spot_img
Homeຂ່າວພາຍ​ໃນລັດຖະບານ ແກ້ໄຂໜີ້ສິນໂຄງການ ແລະ ພັນທະບັດໄດ້ 7 ຮ້ອຍຕື້ກີບ

ລັດຖະບານ ແກ້ໄຂໜີ້ສິນໂຄງການ ແລະ ພັນທະບັດໄດ້ 7 ຮ້ອຍຕື້ກີບ

Published on

ໜັງສືພິມເສດຖະກິດ-ສັງຄົມ ລາຍງານເມື່ອວັນທີ 26 ເມສາ 2017 ວ່າ ໃນໄລຍະ 6 ເດືອນຜ່ານມາ ຊຶ່ງເປັນໄລຍະເວລາທີ່ປະຕິບັດແຜນ 3 ເດືອນຂ້າມຜ່ານທ້າຍປີ 2016 ແລະເລີ່ມປີງົບປະມານ 2017 ງວດທີ 1 ຕາມປີປະຕິ ທິນລັດຖະບານໄດ້ປະຕິບັດຫຼາຍວຽກງານສໍາຄັນ ໂດຍໄດ້ຄຸ້ມຄອງເສດຖະກິດມະຫະພາກໃຫ້ມີສະຖຽນລະພາບ ແລະໝັ້ນທ່ຽງ ຊຸກຍູ້ໃຫ້ເສດຖະກິດຂະຫຍາຍຕົວບໍ່ຫຼຸດ 7%, ປັບປຸງການຄຸ້ມຄອງລະບົບການເງິນງົບປະມານໃຫ້ເຂັ້ມງວດຂຶ້ນ, ທີ່ພົ້ນເດັ່ນກວ່າໝູ່ແມ່ນໄດ້ອະນຸມັດງົບປະມານ 4 ຮ້ອຍຕື້ກີບ ເພື່ອແກ້ໄຂໜີ້ສິນໂຄງການການລົງທຶນຂອງລັດ ແລະ 3 ຮ້ອຍຕື້ກີບ ເພື່ອແກ້ໄຂໜີ້ພັນທະບັດ ເພື່ອ ສ້າງເງື່ອນໄຂໃຫ້ພາກທຸລະກິດສືບຕໍ່ ເຄື່ອນໄຫວວຽກ ງານຂອງຕົນ.
ທ່ານ ທອງລຸນ ສີສຸລິດ ນາຍົກລັດຖະມົນຕີ ລາຍງານຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ 8 ໃນວັນທີ 25 ເມສາ 2017 ທີ່ສະພາແຫ່ງຊາດ ນະຄອນຫຼວງວຽງຈັນຮູ້ວ່າ: ການຈັດຕັ້ງ ປະຕິບັດແຜນວຽກຈຸດສຸມໃນໄລຍະ 6 ເດືອນຜ່ານມາ, ລັດຖະບານໄດ້ຄຸ້ມຄອງເສດຖະກິດມະຫະພາກໃຫ້ມີສະຖຽນລະ ພາບ ແລະໝັ້ນທ່ຽງ ໂດຍປັບປຸງນະໂຍບາຍ ແລະນິຕິກໍາໃຫ້ສອດຄ່ອງ ແລະກົມກຽວ ເພື່ອສ້າງເງື່ອນໄຂອໍານວຍຊຸກຍູ້ ໃຫ້ເສດຖະກິດຂະຫຍາຍຕົວໃນລະດັບບໍ່ຫຼຸດ 7%, ໄດ້ປັບປຸງການຄຸ້ມຄອງລະບົບການເງິນງົບປະມານໃຫ້ເຂັ້ມງວດຂຶ້ນ ເພື່ອແກ້ໄຂສະພາບຄວາມຫຍຸ້ງຍາກທາງດ້ານງົບປະມານ ໂດຍຊຸກຍູ້ສົ່ງເສີມການຫັນກົນໄກການເກັບລາຍຮັບໃຫ້ເຂົ້າສູ່ລະບົບທັນສະໄໝ ແລະໂປ່ງໃສ ພ້ອມທັງເຂັ້ມງວດການຕິດຕາມກວດກາເກັບ ກໍາສໍາຫຼວດຖານລາຍຮັບ ເພື່ອກໍາຈັດການຮົ່ວໄຫຼຂອງລາຍຮັບງົບປະມານ, ໄດ້ເອົາໃຈໃສ່ຄຸ້ມຄອງການປະຕິບັດແຜນງົບປະມານ ແລະແຜນລາຍ ຈ່າຍໃຫ້ມີປະສິດທິຜົນ ພ້ອມທັງມີຄວາມເຂັ້ມງວດຕໍ່ການປະຕິບັດໂຄງການນອກແຜນ, ຄຽງຄູ່ກັນນັ້ນກໍໄດ້ຈັດຕັ້ງປະຕິ ບັດນະໂຍບາຍປະຢັດ ແລະຕ້ານການຟຸມເຟືອຍໃຫ້ເປັນຮູບປະທໍາ.
