spot_img
Homeຂ່າວຕ່າງປະເທດທາງການອິນໂດເນເຊຍກຽມຂຸມໃຫຍ່ໄວ້ຝັງ 1,300 ສົບ! ພ້ອມຂໍໃຫ້ນານາຊາດເຂົ້າຊ່ວຍເຫຼືອ

ທາງການອິນໂດເນເຊຍກຽມຂຸມໃຫຍ່ໄວ້ຝັງ 1,300 ສົບ! ພ້ອມຂໍໃຫ້ນານາຊາດເຂົ້າຊ່ວຍເຫຼືອ

Published on

ສຳນັກຂ່າວຕ່າງປະເທດລາຍງານເມື່ອວັນທີ 01 ຕຸລາ 2018 ເຖິງຄວາມຄືບໜ້າການຊ່ວຍເຫຼືອຜູ້ປະສົບໄພຈາກເຫດການແຜ່ນ ດິນໄຫວຮຸນແຮງຂະໜາດ 7.5 ແມກນິຈູດ ທີ່ເກາະສຸລາເວສີ ທາງພາກກາງຂອງປະເທດອິນໂດເນເຊຍ ຈົນເຮັດໃຫ້ເກີດສຶນາມິ ຄື້ນສູງ 6 ແມັດ ຕັ້ງແຕ່ວັນທີ 28 ກັນຍາ 2018 ທີ່ຜ່ານມາ, ເຊິ່ງເຮັດໃຫ້ມີຜູ້ປະສົບໄພນັບແສນຄົນຂາດທີ່ພັກອາໄສ.

ປັດຈຸບັນ, ມີລາຍງານພົບຜູ້ເສຍຊີວິດໃນເມືອງດອງກາລາຫຼາຍກວ່າ 1,200 ຄົນ ແລະ ຄາດວ່າຈະພົບຜູ້ເສຍຊີວິດເພີ່ມຫຼາຍຂຶ້ນ ເນື່ອງຈາກມີຜູ້ສູນຫາຍອີກຈຳນວນຫຼາຍ. ກ່ອນໜ້ານີ້ ມີລາຍງານວ່າ ມີຊາວບ້ານຜູ້ປະສົບໄພຫິວໂຫຍຂາດອາຫານ, ນໍ້າ ແລະ ຢາ ໄດ້ອອກໄປປຸ້ນຮ້ານຄ້າ ແລະ ຫ້າງຊັບພະສິນຄ້າໃນເມືອງປາລູ ເພື່ອຄວາມຢູ່ລອດ ແລະ ມີນັກໂທດໃນເຮືອນຈຳ 3 ແຫ່ງຫຼົບໜີອອກຈາກຄຸກຫຼັງກຳແພງເຮືອນຈຳຖະລົ່ມເພາະແຜ່ນດິນໄຫວ.

ໜ່ວຍງານປະຕິບັດການກູ້ໄພ ແລະ ຄົ້ນຫາຜູ້ລອດຊີວິດ 24 ຊົ່ວໂມງ ຍັງຕ້ອງເຮັດວຽກດ້ວຍຄວາມລຳບາກ ເພາະຂາດເຄື່ອງຈັກໜັກໃນການຂຸດເຈາະຊາກອາຄານທີ່ຫັກພັງ ທັງຍັງມີອາຟເຕີຊັອກ (Aftershock: ໝາຍເຖິງແຜ່ນດິນໄຫວຕາມ ເຊິ່ງເປັນແຜ່ນດິນໄຫວຂະໜາດນ້ອຍ ມັກເກີດຂຶ້ນຫຼັງຈາກທີ່ມີແຜ່ນດິນຂະໜາດໃຫຍ່ເກີດຂຶ້ນ) ຕາມມາອີກຫຼາຍຄັ້ງ.

ທ່ານ ສຸໂຕໂປ ປຸຣໂວ ນູໂກຣໂຮ ໂຄສົກສຳນັກງານບັນເທົາໄພພິບັດແຫ່ງຊາດອິນໂດເນເຊຍໄດ້ອອກມາຖະແຫຼງວ່າ ເຈົ້າໜ້າທີ່ຈະເລັ່ງຝັງສົບຜູ້ເສຍຊີວິດ ເພື່ອປ້ອງກັນໂຣກລະບາດ ແລະ ດ້ວຍເຫດຜົນທາງສາດສະໜາອິສລາມ ໂດຍໄດ້ຂຸດຂຸມຫຼາຍຂຸມ ລວມທັງຂຸມຂະໜາດໃຫຍ່ກວ່າ 10 ແມັດ, ຍາວ 100 ແມັດ ແລະ ອາດຂະຫຍາຍໃຫ້ໃຫຍ່ຂຶ້ນອີກເພື່ອຝັງສົບເຖິງ 1,300 ສົບ ຖ້າຈຳເປັນ ເຊິ່ງສະຖານທີ່ຈະຂຸດແມ່ນຕັ້ງທີ່ເມືອງປາລູ ເຊິ່ງຢູ່ຫ່າງຈາກນະຄອນຈາກາຕາ ໄປທາງຕາເວັນອອກສຽງເໜືອ 1,500 ກິໂລແມັດ ເພື່ອຝັງສົບຊຸດທຳອິດກວ່າ 300 ສົບ.

ທາງປະທານາທິບໍດີ ໂຈໂກ ວິໂດໂດ ໄດ້ລົງພື້ນທີ່ປະສົບໄພເມື່ອວັນທີ 30 ກັນຍາ 2018 ພ້ອມລະບຸວ່າ ເຈົ້າໜ້າທີ່ຈະມຸ່ງເນັ້ນທີ່ພາລະກິດຄົ້ນຫາຜູ້ລອດຊີວິດເປັນອັນດັບທຳອິດ, ນອກຈາກນີ້ ທາງລັດຖະບານໄດ້ສົ່ງເຂົ້າໃນສາງໄປຊ່ວຍເຫຼືອຜູ້ປະສົບໄພຈຳນວນ ຫຼາຍຮ້ອຍຕັນ, ລັດຖະບານໄດ້ຈັດສັນງົບປະມານຊ່ວຍເຫຼືອເບື້ອງຕົ້ນ 560.000 ຣູເປຍ ເພື່ອຟື້ນຟູເຂດໄພພິບັດ ແລະ ສັນຍາຈະຈ່າຍເງິນທົດແທນຜູ້ປະສົບໄພພິບັດໃນຄັ້ງນີ້ດ້ວຍ ແຕ່ຍັງບໍ່ທັນລະບຸຕົວເລກ.

ດ້ານທາງການສຸລາເວສີກາງໄດ້ປະກາດພາວະສຸກເສີນເປັນເວລາ 14 ວັນ ພ້ອມຮຽກຮ້ອງຂໍຄວາມຊ່ວຍເຫຼືອຈາກນານາປະເທດ ໂດຍສະເພາະອາຫານ ຢາຮັກສາໂຣກ ເຄື່ອງມືກົນຈັກໜັກ ແລະ ເຈົ້າໜ້າໃນການຄົ້ນຫາກູ້ໄພ.

 

ຮຽບຮຽງຂ່າວ: ບຸດສະດີ ສາຍນໍ້າມັດ

ແຫຼ່ງຂໍ້ມູນ: Thairath.co.th, news.mthai.com
ຮູບປະກອບ: Thairath.co.th

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...