ສຳນັກຂ່າວຕ່າງປະເທດລາຍງານຈາກນະຄອນຫຼວງມະນິລາ ປະເທດ ຟິລິບປິນເມື່ອວັນທີ 6 ສິງຫານີ້ວ່າ ກະຊວງການຕ່າງປະເທດຈີນ ເຜີຍແຜ່ຖະແຫລງການຂອງທ່ານ ຫວັງອີ້ ເຊິ່ງຢູ່ໃນລະຫວ່າງການເຂົ້າຮ່ວມປະຊຸມອາຊຽນວ່າດ້ວຍຄວາມຮ່ວມມືດ້ານການເມືອງ ແລະ ຄວາມໝັ່ນຄົງໃນພາກພື້ນອາຊີ ແລະ ປາຊີຟິກ ແລະ ການຫາລືລະດັບທະວີພາຕີກັບປະເທດຄູ່ເຈລະຈາ ທີ່ນະຄອນຫຼວງ ມະນິລາ ຮຽກຮ້ອງໃຫ້ຄູ່ກໍລະນີທັງໝົດທີ່ກ່ຽວຂ້ອງກັບສະຖານະການທີ່ແຫລມມະຫາສະໝຸດເກົາຫຼີ ກັບມາເຂົ້າຮ່ວມການເຈລະຈາ 6 ຝ່າຍ ເພື່ອຫາທາງແກ້ໄຂຄວາມເຄັ່ງຮ້ອນຂອງສະຖານະການ
ມີລາຍງານວ່າກຳປູເຈຍສະແດງຄວາມບໍ່ພໍໃຈຕໍ່ເນື້ອຫາກ່ຽວກັບເກົາຫຼີເໜືອ ຖືກແຍກອອກມາເປັນຖະແຫລງການອີກສະບັບໜຶ່ງ ບໍ່ລວມຢູ່ໃນຖະແຫລງການສະບັບດຽວກັນທີ່ມີເນື້ອໃນກ່ຽວຂ້ອງກັບສະຖານະການໃນທະເລ ແຕ່ສະມາຊິກອາຊຽນທັງ 10 ປະເທດຍັງບໍ່ສາມາດຕົກລົງກັນໄດ້ກ່ຽວກັບເນື້ອໃນໃຈຄວາມຫົວຂໍ້ທະເລຈີນໃຕ້ ສົ່ງຜົນໃຫ້ການປະຊຸມເມື່ອວັນເສົາທີ່ຜ່ານມາ ຕ້ອງຢຸດຕິໂດຍບໍ່ມີຂໍ້ສະຫລຸບເລື່ອງດັ່ງກ່າວ