ນອກນີ້ ຍັງໄດ້ຄຸ້ມຄອງເງິນຕາໃຫ້ມີ ສະຖຽນລະພາບ ສືບຕໍ່ປະຕິບັດນະໂຍບາຍດອກເບ້ຍຕາມກົນໄກຕະຫຼາດທີ່ມີການຄຸ້ມຄອງດັດສົມຂອງລັດ, ກໍານົດອັດຕາດອກເບ້ຍເງິນຝາກ ແລະ ເງິນກູ້ຢ່າງເໝາະສົມ ເພື່ອສ້າງເງື່ອນໄຂໃຫ້ ພາກທຸລະກິດ ກໍຄືຜູ້ປະກອບການໃນການເຄື່ອນໄຫວຜະລິດທຸລະກິດ, ໄດ້ອະນຸມັດງົບປະມານ 4 ຮ້ອຍຕື້ກີບ ເພື່ອແກ້ໄຂໜີ້ສິນໂຄງການການລົງທຶນຂອງລັດ ແລະ 3 ຮ້ອຍຕື້ກີບ ເພື່ອແກ້ໄຂໜີ້ພັນທະບັດ ເພື່ອສ້າງເງື່ອນໄຂໃຫ້ພາກທຸລະກິດສືບຕໍ່ເຄື່ອນໄຫວວຽກງານຂອງຕົນ, ການແກ້ໄຂໜີ້ສິນດັ່ງກ່າວ ເຖິງຈະບໍ່ສາມາດ ຕອບສະໜອງໄດ້ໝົດຕາມຄວາມຕ້ອງ ການທາງດ້ານທຶນຮອນຂອງຜູ້ປະກອບ ການທີ່ໄດ້ລົງທຶນໄປແລ້ວນັ້ນກໍຕາມ, ແຕ່ກໍ່ເປັນສັນຍານທີ່ດີໃຫ້ແກ່ພາກທຸລະກິດທາງດ້ານກໍາລັງໃຈ, ພ້ອມນີ້ ລັດຖະບານກໍສືບຕໍ່ຄົ້ນຄວ້າ ແລະ ຈັດຫາແຫຼ່ງງົບປະມານ ເພື່ອສືບຕໍ່ແກ້ໄຂໜີ້ສິນຢ່າງເອົາຈິງເອົາຈັງ, ໄດ້ທົບທວນ ແລະ ກວດກາຄືນບັນດາໂຄງການສະເໜີລົງທຶນໃໝ່ ທີ່ຕ້ອງການທຶນກູ້ຢືມຈໍານວນຫຼາຍ ເພື່ອເບິ່ງຄວາມສົມເຫດສົມຜົນ ແລະປະສິດທິຜົນ ຂອງໂຄງການ.
ໄດ້ກະກຽມດໍາເນີນການຄົ້ນຄວ້າເພື່ອ ປັບປຸງລັດວິສາຫະກິດຈໍານວນໜຶ່ງ ຊຶ່ງເປັນລັດວິສາຫະກິດຂະໜາດໃຫຍ່ ແລະມີລັກສະນະຍຸດທະສາດຄຽງຄູ່ກັນນີ້ກໍສືບຕໍ່ກະກຽມປັບປຸງບັນດາວິສາຫະກິດທີ່ດໍາເນີນທຸລະກິດຂາດປະສິດທິຜົນເປັນແຕ່ລະບໍລິສັດໄປຊຸກຍູ້ການຈັດຕັ້ງປະຕິບັດບັນດາໂຄງການລົງທຶນຂະໜາດໃຫ່ຍ ຊຶ່ງປະກອບສ່ວນສູງຕໍ່ການພັດທະນາເຊັ່ນ: ໂຄງການທາງລົດໄຟລາວຈີນ, ໂຄງການຂະຫຍາຍທາງລົດໄຟລາວໄທ ແລະໂຄງການອື່ນໆ,ເອົາໃຈໃສ່ຕໍ່ວຽກງານຂຸດຄົ້ນນໍາໃຊ້ຊັບພະຍາກອນທໍາມະຊາດ ແລະປົກປັກຮັກສາສິ່ງແວດ ລ້ອມ, ປັບປຸງກົນໄກບໍລິຫານລັດໃຫ້ກະທັດຮັດ, ໜັກແໜ້ນແລະກົມກຽວກັນຫຼາຍຂຶ້ນ.
ຜ່ານການປະຕິບັດວຽກງານຈຸດສຸມ ທີ່ກ່າວມານັ້ນ, ລັດຖະບານໄດ້ຕີລາຄາ ແລະຄິດໄລ່ການເຕີບໂຕຂອງເສດຖະກິດແຫ່ງຊາດ ຕາມປີປະຕິທິນໝົດປີ2016 ເຫັນວ່າ ລວມຍອດຜະລິດຕະພັນພາຍໃນ (GDP) ບັນລຸໄດ້ 7,02% ຫຼືມີມູນຄ່າ 129.279 ຕື້ກິບ, ສ່ວນ GDP ສະເລ່ຍຕໍ່ຫົວຄົນ ບັນລຸໄດ້ 2.408ໂດລາສະຫະລັດ (ຈໍານວນພົນລະເມືອງ 6,6 ລ້ານ ຄົນ), ຄອບຄົວທຸກຍາກໄດ້ຫຼຸດລົງຈາກ 6,59% ໃນປີ 2015, ຍັງເຫຼືອ 6,3% ໃນປີ 2016 ຂອງຄອບຄົວທັງໝົດ.

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...