Homeຂ່າວພາຍ​ໃນທົ່ວປະເທດ ມີຫົວໜ່ວຍແຮງງານເຊັນສັນຍາລວມໝູ່ເກືອບ 500 ແຫ່ງ

ທົ່ວປະເທດ ມີຫົວໜ່ວຍແຮງງານເຊັນສັນຍາລວມໝູ່ເກືອບ 500 ແຫ່ງ

Published on

ນັບ​ແຕ່​ປີ 1986 ເປັນຕົ້ນ​ມາ ລາວ​ເຮົາ​ໄດ້​ເປີດ​ປະຕູ​ສູ່​ພາຍ​ນອກ ໂດຍ​ເປີດ​ກວ້າງ​ການ​ລົງທຶນ​ຮອບດ້ານ​ທັງ​ພາຍ​ໃນ ແລະ ຕ່າງ​ປະເທດ ເພື່ອ​ດຶງ​ດູດ​ເອົາ​ການ​ລົງທຶນ ໃນ​ທຸກ​ຂະແໜງການ​ເຂົ້າ​ມາ​ລົງທຶນ​ພັດທະນາ​ເສດຖະກິດ-ສັງຄົມ ໃຫ້​ເຂັ້ມແຂງ ຈາກ​ໂອກາດ​ທີ່​ດີ​ດັ່ງກ່າວ​ບັນດາ​ໂຮງ​ຈັກ ໂຮງງານ ວິສາ​ຫະ​ກິດ​ຂະໜາດ​ຕ່າງໆ ໄດ້ເກີດ​ຂຶ້ນ​ຢ່າງ​ຕໍ່​ເນື່ອງ ເຮັດ​ໃຫ້​ຈຳນວນ​ກຳມະກອນ​ຜູ້​ອອກແຮງງານ​ກໍ່​ເພີ່ມ​ຂຶ້ນ​ຕາມ​ລຳດັບ ຄຽງຄູ່​ກັບ​ການ​ຂະຫຍາຍຕົວ​ນັ້ນ​ຍັງ​ມີບາງ​ຫົວໜ່ວຍ​ແຮງ​ງານ​ເກີດ​ຂໍ້ຂັດ​ແຍ່ງ​ກັນ ແລະ ກັນ ເອົາ​ລັດເອົາ​ປຽບ​ຊາວ​ຜູ້​ອອກແຮງ​ງານໃນ​ຫຼາຍ​ຮູບ​ການ ເຊັ່ນ: ໃຫ້​ຄ່າແຮງ​ງານ​ຕ່ຳ ການ​ສໍ້​ໂກງ​ເງິນລ່ວງ​ເວລາ ແລະ ການ​ໄລ່​ອອກຈາກ​ວຽກ​ໂດຍ​ບໍ່​ມີ​ເຫດຜົນ ເຮັດໃຫ້​ກຳມະກອນ​ຊາວ​ຜູ້​ອອກແຮງງານ​ເສຍ​ຜົນ​ປະໂຫຍດ​ທີ່​ຄວນ​ໄດ້ຮັບ ສືບ​ເນື່ອງ​ຈາກ​ບັນຫາ​ດັ່ງກ່າວ​ສູນ​ກາງ​ສະຫະພັນ​ກຳ​ມະບານ​ລາວ ໄດ້​ເອົາໃຈໃສ່​ຢ່າງ​ຕັ້ງໜ້າ​ເຂົ້າ​ໃນ​ການ​ຫຼຸດຜ່ອນ ແກ້​ໄຂ ແລະ ຊອກ​ຫາ​ວິທີ​ທາງ​ແກ້​ໄຂ​ບັນຫາ​ຢ່າງ​ຈິງ​ຈັງ ມາ​ຮອດ​ທ້າຍ​ປີ 2008 ສູນ​ກາງ​ສະຫະພັນ​ກຳ​ມະບານ​ລາວ ໄດ້​ຮ່ວມ​ກັບ​ອົງການອັອກ​ຟາມ ຈັດ​ຕັ້ງ​ປະຕິບັດ​ໂຄງການ​ພາຍ​ໃຕ້​ຫົວຂໍ້ “ໂຄງການສັນຍາ​ແຮງ​ງານ​ລວມ​ໝູ່” ໂດຍການ​ຮ່ວມ​ມື​ໄລຍະ​ທຳ​ອິດ ແຕ່​ປີ 2008-2010 ມີ​ພື້ນ​ທີ່​ໂຄງການທັງ​ໝົດ​ຢູ່ 4 ແຫ່ງຄື: ນະຄອນຫຼວງ​ວຽງ​ຈັນ ແຂວງ​ວຽງ​ຈັນ ສະຫວັນ​ນະ​ເຂດ ແລະ ແຂວງ​ຄຳມ່ວນ ປີ 2011-2013 ຂະຫຍາຍພື້ນ​ທີ່​ໂຄງການ​ອີກ 3 ແຫ່ງຄື: ແຂວງ​ບໍ​ລິ​ຄຳ​ໄຊ ຈຳປາ​ສັກ ແລະ ແຂວງ​ເຊ​ກອງ ແລະ ປີ 2014-2016 ຂະຫຍາຍ​ເພີ່ມ​ຕື່ມ​ອີກ 2 ແຂວງ ຄື: ແຂວງ​ສາລະ​ວັນ ແລະ ແຂວງ​ອັດ​ຕະ​ປື ລວມ​ທັງໝົດ​ການຈັດຕັ້ງ​ປະຕິບັດ​ໂຄງການ​ດັ່ງກ່າວ​ແຕ່​ປີ 2008-2016 ມີ​ທັງ​ໝົດ 9 ແຫ່ງ ແລະ ເພື່ອ​ສືບຕໍ່​ຈັດ​ຕັ້ງ​ປະຕິບັດ​ໂຄງການ​ໃຫ້​ມີການ​ຂະຫຍາຍຕົວ ແລະ ຄວບຄຸ້ມ​ທົ່ວ​ປະເທດ ອົງການ​ອັອກຟາມ ໄດ້​ຕົກລົງ​ເຫັນ​ດີ​ສືບຕໍ່​ໂຄງການ​ຮ່ວມ​ມື​ກັບ​ສູນ​ກາງ​ສະຫະພັນ​ກຳມະບານ​ລາວ ເປັນ​ເວລາ 5 ປີ (2017-2021) ເຊິ່ງ​ການຮ່ວມ​ລົງ​ນາມ​ສືບຕໍ່​ການຈັດຕັ້ງປະຕິບັດ​ໂຄງການ ໄດ້​ຈັດ​ຂຶ້ນ​ຕົ້ນເດືອນ​ຕຸລາ 2017.

