spot_img
Homeຂ່າວທ້ອງຖິ່ນລັດຖະບານແຈ້ງ ຢຸດການນໍາເຂົ້າໝູຈາກ ສປ ຈີນ ຊົ່ວຄາວ ຫາກລະເມີດຈະຖືກປະຕິບັດຕາມລະບຽບ

ລັດຖະບານແຈ້ງ ຢຸດການນໍາເຂົ້າໝູຈາກ ສປ ຈີນ ຊົ່ວຄາວ ຫາກລະເມີດຈະຖືກປະຕິບັດຕາມລະບຽບ

Published on

ອີງຕາມການລາຍງານຈາກອົງການສຸຂະພາບສັດສາກົນ OIE ໃຫ້ຮູ້ວ່າ: ໃນໄລຍະນີ້ ໄດ້ເກີດມີການລະບາດພະຍາດ ອະຫິວາໝູ ອາຟຣິກາ ຢູ່ໃນຟາມລ້ຽງໝູ ແຂວງ ຫຼຽວໝິງ ສປ ຈີນ ສະນັ້ນ, ເພື່ອປ້ອງກັນ ແລະ ສະກັດກັ້ນບໍ່ໃຫ້ພະຍາດອະຫິວາໝູ ອາຟຣິກາ ແຜ່ລະບາດເຂົ້າສູ່ ສປປ ລາວ, ລັດຖະບານ ກໍຄືກະຊວງກະສິກໍາ ແລະ ປ່າໄມ້ ຈຶ່ງໄດ້ອອກແຈ້ງການໃຫ້ໂຈະການນໍາເຂົ້າຊີ້ນໝູ, ພໍ່ພັນແມ່ພັນໝູ, ໝູນ້ອຍ ແລະ ຜະລິດຕະພັນຊີ້ນໝູທຸກຊະນິດຈາກຈີນເຂົ້າສູ່ ສປປ ລາວ.

ສໍາລັບການຕິດຕາມ ແລະ ເຝົ້າລະວັງການນໍາເຂົ້າຜະລິດຕະພັນກ່ຽວກັບຊີ້ນໝູຈາກ ສປ ຈີນໃນຄັ້ງນີ້ແມ່ນມອບໃຫ້ ກົມລ້ຽງສັດ ແລະ ການປະມົງໂດຍສົມທົບກັບພະແນກກະສິກໍາ ແລະ ປ່າໄມ້, ອົງການປົກຄອງທ້ອງຖິ່ນ, ບັນດາແຂວງທີ່ມີດ່ານຊາຍແດນຕິດກັບ ສປ ຈີນ ເຜີຍແຜ່ແຈ້ງການ ເຕືອນເຈົ້າໜ້າທີ່, ຜູ້ປະກອບການ, ພະນັກງານ, ທະຫານຕໍາຫຼວດ ແລະ ພໍ່ແມ່ປະຊາຊົນໃຫ້ຮັບຮູ້ກັນຢ່າງທົ່ວເຖິງຕໍ່ກັບເຫດຜົນ, ຄວາມຈໍາເປັນ ແລະ ຄວາມອັນຕະລາຍຮ້າຍແຮງຂອງພະຍາດດັ່ງກ່າວ ເພື່ອພ້ອມກັນປະຕິບັດຢ່າງເຂັ້ມງວດ.

ໃນກໍລະນີທີ່ເຈົ້າໜ້າທີ່ສັດຕະວະແພດປະຈໍາດ່ານຫາກກວດພົບເຫັນຜູ້ລະເມີດ ຫຼື ຝ່າຝືນແມ່ນໃຫ້ສົມທົບກັບພາກສ່ວນທີ່ກ່ຽວຂ້ອງປະຕິບັດມາດຕະການຕາມກົດໝາຍ ແລະ ລະບຽບການຢ່າງເຄັ່ງຄັດ ແລະ ເຂັ້ມງວດດ້ວຍການຕັກເຕືອນ, ປັບໄໝ ຫຼື ດໍາເນີນຄະດີທາງແພ່ງ – ອາຍາຕາມແຕ່ກໍລະນີ ໜັກ – ເບົາ, ສໍາລັບຂອງກາງແມ່ນໃຫ້ຢຶດ ແລ້ວນໍາໄປທໍາລາຍຖິ້ມດ້ວຍການຈູດ ຫຼື ຝັງ.

ພະຍາດດັ່ງກ່າວນີ້ແມ່ນສາມາດຕິດຕໍ່ໄດ້ຈາກການສໍາພັດກັບໝູທີ່ຕິດເຊື້ອໂດຍກົງ ຫຼື ທາງອ້ອມໂດຍຜ່ານຄົນ, ອຸປະກອນ, ພາຫະນະ, ອາຫານສັດ ແລະ ພາຊະນະນໍາເຊື້ອຈໍາພວກເຫັບ, ເຫົາ ເຊິ່ງມີໄລຍະຟັກເຊື້ອ 48-72 ຊົ່ວໂມງ ເຊິ່ງຈະມີອາການແບບຕາຍກະທັນຫັນ ແລະ ແບບຊໍາເຮື້ອ. ສັດທີ່ເປັນພະຍາດຈະມີໄຂ້ສູງເຖິງ 42 ອົງສາ, ໃບຫູ ແລະ ຜິວໜັງອາດພົບເປັນປານແດງຊໍ້າ, ມີຈຸດເນື້ອຕາຍເປັນຈຸດຢູ່ຕາມຜິວໜັງ ແລະ ພື້ນທ້ອງ. ອັດຕາການຕາຍຂອງໝູທີ່ຕິດເຊື້ອໄວຣັສນີ້ສູງເຖິງ 90% ຍັງບໍ່ທັນມີຢາຮັກສາ ແລະ ປິ່ນປົວໄດ້, ພະຍາດນີ້ເກີດການລະບາດຄັ້ງທໍາອິດໃນປີ 1909 ໃນທະວີບອາຟຣິກາ ຕໍ່ມາລະບາດຢູ່ບັນດາປະເທດໃນທະວີບເອີຣົບ ແລະ ອາຊີ.

ແຫຼ່ງຂ່າວຈາກ: ໜັງສືພິມ ເສດຖະກິດ ການຄ້າ

ຮູບພາບຈາກ: Thairath, ferfarm

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...