ຫຼັງຈາກການປະກວດມິສແກຣນລາວ 2018 ສິ້ນສຸດລົງ  ແລະ ຜົນປະກົດວ່າ MGL 12 “ນົບພະລັດ ສີໄກພັກ”  ສາວງາມໄວອາຍຸ 20, ຄວາມສູງ 173 ຊມ ໄດ້ຄວ້າມົງກຸດມິສແກຣນລາວ 2018 ໄປຄອງ ເກີດມີກະແສດຣາມ່າມີຄວາມຄິດເຫັນທີ່ແຕກຕ່າງກັນ ໃນໂລກອອນໄລນ໌ ເພາະມີທັງຄົນບໍ່ມັກ ແລະ ຄົນທີ່ມັກນາງເຊຍນາງ, ຄົນທີ່ບໍ່ມັກນາງກໍ່ເບິ່ງວ່ານາງຍັງບໍ່ເໝາະສົມກັນການທີ່ໄດ້ເປັນມິສແກຣນລາວ ສ່ວນຄົນທີ່ເຊຍນາງກໍ່ເຂົ້າມາສະແດງຄວາມຍິນດີກັບການທີ່ນາງໄດ້ຮັບຕຳແໜ່ງ

ແຕ່ເຖິງແນວໃດກໍ່ຕາມທາງບັນເທີງດາລາກັບລາວໂພສກໍ່ສະແດງຄວາມຍິນດີກັບ ນາງ ນົບພະລັດ ສີໄກພັກ ທີ່ໄດ້ກາຍເປັນມິສແກຣນລາວຄົນໃໝ່ຂອງປະເທດ ແລະ ໄດ້ກາຍເປັນຕົວແທນຂອງສາວລາວໄປປະກວດເວທີສາກົນ ມິສແກຣນອິນເຕີເນຊັ່ນເນລ 2018 ແລະ ສະແດງຄວາມຍິນດີກັບ MGL7 ມາລິກາ ໄດ້ຮັບຕຳແໜ່ງຮອງອັນດັບ1, MGL 1 ສີລິຍາພອນ ໄດ້ຮັບຕຳແໜ່ງ ຮອງອັນດັບທີ 2 ແລະ MGL 5 ມະໂນລັກ ໄດ້ຮັບຕຳແໜ່ງ ນາງສາວມິດຕະພາບ

MGL7 ມາລິກາ ໄດ້ຮັບຕຳແໜ່ງຮອງອັນດັບ1

MGL 1 ສີລິຍາພອນ ໄດ້ຮັບຕຳແໜ່ງ ຮອງອັນດັບທີ 2

MGL 5 ມະໂນລັກ ໄດ້ຮັບຕຳແໜ່ງ ນາງສາວມິດຕະພາບ