spot_img
Homeຍ້ອງຍໍຄົນດີເດັ່ນປະຫວັດ "ພອນແກ້ວ ເຊັງມີຢາລີຊົ່ງ" ນັກຮຽນເກັ່ງ ວິຊາຄະນິດສາດລະດັບປະເທດ

ປະຫວັດ “ພອນແກ້ວ ເຊັງມີຢາລີຊົ່ງ” ນັກຮຽນເກັ່ງ ວິຊາຄະນິດສາດລະດັບປະເທດ

Published on

ທ້າວ ພອນແກ້ວ ເຊັງມີຢາລີຊົ່ງ ແມ່ນນັກຮຽນເກັ່ງ ວິຊາຄະນິດສາດ, ພອນແກ້ວ ກໍາເນີດດໃນຄອບຄົວທຸກ ຈົນ, ເຄີຍຍ່າງໄປໂຮງຮຽນແຕ່ຊັ້ນປະຖົມເກືອບ 9 ກວ່າກິໂລແມັດ ຕັ້ງແຕ່ນ້ອຍ ແລະ ຕອນຍ້າຍໄປຮຽນຢູ່ ມ.ຕົ້ນ ຍ່າງເປັນມື້ທຽບຫຼາຍກິໂລ ບໍ່ໄດ້ຂີ່ລົດ(ລົດຖີບ, ລົດເມບໍ່ມີ) ໂດຍຊີວິດຕ້ອງອົດຍາກຂາດເຂີນ, ຂາດຄົນອຸດໜູນຊ່ວຍໃນການຮຽນ ທັງນີ້ກໍຍ້ອນຄວາມດຸໝັ່ນອົດທົນ, ມີຄວາມຕັ້ງໃຈກັດແຂ້ວສູ້ຈົນ ກ້າວເປັນນັກຮຽນເກັ່ງມາເກືອບທຸກຊັ້ນ.

ທ້າວ ພອນແກ້ວ ເຊັງມີຢາລີຊົ່ງ ເກີດທີ່ບ້ານຫີນແດງ ເມືອງສຳພັນ ແຂວງຜົ້ງສາລີ, ພໍ່ຊື່ ຢົ່ງເຊັງຊົ່ງ ແລະ ແມ່ຊື່ນາງ ເຈັງ ຖືອາຊີບເຮັດໄຮ່, ເຮັດສວນພ້ອມລ້ຽງສັດ, ອາໄສຢູ່ຊົນນະບົດ ຢູ່ແບບລຳບາກຂາດເຂີນ ໂດຍມີອ້າຍນ້ອງຮ່ວມກັນທັງໝົດ 6 ຄົນ, ຍິງ 2 ຄົນ ບວກພໍ່ແມ່ອີກເປັນ 8 ຄົນ ເຊິ່ງ ຕົນເປັນລູກຊາຍກົກ ປັດຈຸບັນອາຍຸໄດ້ 19 ປີ ຫາກໍເສັງຈົບຊັ້ນ ມ7 ທີ່ ມສ ສັນຕິພາບແຂວງຫຼວງພະບາງ.

ທ້າວພອນແກ້ວເລົ່າປະຫວັດຕົນວ່າ: ຕົນເກີດໃນຄອບຄົວທຸກຈົນຄົນຊົນນະບົດ, ຊີວິດການເປັນຢູ່ລຳບາກພໍ່-ແມ່ເປັນພຽງປະຊາຊົນທຳມະດາ ບໍ່ສາມາດອູດໜູນດ້ານທຶນຮອນ ແລະ ອຸປະກອນການຮຽນໄດ້ເທົ່າທີ່ຄວນທຽບກັບຄອບຄົວອື່ນແມ່ນຫ່າງກັນຫຼາຍ  ສະນັ້ນຕົນໄດ້ຕັ້ງໃຈຮຽນຫຼາຍທີ່ສຸດຫວັງເປັນອາວຸດປາຍແຫຼມຊ່ວຍຕົນເອງ ແລະ ຄອບຄົວ, ອະນາຄົດຕ້ອງມີວຽກເຮັດດີໆມີອາຊີບທີ່ດີຂຶ້ນຄືຄອບຄົວອື່ນ.

ທ້າວ ພອນແກ້ວຍັງເລົ່າຕື່ມວ່າ ຕອນຍັງນ້ອຍຕົນຮຽນຢູ່ປະຖົມ ບ້ານນຳຮາງ ເມືອງສຳພັນ ແຂວງຜົ້ງສາລີ ໂດຍໂຮງຮຽນຫ່າງຈາກເຮືອນປະມານເກືອບ 10 ຫຼັກ ຕ້ອງຕື່ນແຕ່ 4:30 ໂມງພ້ອມທັງນຶ້ງເຂົ້າເບິ່ງບົດຮຽນໄປນຳທຸກມື້, ສ່ວນວັນເສົາ-ອາທິດຕ້ອງຊອກຢູ່ຫາກິນເພື່ອເປັນອາຫານ ແຮໄວ້ ແລະ ເວລາຫວ່າງຈາກຮຽນກໍ່ຊ່ວຍວຽກພໍ່ແມ່.

