spot_img
Homeຂ່າວເຫດການຮອງນາຍົກລັດຖະມົນຕີ ຕ້ອນຮັບຄະນະຜູ້ແທນຈາກ ແຂວງກວາງຊີ ສປ ຈີນ

ຮອງນາຍົກລັດຖະມົນຕີ ຕ້ອນຮັບຄະນະຜູ້ແທນຈາກ ແຂວງກວາງຊີ ສປ ຈີນ

Published on

ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ ຮອງນາຍົກລັດຖະມົນ ຕີໄດ້ຕ້ອນຮັບການເຂົ້າຢ້ຽມຂ່ຳນັບ  ທ່ານ ຮ່ວາງ ຊີຢົງ ຮອງເຈົ້າແຂວງກວາງຊີ ແຫ່ງ ສປ ຈີນ ໃນວັນທີ 28 ກໍລະກົດນີ້, ທີ່ຫ້ອງຮັບແຂກ ສຳນັກງານນາຍົກລັດຖະມົນຕີ. ໃນໂອກາດດັ່ງກ່າວ, ທ່ານຮອງນາຍົກລັດຖະມົນຕີ ໄດ້ຕີລາຄາສູງຕໍ່ການມາຢ້ຽມຢາມຂອງ ທ່ານ ຮ່ວາງ ຊີຢົງ ພ້ອມດ້ວຍຄະນະ ຊຶ່ງເປັນການປະກອບສ່ວນ ຮັດແໜ້ນສາຍພົວພັນມິດຕະພາບ ທີ່ເປັນມູນເຊື້ອອັນຍາວນານ ລະຫວ່າງ ສອງປະເທດ ລາວ-ຈີນ ໂດຍ ສະເພາະແມ່ນ ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ ໃຫ້ນັບມື້ແໜ້ນແຟ້ນຍິ່ງໆຂຶ້ນ.

ທ່ານ ຮ່ວາງ ຊີຢົງ ໄດ້ ລາຍງານໃຫ້ທ່ານຮອງນາຍົກລັດຖະມົນຕີ ເຖິງຈຸດປະສົງຂອງການມາຢ້ຽມຢາມໃນຄັ້ງນີ້ ແມ່ນເພື່ອເພີ່ມທະວີຮັດແໜ້ນສາຍພົວພັນມິດຕະພາບ ລະຫວ່າງ ລາວ-ຈີນ ບົນຈິດໃຈເປັນເພື່ອນມິດທີ່ດີ, ບ້ານໃກ້ເຮືອນຄຽງທີ່ດີ ແລະ ຄູ່ຮ່ວມມືທີ່ດີ; ຊຸກຍູ້ການກຽມຄວາມພ້ອມ ໃນການຈັດຕັ້ງປະຕິບັດ ໂຄງການທົດລອງຮ່ວມມືແກ້ໄຂຄວາມທຸກຍາກ ລາວ-ຈີນ ໃຫ້ບັນລຸຕາມຄາດໝາຍ.

ສປປ ລາວ ໄດ້ຮັບການຊ່ວຍເຫຼືອປະມານ 33.330.000 ຢວນ (ສະກຸນເງິນຈີນ) ຊຶ່ງງົບປະມານດັ່ງກ່າວ ແມ່ນຢູ່ພາຍໃຕ້ການຄຸ້ມຄອງຂອງກະຊວງການຄ້າ ສປ ຈີນ ແລະ ໄດ້ມອບໃຫ້ສູນສາກົນ ແລະ ຫຼຸຸດຜ່ອນຄວາມທຸກຍາກ ສປ ຈີນ ເປັນເຈົ້າການ ໃນການຈັດຕັ້ງປະຕິບັດ ເພື່ອສ້າງຄວາມເຂັ້ມແຂງໃຫ້ແກ່ທ້ອງຖິ່ນ, ແຂວງກວາງຊີ ເປັນຜູ້ຈັດຕັ້ງປະຕິບັດຮ່ວມກັບ ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ. ກິດຈະກຳຈັດຕັ້ງປະຕິບັດ ປະກອບມີໂຄງການສ້າງ ແລະ ປັບປຸງເສັ້ນທາງເຂົ້າບ້ານ, ສ້າງ ຂົວ, ສະໜອງນ້ຳປະປາ, ຝາຍ ນ້ຳລົ້ນ-ຊົນລະປະທານ, ບຸກເບີກເນື້ອທີ່ທຳການຜະລິດ, ກໍ່ສ້າງຫ້ອງການບ້ານ, ສະໂມສອນ, ເຝິກອົບຮົມເຕັກນິກກະສິກຳ, ການບໍລິການ, ກໍ່ສ້າງຂຸມຖິ້ມຂີ້ເຫຍື້ອ, ຕິດຕັ້ງໄຟເຢືອງທາງທີ່ໃຊ້ພະລັງງານແສງຕາ ເວັນ, ຫ້ອງນ້ຳໂຮງຮຽນ ແລະ ສຸກສາລາ, ຈັດຊື້ອຸປະກອນການສຶກສາ, ຈັດຕັ້ງກຸ່ມການປູກ-ການລ້ຽງ, ການທ່ອງທ່ຽວຊົນນະບົດ ແລະ ວຽກງານອື່ນໆ ຊຶ່ງຈະຈັດຕັ້ງປະຕິບັດໃນໄລຍະ ເວລາ 3 ປີ ແຕ່ປີ 2017-2020.

 

ແຫລ່ງຂ່າວ: ປະຊາຊົນ

 

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...