spot_img
Homeລວມກົດຫມາຍລາວຜູ້ທຸກຍາກ ຜູ້ດ້ອຍໂອກາດ ຜູ້ພິການ ຯລຯ ສາມາດຂໍຄວາມຊ່ວຍເຫຼືອທາງກົດໝາຍໄດ້ໂດຍບໍ່ເສຍຄ່າ

ຜູ້ທຸກຍາກ ຜູ້ດ້ອຍໂອກາດ ຜູ້ພິການ ຯລຯ ສາມາດຂໍຄວາມຊ່ວຍເຫຼືອທາງກົດໝາຍໄດ້ໂດຍບໍ່ເສຍຄ່າ

Published on

ເວົ້າເລື່ອງກົດໝາຍມາ ຕາສີຕາສາຜູ້ທີ່ບໍ່ມີຄວາມຮູ້ທາງດ້ານນີ້ອາດຄິດວ່າມັນເປັນເລື່ອງທີ່ໄກໂຕ ທັງໆທີ່ທຸກຢ່າງທີ່ຢູ່ອ້ອມໂຕເຮົານີ້ລ້ວນແລ້ວແຕ່ມີກົດໝາຍຄຸ້ມຄອງ ນັບຕັ້ງແຕ່ເຮົາມືນຕາຂຶ້ນມາ ຈົນຮອດມື້ທີ່ເຮົາໝົດລົມຫາຍໃຈເສຍຊີວິດ ຫຼື ການເຄື່ອນໄຫວວຽກງານທັງພາກລັດ ແລະ ເອກະຊົນ ແລະ ການດຳລົງຊີວິດໃນສັງຄົມ, ທັງໝົດເຫຼົ່ານີ້ລ້ວນແລ້ວແຕ່ມີກົດໝາຍຄຸ້ມຄອງ ແລະ ເມື່ອເກີດຄະດີຄວາມຂຶ້ນມາ ກົດໝາຍກໍຈະເຂົ້າມາກ່ຽວຂ້ອງໃນທັນທີ.

ແນວໃດກໍຕາມ ທີ່ຜ່ານມາຜູ້ທີ່ທຸກຍາກ, ຜູ້ດ້ອຍໂອກາດ, ຜູ້ພິການ ແລະ ເດັກນ້ອຍບາງຄົນ ຫຼື ຜູ້ກະທຳຜິດທີ່ກົດໝາຍກຳນົດໃຫ້ມີທະນາຍຄວາມເຂົ້າໄປຊ່ວຍເຫຼືອເວລາເກີດການຮ້ອງຟ້ອງຂຶ້ນໂຮງຂຶ້ນສານ ອາດພົບວ່າເປັນເລື່ອງຫຍຸ້ງຍາກທີ່ຈະໄດ້ຮັບຂໍ້ມູນຂ່າວສານ, ຂໍຄຳປຶກສາທາງດ້ານກົດໝາຍ, ການຮ່າງເອກະສານ ແລະ ຂໍຜູ້ຕາງໜ້າໃນການດຳເນີນຄະດີ. ແຕ່ເມື່ອບໍ່ດົນມານີ້ ລັດຖະບານໄດ້ອອກດຳລັດ ກ່ຽວກັບການຊ່ວຍເຫຼືອທາງດ້ານກົດໝາຍເພື່ອໃຫ້ທຸກຄົນສາມາດເຂົ້າເຖິງກົດໝາຍ ແລະ ຂະບວນການຍຸຕິທຳຢ່າງທົ່ວເຖິງ.

ທັງນີ້ ຜູ້ທີ່ສາມາດເຂົ້າຮັບການຊ່ວຍເຫຼືອທາງດ້ານກົດໝາຍຕາມດຳລັດດັ່ງກ່າວປະກອບມີ ຜູ້ທຸກຍາກ, ຜູ້ດ້ອຍໂອກາດ, ເດັກທີ່ຕ້ອງການການປົກປ້ອງພິເສດ, ຜູ້ກະທຳຜິດທີ່ກົດໝາຍກຳນົດໃຫ້ມີທະນາຍຄວາມເຂົ້າໄປຊ່ວຍເຫຼືອ, ຄົນພິການ, ແມ່ຍິງ ແລະ ເດັກນ້ອຍທີ່ຖືກເຄາະຮ້າຍຈາກການໃຊ້ຄວາມຮຸນແຮງ ແລະ ຜູ້ທີ່ຖືກເຄາະຮ້າຍຈາກການຄ້າມະນຸດ.

ວິທີການຂໍຄວາມຊ່ວຍເຫຼືອທາງດ້ານກົດໝາຍສາມາດເຮັດໄດ້ ໂດຍການຍື່ນຄຳຮ້ອງຂໍ (ດ້ວຍຕົນເອງ, ຍາດພີ່ນ້ອງ ຫຼື ຜູ້ຕາງໜ້າຄອບຄົວ) ຕໍ່ກົມສົ່ງເສີມລະບົບຍຸຕິທຳ ຫຼື ຂະແໜງສົ່ງເສີມລະບົບຍຸຕິທຳ, ໜ່ວຍງານສົ່ງເສີມວຽກງານຍຸຕິທຳ, ຫ້ອງການຊ່ວຍເຫຼືອທາງດ້ານກົດໝາຍຂອງສະພາທະນາຍຄວາມ ແລະ ການຈັດຕັ້ງທີ່ໃຫ້ການຊ່ວຍເຫຼືອທາງດ້ານກົດໝາຍຂອງສະຫະພັນແມ່ຍິງ ແລະ ອົງການຈັດຕັ້ງອື່ນໆ.

ນອກຈາກນັ້ນ ອົງການປົກຄອງບ້ານ, ໂຮງຮຽນ, ໂຮງໝໍ ແລະ ອົງການັຈດຕັ້ງອື່ນໆ ກໍຍັງສາມາດສະເໜີໄປຍັງການຈັດຕັ້ງທີ່ໃຫ້ການຊ່ວຍເຫຼືອທາງດ້ານກົດໝາຍທີ່ລະບຸຂ້າງ ແທນຜູ້ດ້ອຍໂອກາດ ຫຼຸກຍາກໄດ້.

 

ແຫລ່ງຂ່າວ : laoofficialgazette.gov.la ແລະ ມ່ວນສະນຸກ.

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...