Homeຂ່າວນໍ້າຖ້ວມເມືອງໂພນທອງ ແຂວງຫລວງພະບາງ ນໍ້າກໍຖ້ວມຫລາຍຈຸດ

ເມືອງໂພນທອງ ແຂວງຫລວງພະບາງ ນໍ້າກໍຖ້ວມຫລາຍຈຸດ

Published on

ວັນທີ 4 ສິງຫາ 2017 ຜ່ານມານີ້ ໄດ້ເກີດນໍ້າຖ້ວມເສັ້ນທາງແລະ ເຮືອນຂອງປະຊາຊົນຈໍານວນໜຶ່ງຢູ່ເມືອງໂພນທອງ ແຂວງ ຫລວງພະບາງ.

ເຫດການນໍ້າຖ້ວມ ແມ່ນໄດ້ເກີດຂຶ້ນໃນເວລາປະມານ 7:30 ໂມງ ຂອງວັນທີ 4 ສິງຫາ 2017 ເນື່ອງຈາກມີຝົນຕົກແຮງຫຼາຍຊົ່ວໂມງ ເຮັດໃຫ້ສາຍນໍ້າອືມ, ສາຍນໍ້າມັດ ແລະ ສາຍນໍ້າແມນ ເກີດມີສະພາບນໍ້າລົ້ນ ແລະ ໄຫຼລົ້ນຝັ່ງຢ່າງຮ້າຍແຮງຢູ່ຈຸດຂົວຈົມ ບ້ານປາກອຶມ ໄປຫາ ບ້ານ ວັງຊຽງ ອັນໄດ້ເຮັດໃຫ້ປະລິມານນໍ້າ ໄດ້ໄຫຼເຂົ້າຖ້ວມບ້ານເຮືອນຂອງປະຊາຊົນໃນລະດັບປະມານ 1 ແມັດ ສົ່ງຜົນເຮັດໃຫ້ເຮືອນປະຊາຊົນ ໄດ້ຮັບຜົນເສຍຫາຍ ຈໍານວນຫນຶ່ງໃນນີ້ ໄດ້ມີເສັ້ນທາງ ເປ່ເພເຊາະເຈືອນ, ຕັດຂາດ, ເຮືອນເປ່ເພຈຳນວນ 5 ຫຼັງຄາເຮືອນ.

ພ້ອມກັນນັ້ນ ກໍ່ມີວັດຖຸສີ່ງຂອງເຄື່ອງໃຊ້, ເຄື່ອງນຸ່ງຮົ່ມ ຂອງປະຊາຊົນຫຼາຍຄອບຄົວໄດ້ຮັບຄວາມເສຍຫາຍ ຫຼາຍສົມຄວນ.

ປະຊາຊົນເວົ້າວ່ານໍ້າຖ້ວມຄັ້ງນີ້ບໍ່ເຄີຍມີມາກ່ອນ ຢູ່ລະຫວ່າງ ບ້ານປາກອືມ ຫາ ບ້ານ ວັງຊຽງ ແລະ ບ້ານຈໍານວນໜຶ່ງທີ່ຢູ່ເຂດຕໍ່າ.

ຕໍກັບເຫດການທີ່ເກີດຂື້ນ ໄດ້ມີກຳລັງທະຫານຂອງເມືອງແລະ ປະຊາຊົນ, ພະນັກງານເຂົ້າໃຫ້ການຊ່ວຍເຫຼືອ ໂດຍສະເພາະແມ່ນການຍົກຍ້າຍເຄື່ອງໃຊ້ ອອກຈາກພື້ນທີ່ນໍ້າຖ້ວມ ຈຶ່ງເຮັດໃຫ້ບໍ່ມີຜູ້ບາດເຈັບ ຫຼື ເສຍຊີວິດຈາກເຫດການໃນຄັງນີ້ ເຖົ້າແກ່ຜູ້ອາວຸດໂສໄດ້ເວົ້າສູ່ຟັງວ່າ: ໃນແຕ່ລະປີສາຍນໍ້າອືມ, ສາຍນໍ້າມັດ ແລະ ສາຍນໍ້າແມນ ແມ່ນມີປະລິມານສູງ ແລະ ໄຫຼນອງເປັນປົກກະຕິ ແຕ່ໃນຄັ້ງນີ້ ແມ່ນຮ້າຍແຮງໂດຍບໍ່ເຄີຍພົບເຫັນມາກ່ອນໃນລັກສະນະນີ້. ສະນັ້ນຈິງໄດ້ເປັນການແຈ້ງເຕືອນເຖິງຜູ້ທີຈະເດີນທາງໄປມາເຂົ້າສູ່ເມືອງໂພນທອງແຂວງຫຼວງພະບາງ ຈົ່ງສະມີສະຕິລະວັງຕົວ ແລະ ຕ້ອງສອບຖາມຂໍມູນຢ່າງລະອຽດນຳພີ່ນ້ອງເສຍກ່ອນ.

 

ແຫລ່ງຈາກ: ລາວອັບເດດ.

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...