ໂຄງການ​ສັນຍາ​ແຮງ​ງານລວມ​ໝູ່​ທີ່​ໄດ້​ຮັບ​ການ​ຊ່ວຍເຫຼືອດ້ານ​ເງິນ​ທຶນ​ກວ່າ 160.000 ເອີໂຣ ຫຼື ປະມານ 1,7 ຕື້​ກີບ ຈາກອົງການ​ອັອກ​ຟາມ ຕະຫຼອດ​ໄລຍະ 8 ປີ ການ​ປະຕິບັດ​ວຽກ​ງານຕົວ​ຈິງ ເຮັດ​ໃຫ້​ວຽກ​ງານ​ກຳ​ມະບານ ມີ​ການ​ຂະຫຍາຍຕົວ​ທັງ​ປະລິ​ມານ ແລະ ຄຸນະພາບ​ຢ່າງ​ຕໍ່ເນື່ອງ ໂດຍ​ກິດຈະກຳ​ຫຼັກ​ຂອງໂຄງການ​ແມ່ນ​ການ​ສ້າງຕັ້ງ​ຜູ້ຕາງ ໜ້າ​ຜູ້​ອອກແຮງ​ງານ ຂະຫຍາຍ​ການຈັດຕັ້ງ​ກຳມະບານ​ຢູ່ຫົວໜ່ວຍ​ແຮງ​ງານ ພ້ອມ​ທັງສ້າງ​ຄວາມ​ເຂັ້ມແຂງ​ໃຫ້​ແກ່​ກຳມະ​ບານ​ຢູ່​ຫົວໜ່ວຍ​ແຮງ​ງານ ​ໃຫ້ສາມາດ​ເປັນ​ຕົວ​ແທນ​ໃຫ້​ຜູ້​ອອກແຮງ​ງານ​ເຊັນ​ສັນຍາ​ລວມ​ໝູ່​ກັບພາກສ່ວນ​ກ່ຽວຂ້ອງ ມາ​ຮອດ​ປັດຈຸ​ບັນ​ທົ່ວ​ປະເທດ​ສາມາດ​ເຊັນ​ສັນຍາ​ລວມ​ໝູ່​ໄດ້ 490 ແຫ່ງ ໃນນັ້ນ ຂະແໜງ​ບໍລິການ 236 ແຫ່ງ ອຸດສາຫະກຳ​ຕັດຫຍິບ 223 ແຫ່ງ ແລະ ຂະແໜງ​ກະສິ​ກຳ 31 ແຫ່ງ ກວມ​ເອົາ​ກຳ​ມະກອນ​ຈຳນວນ 74.551 ຄົນ ຍິງ 25.636 ຄົນ ເຄື່ອນ​ໄຫວ​ຊຸກຍູ້ການ​ສ້າງຕັ້ງ​ກຸ່ມ​ກຳມະກອນແຮງ​ງານ​ນອກ​ລະບົບ​ໄດ້ 50 ກຸ່ມ ໃນ​ນັ້ນ ກະສິ ກຳ​ມີ 16 ກຸ່ມ ຫັດຖະ​ກຳແຜ່ນແພ-ຈັກສານ 9 ກຸ່ມ ບໍລິການ 24 ກຸ່ມ ແລະ ບໍ່​ແຮ່ 1 ກຸ່ມ ລວມ​ທັງ​ໝົດ​ມີ​ກຳມະ ກອນ 1.734 ຄົນ.

 

ແຫລ່ງຂ່າວ: ໜັງສືພິມວຽງຈັນໃໝ່

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...