spot_img
Homeຂ່າວພາຍ​ໃນ“ຮູ້ໂຕແລ້ວ” ໂຕການທີ່ເຮັດໃຫ້ໄຟໄໝ້ຕະຫຼາດ

“ຮູ້ໂຕແລ້ວ” ໂຕການທີ່ເຮັດໃຫ້ໄຟໄໝ້ຕະຫຼາດ

Published on

ຄືທີ່ຮູ້ນຳກັນແລ້ວເນາະວ່າ ຫຼາຍປີທີ່ຜ່ານມາບັນຫາອັກຄີໄພ ເກີດຂຶ້ນຫຼາຍໆ ຄັ້ງ ນັບທັງເຮືອນປະຊາຊົນແລະຕະຫຼາດ. ປີ 2017 ນີ້ ພຽງເວລາ 2 ເດືອນ ກໍໄດ້ເກີດເຫດໄຟໄໝ້ຂຶ້ນແລ້ວຫຼາຍສິບຄັ້ງ ບ້ານເຮືອນປະຊາຊົນເສຍຫາຍຈຳນວນຫຼາຍ ແລະມີຕະຫຼາດຖືກໄຟໄໝ້ແລ້ວ 2 ແຫ່ງ ຄື ວັນທີ 19 ກຸມພາ 2017 ໄດ້ເກີດເຫດໄຟໄໝ້ຕະຫຼາດເຊໂນ (ຕະຫຼາດຂາຍປິ້ງໄກ່ເຊໂນ) ແຂວງສະຫວັນນະເຂດ ແລະວັນທີ 25 ກຸມພາ 2017 ໄດ້ເກີດເຫດໄຟໄໝ້ຕະຫຼາດລືໄຊ ເມືອງໄຊ ແຂວງອຸດົມໄຊ ເສຍຫາຍຢ່າງໜັກ. ໄຟໄໝ້ແຕ່ລະຄັ້ງຈະຖືກພິສູດແລະຄາດຄະເນເຖິງ ສາເຫດທີ່ເຮັດໃຫ້ໄຟໄໝ້ ແລະແລ້ວກໍມັກຈະສະຫຼຸບວ່າ “ໄຟຟ້າລັດວົງຈອນ?”.
ທີມຂ່າວລາວໂພສຕ໌ໄດ້ພະຍາຍາມຊອກຫາເຫດຜົນວ່າ ເປັນຫຍັງໄຟຟ້າມັກລັດວົງຈອນແທ້ໆ? ທັງນີ້ທີມຂ່າວພວກເຮົາໄດ້ລົງໄປສັງເກດເບິ່ງຕະຫຼາດໃຫຍ່ແຫ່ງໜຶ່ງ ໃນນະຄອນຫຼວງວຽງຈັນ. ພວກເຮົາສັງເກດເຫັນວ່າຄວາມບໍ່ສະອາດ ອາດຈະເປັນສາເຫດຫຼັກທີ່ເຮັດໃຫ້ເກີດໄຟໄໝ້ຂຶ້ນໄດ້.
ຕະຫຼາດໃຫຍ່ແຫ່ງນີ້ ຖ້າແຫງນຄໍຂຶ້ນເບິ່ງກ້ອງຫຼັງຄາຈະພົບເຫັນຄວາມຮົກເຮື້ອແລະບໍ່ເປັນລະບຽບ ສາຍໄຟຖືກຕໍ່ໂດຍແມ່ຄ້າເອງ ມີໃຍແມງມຸມຕຸ້ມຢ່າງຫຼວງຫຼາຍ ເມື່ອການໃຊ້ໄຟຟ້າມີຄວາມຮ້ອນ ຫຼືການຈູດທູບທຽນບູຊາ ມັນຈະສາມາດເຮັດໃຫ້ຕິດໄຟໃສ່ກັບພວກໃຍແມງມຸມໄດ້ ກ່ອນຈະລາມໄປໄໝ້ຖົງຢາງ, ເຈ້ຍເສດ, ຜ້າແພ ແລະອຸປະກອນໄຟຟ້າ ແລ້ວເກີດໄຟຟ້າລັດວົງຈອນ ເຮັດໃຫ້ໄຟໄໝ້ກວ້າງຂວາງແລະໄວວາ.
ນັກຂ່າວເຮົາໄດ້ຖາມແມ່ຄ້າວ່າ: ຄວາມສະອາດແລະຄວາມເປັນລະບຽບຮຽບຮ້ອຍ ແມ່ນໃຜເປັນຜູ້ຮັບຜິດຊອບ?
ແມ່ຄ້າຕອບວ່າ: ເຈົ້າຂອງຕະຫຼາດ
ນັກຂ່າວເຮົາຖາມແມ່ຄ້າວ່າ: ພວກເຈົ້າບໍ່ຢ້ານເກີດເຫດໄຟໄໝ້ບໍ?
ແມ່ຄ້າຕອບວ່າ: ຂ້ອຍບໍ່ໄດ້ຄິດເລື່ອງນັ້ນ

