ສຳນັກຂ່າວຕ່າງປະເທດລາຍງານເມື່ອວັນທີ 18 ມີນາ 2017 ທີ່ຜ່ານມາວ່າ ເຈົ້າໜ້າທີ່ຄວາມໝັ້ນຄົງຂອງລັດ ຖະບານຝຣັ່ງ ໄດ້ສັ່ງເພີ່ມມາດຕະການເຂັ້ມງວດດ້ານການຮັກສາຄວາມປອດໄພທັນທີ ຫຼັງເກີດເຫດຊາຍນິລະນາມຜູ້ ໜຶ່ງຖືຍິງເສຍຊີວິດຄາທີ່ ຫຼັງຍາດປີນຈາກທະຫານນາຍໜຶ່ງພາຍໃນສະໜາມບິນ ອໍລີ ນະູຄອນຫຼວງປາຣີສ ປະເທດຝຣັ່ງ.

ແລະ ເມື່ອວັນທີ 19 ມີນາ 2017 ເອເອຟພີລາຍງານຄວາມຄືບໜ້າເຫດຄົນຮ້າຍພະຍາຍາມຍາດປືນຈາກເຈົ້າໜ້າ ທີ່ທະຫານ ແຕ່ຖືກວິນາດສະກຳເສຍຊີວິດ ເມື່ອວັນທີ 18 ມີນາ ເຊິ່ງເຈົ້າໜ້າທີ່ຕຳຫຼວດໄດ້ເປີດເຜີຍວ່າ ຄົນຮ້າຍທີ່ກໍ່ເຫດຄັ້ງນີ້ມີຊື່ວ່າ ທ້າວ ໄຊເອດ ເບນ ເບລກາເຊມ ອາຍຸ 39 ປີ ເປັນຊາວຝຣັ່ງໂດຍກຳເນີດ ກ່ອນກໍ່ເຫດລ່ວໄດ້ຮ້ອງຂຶ້ນວ່າພ້ອມຈະສະຫຼະຊີວິດເພື່ອພຣະເຈົ້າ ຈາກການກວດສອບຍັງພົບວ່າ ທ້າວ ເບລກາເຊມ ມີປະຫວັດອາຊະຍາກຳຫຼາຍຄະດີ ຮວມເຖິງຄ້າຢາເສບຕິດ ແລະ ເປັນບຸກຄົນທີ່ເຈົ້າໜ້າທີ່ຕຳຫຼວດເຝົ້າລະວັງພຶດຕິກຳເປັນພິເສດ.