Apple ບໍລິສັດທີ່ຕັ້ງຢູ່ໃນເມືອງຄູເປີຕິໂນ, ລັດແຄລິຟໍເນຍ ກໍຕັ້ງເມື່ອປີ 1976 ດ້ວຍງົບປະມານເລັກນ້ອຍ ທີ່ໂຮງລົດແຫ່ງຫນື່ງໃນຊິລິຄອນແວລລີ. Apple ເກີດຂື້ນຈາກມິດຕະພາບຂອງສະຕີຟ ວອສນຽກ ແລະ ສະຕີຟ ຈັອບສ໌ ຜູ້ລ່ວງລັບໄປແລ້ວ ທີ່ໄດ້ຮັບການຂະຫນານນາມວ່າເຮັດໃຫ້ວີຖີຊີວິດແບບສະມາດໂຟນເປັນທີ່ນິຍົມຂື້ນມາດ້ວຍການສ້າງ ແອັບ ສຳລັບເກືອບທຸກສີ່ງຢ່າງ.
Apple ກາຍເປັນບໍລິສັດຈົດທະບຽນໃນຕະຫລາດຫລັກຊັບທຳອິດ ທີ່ມີລາຄາຮຸ້ນ ລ້ານລ້ານ ໂດລາສະຫະລັດ, ລາຄາຮຸ້ນຂອງ Apple ໃນ Wall street ປິດໂຕຢູ່ທີ່ 207.39 ໂດລາສະຫະລັດຕໍ່ຮຸ້ນ, ຜ່ານຕົວເລກປະຫວັດສາດໄປໄດ້ 2 ມື້, ຫລັງຈາກທີ່ບໍລິສັດເຕັກໂນໂລຊີຍັກໃຫຍ່ແຫ່ງນີ້ ຖະແຫລງຜົນປະກອບການລາຍໄດ້ໄຕມາດທີ່ແຂງແກ່ນທີ່ສຸດ.
ຄວາມສຳເລັດດັ່ງກ່າວຖືວ່າເປັນໄຊຄັ້ງລ່າສຸດຂອງ ທິມ ຄຸກ ທີ່ຜະເຊີນຕໍ່ຫລາຍໆສີ່ງ ເມື່ອເຂົ້າຮັບຕຳແຫນ່ງປະທານເຈົ້າຫນ້າທີ່ບໍລິຫານ (CEO) ເມື່ອປີ 2011 ແທນ ສະຕີຟ ຈັອບສ໌ ຜູ້ຮ່ວມກໍ່ຕັ້ງບໍລິສັດທີ່ມີບັນຫາດ້ານສຸຂະພາບ.ຫລັງຈາກການເສຍຊີວິດຂອງ ສະຕີຟ ຈັອບສ໌, ນັກວິເຄາະ ແລະ ຜູ້ສັງເກດການອຸດສາຫະກຳ ຈຳນວນຫລາຍວິຕົກວ່າ Apple ຈະສູນເສຍຄວາມສາມາດໃນການສ້າງຄວາມປະທັບໃຈໃຫ້ກັບໂລກດ້ວຍ ສີ່ງໃຫມ່ທີ່ຈະຍີ່ງໃຫຍ່ໃນອະນາຄົດ.
ທິມ ຄຸກ ໄດ້ຮັບຄຳຍ້ອງຍໍຫລາຍຂື້ນເລື້ອຍໆ ຈາກນັກລົງທຶນດ້ວຍການສະແດງຜົນງານທີ່ແຂງແກ່ນທາງດ້ານການເງີນອອກມາເປັນຊຸດ ແລະ ກະຈາຍຜະລິດຕະພັນຂອງ Apple ໄປຍັງຈີນ ແລະ ຕະຫລາດຕ່າງຂາດແຫ່ງອື່ນໆ. Apple ຖືເປັນບໍລິສັດພາກທຸລະກິດເອກະຊົນແຫ່ງທຳອິດທີ່ຜ່ານມາໄດ້ເຖີງຂະຫນາດນີ້.
ນຳມາຕິດໆກໍຄື ອະເມຊອນ ທີ່ມີມູນຄ່າການຕະຫລາດຢູ່ທີ່ 881.800 ລ້ານໂດລາສະຫະລັດ. ອັລຟາເບັດ ບໍລິສັດແມ່ຂອງ Google ມີມູນຄ່າການຕະຫລາດ 851.800 ລ້ານໂດລາສະຫະລັດ. Microsoft ຢູ່ທີ່ 817.900 ລ້ານໂດລາສະຫະລັດ ແລະ Facebook ທີ່ມີມູນຄ່າການຕະຫລາດຢູ່ທີ່ 500.700 ລ້ານໂດລາສະຫະລັດ
ຈາກຂໍ້ມູນຂອງທະນາຄານໂລກ ຫລື World Bank ເມື່ອປີ 2016 ຈຳນວນເງີນ 1ລ້ານ ໂດລາສະຫະລັດ ມີມູນຄ່າເທົ່າກັບຜະລິດຕະພັນລວມຍອດພາຍໃນປະເທດ (GDP) ຂອງອິນໂດເນເຊຍ ໃນ 1 ປີ ແລະ ຫລາຍກວ່າ GDP ຂອງປະເທດ Belgium ເຖີງ 2 ເທົ່າ.
ແຫລ່ງຂ່າວຕ່າງປະເທດ: MTC