ຮອດຕອນນີ້ບໍ່ຕ້ອງຖາມແລ້ວວ່າ ເປັນຫຍັງໄຟຈຶ່ງມັກໄໝ້ຕະຫຼາດ? ແຕ່ຄວນຖາມວ່າ: “ເປັນຫຍັງບໍ່ມີການອະນາໄມ” ?

ຖ້າເວົ້າເຖິງຕະຫຼາດມີຫຼາຍຢ່າງປິ່ນອ້ອມ ທີ່ຄວນຈະຕ້ອງໄດ້ພັດທະນາແລະດຳເນີນການໃຫ້ດີຂຶ້ນຕື່ມ ເຊັ່ນ:
1. ການອະນຸຍາດໃຫ້ຄົນເຂົ້າມາຕັ້ງຮ້ານຂາຍເຄື່ອງນັ້ນ ຄວນພິຈາລະນາຄືນໃໝ່ ການຄ້າຂາຍບາງຢ່າງຄວນສະຫງວນໄວ້ໃຫ້ຄົນລາວທໍ່ນັ້ນ. ແຕ່ນີ້ເກືອບທຸກຕະຫຼາດທັງໃນນະຄອນຫຼວງວຽງຈັນແລະຕ່າງແຂວງ ຈະມີຮ້ານຂອງຄົນຫວຽດນາມ ເຊັ່ນ ຮ້ານຂາຍຜັກ, ຂາຍອາຫານສົດ, ຮ້ານຂາຍອາຫານແຫ້ງ ແລະຮ້ານຂາຍເຄື່ອງຍ່ອຍ ເຊິ່ງອັນຄວນຈະເປັນນັ້ນຄື ຄວນໃຫ້ຄົນຕ່າງຊາດເຂົາເຈົ້າລົງທຶນເຮັດການຄ້າທີ່ໃຫຍ່ກວ່ານັ້ນ ຄືໃນລະດັບວິສາຫະກິດສ່ວນບຸກຄົນຂຶ້ນໄປ.
2. ການກວດສອບຄວາມຊື່ສັດໂປ່ງໃສ: ການຕິດປ້າຍລາຄາ ແລະຄວາມຊື່ກົງຂອງການຄ້າຂາຍ ຂໍ້ນີ້ຄວນມີການປູກຝັງຈິດສຳນຶກ ໄປພ້ອມກັບມາຕະການ.
3. ກວດສອບຄວາມສະອາດປອດໄພ: ອາຫານສະອາດປອດໄພຕໍ່ຜູ້ບໍລິໂພກຫຼືບໍ່? ອາຄານສະຖານທີ່ສະອາດບໍ່ເປັນເງື່ອນໄຂໃຫ້ເກີດອັກຄີໄພ.

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...