spot_img
Homeຂ່າວທ້ອງຖິ່ນສາລະວັນ ເປີດນຳໃຊ້ສູນສົ່ງເສີມວິຊາຊີບຂອງສະຫະພັນແມ່ຍິງແຂວງ

ສາລະວັນ ເປີດນຳໃຊ້ສູນສົ່ງເສີມວິຊາຊີບຂອງສະຫະພັນແມ່ຍິງແຂວງ

Published on

ສະຫະພັນແມ່ຍິງແຂວງສາລະວັນ ໄດ້ຈັດພິທີໄຂການນຳໃຊ້ສູນວິຊາຊີບຂຶ້ນ ໃນວັນທີ 11 ກໍລະກົດຜ່ານມານີ້ ໂດຍໃຫ້ກຽດເຂົ້າຮ່ວມຂອງທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານສູນກາງສະຫະພັນແມ່ຍິງລາວ, ມີທ່ານ ມຸລາລີ ຮອງອົງ ການສະຫະປະຊາຊາດ ເພື່ອການພັດທະນາ ປະຈຳ ສປປ ລາວ, ມີຜູ້ຕາງໜ້າຈາກກະຊວງການຕ່າງປະເທດ, ກະຊວງພາຍໃນ, ກະຊວງແຜນການ ແລະ ການລົງທຶນ, ພະແນກການຕ່າງໆອ້ອມຂ້າງແຂວງເຂົ້າຮ່ວມ.

ທ່ານ ບຸນທຽມ ແກ້ວໄຊຍະວົງ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງສາລະວັນ ໄດ້ລະບຸວ່າ ການສ້າງສູນວິຊາຊີບນີ້ຂຶ້ນເພື່ອສົ່ງເສີມເອື້ອຍນ້ອງແມ່ຍິງ ໃຫ້ມີວຽກເຮັດງານທຳ ພ້ອມທັງຍົກສູງຊີວິດການເປັນຢູ່ຂອງເອື້ອຍນ້ອງແມ່ຍິງໃຫ້ດີຂຶ້ນ, ນອກ ຈາກນັ້ນ ກໍຍັງເປັນບ່ອນສ້າງບຸກຄະລາກອນສີມືແຮງງານ, ໂຄງການພັດທະນາຊຸມຊົນແບບມີສ່ວນຮ່ວມ ແລະ ຍືນຍົງ ນອກຈາກສະໜອງຸອຸປະກອນໃຫ້ແກ່ສູນສົ່ງເສີມວິຊາຊີບ, ສູນຂໍ້ມູນຂ່າວສານຂັ້ນແຂວງ, ຂັ້ນເມືອງເປັນຕົ້ນ ແມ່ນເມືອງຕະໂອ້ຍ, ເມືອງ ເລົ່າງາມ ແລະ ເມືອງວາປີ ຊຶ່ງ ມີ 10 ບ້ານເປົ້າໝາຍແລ້ວ ຍັງໄດ້ສະໜັບສະໜູນທຶນຮອນ ໄປທັດສະນະສຶກສາແລກປ່ຽນ ບົດຮຽນທັງພາຍໃນ ແລະ ຕ່າງປະເທດ ເປັນມູນຄ່າທັງໝົດ 300 ລ້ານກວ່າກີບ (365.000 ໂດລາສະຫະລັດ) ແລະ ໂຄງການນີ້ກໍແມ່ນຢູ່ໃນແຜນພັດທະນາເສດຖະກິດ-ສັງຄົມຂອງແຂວງ, ເປັນເປົ້າໝາຍສະຫັດສະວັດ ເພື່ອການພັດທະນາແບບຍືນຍົງ, ເຂົ້າຢູ່ໃນແຜນພັດທະນາແມ່ຍິງ 7 ແຜນງານ ແລະ 23 ໂຄງການຂອງສະຫະພັນແມ່ຍິງແຂວງວາງອອກ. ຈາກນັ້ນ ທ່ານ ບຸນທຽມ ແກ້ວໄຊຍະວົງ, ທ່ານ ນາງ ອິນ ລາວັນ ແກ້ວບຸນພັນ ແລະ ທ່ານ ມຸລາລີ ໄດ້ຮ່ວມກັນຕັດແຖບຜ້າ, ໄຂປ້າຍ ແລະ ທ່ຽວ ຊົມສູນວິຊາຊີບດັ່ງກ່າວ.

 

ແຫລ່ງຂ່າວ: ໜັງສືພິມປະຊາຊົນ

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...