Homeຂ່າວທ້ອງຖິ່ນສວນອ່າງນ້ຳຫງຳ ໃບໜ້າໃໝ່ຕົວເມືອງຊຽງຂວາງ ກໍ່ສ້າງສຳເລັດແລ້ວ ຄາດເປັນສູນລວມນັກທ່ອງທ່ຽວ

ສວນອ່າງນ້ຳຫງຳ ໃບໜ້າໃໝ່ຕົວເມືອງຊຽງຂວາງ ກໍ່ສ້າງສຳເລັດແລ້ວ ຄາດເປັນສູນລວມນັກທ່ອງທ່ຽວ

Published on

ພິທີມອບ-ຮັບໂຄງການ​ສວນສາທາລະນະ​ອ່າງ​ນ້ຳ​ຫງຳ ເມືອງແປກ ແຂວງ​ຊຽງ​ຂວາງ ໄດ້​ຈັດຂຶ້ນ​ວັນ​ທີ 4 ກໍລະກົດ 2017 ທີ່ເດີ່ນ​ສວນ​ນ້ຳ​ຫງຳ ກ່າວ​ມອບໂດຍ​ທ່ານ ເກດ​ຕິ​ສັກ ພັກ​ວິເສດ ປະທານ​ບໍລິສັດ ພັດທະນາ​ກໍ່ສ້າງສີ​ບຸນ​ເຮືອງ ຈຳກັດ ກ່າວຮັບ​ຂອງ​ທ່ານ ບຸນ​ຈັນ ຂັນ​ຕິ​ພຸດທະ​ວົງ ຫົວໜ້າ​ອົງການ​ພັດ​ທະນາ ແລະ ບໍລິການ​ຕົວ​ເມືອງ (​ອພບຕ) ເມືອງ​ແປກ ໃຫ້​ກຽດເຂົ້າ​ຮ່ວມ​ຂອງ​ທ່ານ ບົວ​ສອນ ສີ​ນວນ​ທອງ ຮອງ​ເຈົ້າແຂວງ​ຊຽງຂວາງ ມີ​ທ່ານ​ເຈົ້າເມືອງ ຫົວໜ້າພະແນກການ ພາກສ່ວນ​ກ່ຽວຂອງ ແລະ ແຂກ​ຖືກ​ເຊີນ.

ທ່ານ ເກດ​ຕິ​ສັກ ພັກ​ວິເສດ ກ່າວ​ວ່າ: ໂຄງການ​ກໍ່ສ້າງ ແລະ ປັບປຸງ​ສວນ​ສາທາລະນະ​ອ່າງ​ນ້ຳຫງຳ ແມ່ນ​ໂຄງການ​ບຸລິມະສິດໜຶ່ງ​ທີ່​ນອນ​ຢູ່​ໃນ​ແຜນ​ຍຸດ​ທະ​ສາດ ການ​ພັດທະນາ​ເສດຖະກິດ-ສັງຄົມ​ຂອງ​ແຂວງ​ຊຽງ​ຂວາງ ເພື່ອພັດທະນາ​ບັນດາ​ພື້ນຖານ​ໂຄງລ່າງດ້ານ​ຕ່າງໆ​ຂອງ​ແຂວງ​ມີການ​ຂະຫຍາຍຕົວ ເຊິ່ງ​ການ​ລົງທຶນ​ເຂົ້າ​ໃສ່​ການ​ພັດທະນາ​ສວນແຫ່ງ​ນີ້​ ໃຫ້​ກາຍເປັນ​ສວນ​ສາ​ທາລະນະ​ທີ່​ສວຍ​ງາມ​ທີ່​ສຸດ​ພາຍ​ໃນເທສະ​ບານ​ແຂວງ ໂດຍ​ສະເພາະແມ່ນ​ການ​ຮອງ​ຮັບ​ການ​ເປັນ​ເຈົ້າພາບ​ຈັດ​ງານ​ກີລາ​ແຫ່ງ​ຊາດ ຄັ້ງທີ 11 ຂອງ​ແຂວງ​ຊຽງ​ຂວາງ ໃນ​ປີ 2018 ສະຖານທີ່​ແຫ່ງ​ນີ້ ກໍ່​ຈະ​ກາຍເປັນ​ສູນ​ລວມ​ໜຶ່ງ​ຂອງບັນດາ​ນັກ​ທ່ອງ​ທຽ່ວ.

ໂຄງການ​ສວນ​ສາທາລະນະອ່າງ​ນ້ຳ​ຫງຳ​ລົງມື​ບຸກເບີກ ແລະ ກໍ່ສ້າງ​ມາ​ແຕ່ປີ 2013 ເປັນຕົ້ນມາ ໃນ​ເນື້ອທີ່​ກໍ່ສ້າງ​ທັງ​ໜົດ 17,5 ເຮັກຕາ ໂດຍ​ມອບ​ໃຫ້​ແກ່​ບໍລິ​ສັດ ພັດທະນາກໍ່ສ້າງ​ສີ​ບຸນເຮືອງ ຈຳກັດ ເປັນ​ຜູ້​ອອກ​ແບບຮັບ​ເໜົາ​ການ​ກໍ່ສ້າງ ແລະ ລົງທຶນ​ກ່ອນ 100% ໃນ​ມູນ​ຄ່າ 130 ກວ່າ​ຕື້​ກີບ ສວນ​ແຫ່ງ​ນີ້ ໄດ້​ຈັດແບ່ງ​ອອກ​ເປັນ​ແຕ່​ລະ​ໜ້າ​ວຽກທີ່​ລະອຽດ ເປັນຕົ້ນ ການ​ກໍ່ສ້າງເສັ້ນທາງ​ອ້ອມ​ຮອບ​ຄູ​ກັນ​ນ້ຳປະຕູ​ເປີດ-ປິດ​ນ້ຳ ອ່າງ​ເກັບ​ກັກ​ນ້ຳ ສວນ​ນ້ຳພຸ ສວນ​ດອກ​ໄມ້ ສວນປູກ​ຫຍ້າ ຕົ້ນໄມ້​ປະດັບ ເດີ່ນ​ຫາດຊາຍ ມີ​ດອກໄຟ​ເຍືອງ​ທາງ ຫ້ອງການ ແລະ ອື່ນໆ ຖື​ວ່າ​ມາ​ຮອດປັດຈຸບັນ​ນີ້ ໂຄງການ​ດັ່ງກ່າວແມ່ນ​ໄດ້​ສຳເລັດ​ການ​ກໍ່ສ້າງ​ແລ້ວ 100%.

ແຫລ່ງຂ່າວ: ວຽງຈັນໃໝ່

ບົດຄວາມຫຼ້າສຸດ

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...

ຕິດຕາມ ກວດກາ ແລະ ຄຸ້ມຄອງຢ່າງເຂັ້ມງວດ ຕໍ່ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດ-ເງິນ

ໃນໄລຍະ 9 ເດືອນຜ່ານມາ ຂອງປີ 2026, ນະຄອນຫຼວງວຽງຈັນ ສາມາດຈັດຕັ້ງປະຕິບັດການສົ່ງອອກຜະລິດຕະພັນແຮ່ທາດ ບັນລຸໄດ້ 146,878.81 ໂຕນ, ຄິດເປັນ 41.91% ຂອງແຜນການປີ. ຂໍ້ມູນດັ່ງກ່າວ...