ສຳນັກຂ່າວຕ່າງປະເທດລາຍງານຈາກເມືອງຫລວງໂຣມ, ປະເທດອີຕາລີ ເມື່ອວັນທີ 28 ສິງຫາ ວ່າ ອົງການອາຫານ ແລະ ການກະສິກຳແຫ່ງຊາດ (Food and Agriculture Orgazinsation: FAO) ອອກລາຍງານເມື່ອວັນອັງຄານກ່ຽວກັບສະຖານະການ ການແຜ່ລະບາດຂອງໂຣກອະຫິວາ ໃນຈີນຕະຫລອດໄລຍະເວລາກວ່າ 1 ເດືອນທີ່ຜ່ານມາວ່າ: ເປັນສາຍພັນດຽວກັນກັບທີ່ພົບໃນລັດເຊຍເມື່ອປີທີ່ຜ່ານມາ ແລະ ປະຈຸບັນພົບແລ້ວໃນ 4 ເມືອງຂອງຈີນ. ຫນື່ງໃນນັ້ນແມ່ນເມືອງຫລຽວຫນິງ, ທີ່ຕັ້ງຢູ່ທາງຕາເວັນອອກສຽງເຫນືອ ສົ່ງຜົນໃຫ້ທາງການຈີນຕ້ອງໄດ້ຂ້າຫມູໄປແລ້ວຫລາຍກວ່າ 24,000 ໂຕ ເພື່ອຄວບຄຸມສະຖານະການ.
Outbreak of African swine fever threatens to spread from China to other Asian countrieshttps://t.co/eUaEijJgWT #Africanswinefever pic.twitter.com/Uq1ne8GA00
— FAO Newsroom (@FAOnews) August 28, 2018
ຢ່າງໃດກໍຕາມ, ເສັ້ນທາງການແຜ່ລະບາດຂອງເຊື້ອໄວຣັສ ແມ່ນໄດ້ຖືກກວດພົບໃນພື້ນທີ່ ທີ່ຫ່າງໄກກັນຫລາຍກວ່າ 1,000 ກິໂລແມັດ ຫມາຍຄວາມວ່າມີຄວາມເປັນໄປໄດ້ທີ່ການແຜ່ລະບາດອາດຂ້າມພົມແດນໄປສູ່ປະເທດອື່ນໄດ້ທຸກເມື່ອ. ນີ້ບົ່ງບອກເຖິງຄວາມອັນຕະລາຍຂອງພະຍາດດັ່ງກ່າວ, ໂດຍ FAO ປະເມີນພື້ນທີ່ສ່ຽງກໍຄືປະເທດທີ່ມີຊາຍແດນຕິດກັບຈີນ ລວມໄປເຖີງຊາຍຝັ່ງທະເລເກົາຫລີ ແລະ ຫລາຍປະເທດໃນພູມິພາກອາຊີຕາເວັນອອກສຽງໃຕ້.
Some 20,000 pigs in China have been culled, to stop the spread of African swine fever. https://t.co/DgaWmiDmRq pic.twitter.com/4L4b3uprzM
— South China Morning Post (@SCMPNews) August 23, 2018
ໂຣກອະຫິວາ ຫລື ໄຂ້ຫວັດຫມູອາຟຣິກາ(African Swine Fever Virus: ASF) ເປັນໂຣກທີ່ບໍ່ມີຄວາມສ່ຽງຕໍ່ມະນຸດ ແຕ່ຜົນແຕ່ກັບສັດໂດຍສະເພາະໝູ ເຊິ່ງຈະສົ່ງຜົນກະທົບຢ່າງຮຸນແຮງຕໍ່ອຸດສາຫະກຳຊີ້ນຫມູ ຍິ່ງໄປກວ່ານັ້ນ, ນັກວິທະຍາສາດແມ່ນຍັງບໍ່ປະສົບຄວາມສຳເລັດໃນການພັດທະນາວັກແຊງປ້ອງກັນໂຣກອະຫິວາເທື່ອ.
ທັງນີ້, ລາຍງານຂອງ FAO ລະບຸວ່າ: ສຳນັກງານໃນອາຊີ ກຳລັງປະສານງານຢ່າງໃກ້ຊິດກັບລັດຖະບານຈີນ ແລະ ອີກຫລາຍປະເທດ ເພື່ອຊ່ວຍກັນຫາທາງຄວບຄຸມການແຜ່ລະບາດຂອງໂຣກ. ແຕ່ເຕືອນວ່າການໃຊ້ມາຕະການເດັດຂາດ ທີ່ຫ້າມການລຳລຽງຫມູ ແລະ ຈຳກັດການຂົນສົ່ງຜະລິດຕະພັນຊີ້ນຫມູ ນັ້ນຈະຍີ່ງກະຕຸ້ນການຂົນສົ່ງຜະລິດຕະພັນທີ່ຜິດກົດຫມາຍອອກໄປນອກປະເທດແທນ ສະນັ້ນຈື່ງໄດ້ນຳໃຊ້ວິທີກຳຈັດຫມູພາຍໃນປະເທດແທນ.
ແຫລ່ງຂ່າວຕ່າງປະເທດ: TDN, FAO Newsroom, SCMP News