ຫຼັງຈາກຈົບປະຖົມ ຊີວິດຍິ່ງລຳບາກຂຶ້ນ ຕົນໄດ້ພັດຖິ່ນຈາກພໍ່ແມ່ຫຍ້າຍໄປຮຽນຢູ່ ມສ ນາໄຊ ເມືອງສຳພັນ ແຂວງຜົ້ງສາລີ ໃກ້ຕົວເມືອງແດ່ ຕ້ອງໄດ້ຍ່າງເດີນທາງຫຼາຍກິໂລແມັດ ນັບເປັນເວລາເຄິ່ງມື້ ໄດ້ມາຂໍຕັ້ງຕູບນ້ອຍພໍບັງແດດ ບັງຝົນພ້ອມໝູ່ນັກຮຽນຕ່າງຖິ່ນ3-4 ຄົນ ຂໍອາໄສຮຽນນຳບ້ານເພິ່ນ ໂດຍຊີວິດການເປັນຢູ່ລຳບາກຫຼາຍນັບເປັນປີຫຼື 2ປີ ຈຶ່ງກັບບ້ານເກີດຄັ້ງໜຶ່ງ ເນື່ອງຈາກວ່າເສັ້ນທາງໄກຫຼາຍ.

ຫຼັງຈາກກັບມາແຕ່ບ້ານຕົນກໍ່ຈະໄດ້ແຕ່ເຂົ້າສານ, ອາຫານແຫ້ງ, ເຄື່ອງນຸ່ງຖື ພ້ອມດ້ວຍອຸປະກອນການຮຽນຈຳນວນໜຶ່ງຕິດຕົວແບກມາ, ບາງຄັ້ງພໍ່ແມ່ກໍ່ຝາກເຂົ້າສານ, ອາຫານແຫ້ງນຳຊາວບ້ານມາກໍ່ພໍແບ່ງກັບໝູ່ຄູ່ຈຸນເຈືອກັນກິນ ບໍ່ພຽງແຕ່ເທົ່ານັນ ອາຫານການກິນຕ້ອງໄດ້ຫາຢູ່ກິນກັບຜັກຫັກໜໍ່ຕາມທຳມະຊາດ ບາງມື້ກໍ່ຂາດເຂີນບາງຄັ້ງແອບນ້ຳຕາຕົກໃນ ຫຼື ໄຫ້ຄົນດຽວແລ້ວກັດແຂ້ວສູ້ຕໍ່ໄປ.

ຫຼັງຈາກນັ້ນ, ຕົນຢູ່ມາກໍ່ໂຊກດີໃນຂະນະທີ່ຮຽນ ມ ຕົ້ນ ກໍ່ໄດ້ສ້າງຮັກສ້າງແພງນຳພໍ່ແມ່ຮັກ, ຄູ-ອາຈານຫຼາຍຄົນໃຫ້ຄວາມຊ່ວຍເຫຼືອບາງຄັ້ງຄາວ, ໃຫ້ກຳລັງໃຈສູ້ຕໍ່.

ຈົນມາສົກປີ 2013-2014 ໄດ້ເປັນຕົວແທນແຂວງຜົ້ງສາລີ ໄດ້ມາເສັ່ງນັກຮຽນເກັ່ງລະດັບຊາດ, ເຊິ່ງຕອນນັ້ນໂຊກບໍ່ດີ ສຸຂະພາບບໍ່ອຳນວຍເນື່ອງຈາກບໍ່ລຶ້ງເຄີຍການເດີນທາງໄກ(ເມົາລົດ, ອ່ອນເພຍ) ສະໝອງເຮັດວຽກຊ້າບໍ່ສາມາດຍາດລະດັບໄດ້ ຈຶ່ງມີຈິດໃຈຄຽດແຄ້ນຕໍ່ການຮຽນ.

ຕອນຈົບ ມ4 ໂຊກດີຂຶ້ນມາອີກລະດັບ ເພາະຕົນໄດ້ຮັບການຊ່ວຍເຫຼືອຈາກໂຄງການ ນັກຮຽນພອນສະຫວັນ ຈາກຍີ່ປຸ່ນໄດ້ກ້າວເຂົ້າມາຮຽນຕໍ່ຊັ້ນມ ປາຍທີ່ ມສ ສັນຕິພາບ ແຂວງຫຼວງພະບາງ ຊີວິດການເປັນຢູ່ດີຂຶ້ນ ໄດ້ມາຢູ່ຫໍພັກນຳໜູ່ເພື່ອນນັກຮຽນເກັ່ງທົ່ວແຂວງຈາກພາກເໜືອ ໂດຍໂຄງການ CAS ຊ່ວຍເຫຼືອ ຈົນມາສົກປີ 2016-2017 ກໍ່ໄດ້ເປັນຕົວແທນນັກຮຽນເກັ່ງຂອງແຂວງເຂົ້າຮ່ວມສອບເສັງນັກຮຽນເກັ່ງລະດັບປະເທດ ແລະ ສາມາດຍາດໄດ້ອັນດັບ 1 ຕາມຄວາມຫວັງ.

ຄວາມຝັນຂອງເພີ່ນ ຫຼັງຈາຮຽນຈົບ ມັດທະຍົມຕອນປາຍ ເພີ່ນຢາກໄປຮຽນຕໍ່ແພດສາດ ເພື່ອມາຊ່ວຍເຫຼືອພໍ່ແມ່ປະຊາຊົນ ແລະ ໃນທີ່ສຸດເພີ່ນກໍ່ໄດ້ຕໍ່ຮຽນຕາມຄວາມຝັນຂອງເພີ່ນແລ້ວ. ຊິ່ງປະຈຸບັນ ໄດ້ຮຽນສາຍແພດທົ່ວໄປທີ່ມະຫາວິທະຍາໄລແພດສາດ ນະຄອນຫຼວງວຽງຈັນ ຢ່າງເປັນທາງການແລ້ວ.

 

ແຫລ່ງຂ່າວ: hmong update

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...