສານຕັດສິນ ແລ້ວເຊີນພາກສ່ວນທີ່ກ່ຽວຂ້ອງລົງມາກວດກາຕົວຈິງແລ້ວຈຶ່ງປະຕິບັດຂັ້ນຕໍ່ໄປ, ສຳລັບຊັບທີ່ດິນ ແລະ ເຮືອນ ກ່ອນຈະມອບໃຫ້ອົງການຄຸ້ມຄອງຊັບສິນລັດ ພາກສ່ວນທີ່ກ່ຽວຂ້ອງຕ້ອງຕີລາຄາຊັບນັ້ນກ່ອນຈິ່ງມອບເພື່ອຫຼີກລ່ຽງບໍ່ໃຫ້ຊັບດັ່ງກ່າວຖືກນຳໃຊ້ກ່ອນຄຳຕັດສິນ ແລະ ບໍ່ເປັນຊ່ອງວ່າງໃຫ້ບຸກຄົນສວຍໂອກາດເອົາຊັບໄປສວຍໃຊ້ອີກດ້ວຍ.

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: laoedaily

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...