ຈາກກໍລະນີນາງງາມສະຫະລັດ 1 ໃນຜູ້ເຂົ້າປະກວດ Miss Universe 2018 ທີ່ຖືກວິພາກວິຈານຢ່າງໜັກຫຼັງຈາກສະແດງຄວາມຄິດເຫັນກ່ຽວກັບທັກສະດ້ານພາສາອັງກິດຂອງນາງງາມຫວຽດນາມ ແລະ ນາງງາມກຳປູເຈຍ ເຊິ່ງໄດ້ເຮັດໃຫ້ຊາວເນັດເກີດປະຕິກິລິຍາຕໍ່ເລື່ອງນີ້ຢ່າງໄວວາ ໂດຍຄົນໜຶ່ງບອກວ່າ “ນາງບໍ່ຄູ່ຄວນກັບມຸງກຸດອີກຕໍ່ໄປ” ສ່ວນອີກຄົນບອກວ່າ “ມັນໜ້າປະຫຼາດໃຈທີ່ພວກເຂົາຄາດຫວັງໃຫ້ທຸກຄົນເວົ້າຄືກັບຄົນອາເມລິກາ”.
ຕໍ່ມາຫຼັງຈາກປະເດັນນີ້ຮ້ອນແຮງຂຶ້ນ ນາງງາມສະຫະລັດຈິ່ງໄດ້ໂພສຮູບທີ່ໄປຂໍໂທດນາງງາມຊາດອາຊີທັງສອງແລ້ວ ຕາມດ້ວຍຮູບທີ່ທັງ 5 ຄົນ ກອດກັນ.
ໃນການສຳພາດຂອງບີບີຊີຫວຽດນາມ ນາງງາມຫວຽດນາມໄດ້ເວົ້າໃນລັກສະນະປົກປ້ອງນາງງາມສະຫະລັດ ໂດຍ ເຮີ ເຮິນ ເນຍ ນາງງາມຫວຽດນາມກ່າວວ່າ “ຂ້ອຍຢາກຂໍໃຫ້ທຸກຄົນຢຸດບອກວ່າ ນາງຢຽດ ຫຼື ນາງເວົ້າບໍ່ດີ ພວກເຈົ້າເຫັນພຽງຄລິບສັ້ນໆທາງໂທລະພາບ ແຕ່ຄວາມຈິງແລ້ວມັນບໍ່ໄດ້ເປັນແບບນັ້ນ ໃນຄວາມເປັນຈິງ ນາງກັບຂ້ອຍສະໜິດກັນ ເຮົາດູແລກັນ ນາງເປັນນາງງາມທີ່ສ້າງແຮງບັນດານໃຈແທ້ໆ”.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: www.bbc.com/th
ຮູບປະກອບ: women.mthai.com, variety.thaiza.com