spot_img
Homeຊີວິດແລະຄວາມຮັກ8 ສັນຍານທີ່ສື່ຄວາມໝາຍ ເຂົາຍັງຮັກເຈົ້າຫຼາຍຢູ່

8 ສັນຍານທີ່ສື່ຄວາມໝາຍ ເຂົາຍັງຮັກເຈົ້າຫຼາຍຢູ່

Published on

ຫຼາຍໆຄູ່ເມື່ອເຮົາຮັກກັນທຳອິດ ຄວາມຮັກກໍຫວານຊື່ນ, ແຕ່ເມື່ອຮັກກັນດົນໆໄປ ຄວາມຮັກກໍເລີ່ມຈາງລົງ ບາງຄູ່ຈົນເຖິງຂັ້ນເລີກລາກັນໄປກໍມີ, ແຕ່ກໍມີຫຼາຍຄູ່ທີ່ຮັກກັນດົນໆ ກໍຍັງຮັກກັນຄືເກົ່າ ເຊິ່ງສະແດງອອກມາໃຫ້ເຮົາໄດ້ຮູ້ວ່າເຂົາຍັງຮັກເຮົາຫຼາຍດັ່ງນີ້

  1. ເຂົາບໍ່ເຄີຍເຮັດທ່າທີລຳຄານເຈົ້າເລີຍ: ບໍ່ວ່າເຈົ້າຈະເຮັດແນວໃດກໍຕາມ ຫຼືອາດເຮັດເປັນຄືເດັກນ້ອຍໃນບາງຄັ້ງ ແຕ່ເຂົາກໍບໍ່ມີທ່າທີທີ່ຈະລຳຄານເຈົ້າເລີຍ ແຕ່ກົງກັນຂ້າມເຂົາກັບຮັກເຈົ້າຫຼາຍກວ່າເດີມສາອີກ
  2. ເຂົາຢາກຢູ່ກັບເຈົ້າ: ແມ່ນຢູ່ວ່າບາງຄັ້ງເຂົາອາດຢາກໄປສັງສັນກັບໝູ່ເພື່ອນ ແຕ່ເຂົາບໍ່ເຄີຍລືມວ່າຍັງມີເຈົ້າຢູ່ ແລະເວລາທີ່ເຂົາວ່າງ ໝູ່ເພື່ອນບໍ່ແມ່ນຄົນທຳອິດທີ່ເຂົາຄິດຮອດ, ຄົນທີ່ເຂົາຄິດຮອດ ແລະຢາກຢູ່ນຳ ເຮັດກິດຈະກຳຕ່າງໆນຳຄື “ເຈົ້າ”
  3. ບໍ່ເຄີຍປະຕິເສດທີ່ຈະໄປນອກກັບເຈົ້າ: ຜູ້ຊາຍບາງຄົນມັກຢູບ້ານ ເບິ່ງໂທລະພາບ ຫຼືພັກຜ່ອນ ແຕ່ເມື່ອເຈົ້າເວົ້າວ່າຢາກອອກໄປນອກ ເຂົາກໍຈະເອີ່ຍປາກພາເຈົ້າອອກໄປ ແລະຍັງຊ່ວຍເຈົ້າຄິດເຖິງສະຖານທີ່ ທີ່ຈະໄປ
  4. ເຂົາເອີ້ນເຈົ້າຄືກັບຕອນຄົບກັນໃໝ່ໆ: ຕອນຄົບກັບເຈົ້າໃໝ່ໆ ເຂົາມັກຈະເວົ້າກັບເຈົ້າ ດ້ວຍຄຳເວົ້າທີ່ເຈົ້າກັບເຂົາເວົ້າກັນສອງຄົນ ເມື່ອມາຢູ່ນຳກັນສອງຄົນ ເຂົາກໍຍັງເອີ້ນເຈົ້າດ້ວຍຊື່ນັ້ນຢູ່
  5. ເຂົາປ່ອຍວາງທຸກຢ່າງເມື່ອຢູ່ກັບເຈົ້າ: ໃນສະໄຫມນີ້ ໃຜກໍມັກໃຊ້ໂທລະສັບ ຫຼືອຸປະກອນຕ່າງໆ ທີ່ສາມາດເຊື່ອມຕໍ່ກັບໂລກໂຊຊຽວມີເດຍໄດ້ ແຕ່ເມື່ອເຂົາມາຢູ່ກັບເຈົ້າ ເຂົາພ້ອມທີ່ຈະວາງທຸກສິ່ງ ເພື່ອລົມ ແລະໃຫ້ຄວາມສຳຄັນກັບເຈົ້າ
  6. ເຖິງຈະຜິດກັນປານໃດເຂົາກໍຈະບໍ່ບອກເລີກເຈົ້າ: ບໍ່ວ່າຈະຜິດກັນ ຫຼືເຈົ້າຮ້າຍໃຫ້ເຂົາຫຼາຍເກີນໄປ ເຂົາກໍບໍ່ເຄີຍທີ່ຈະເວົ້າບອກເລີກ ຫຼືເວົ້າວ່າຂໍຫ່າງກັນຊົ່ວຄາວ, ແຕ່ເຂົາເລືອກທີ່ຈະມິດຫຼາຍກວ່າຜິດກັບເຈົ້າ
  7. ເຂົາທ້າທາຍເຈົ້າ: ບໍ່ວ່າເຈົ້າຈະເຮັດຫຍັງ ເຂົາຈະທ້າທາຍເຈົ້າ, ຕົວຢ່າງວ່າເຈົ້າຊິຫຼຸດນໍ້າໜັກ ເຂົາຈະບໍ່ເວົ້າວ່າ ເຈົ້າບໍ່ມີທາງເຮັດໄດ້ ແຕ່ເຂົາເລືອກທີ່ຈະຊອກຫາຂໍ້ມູນເລື່ອງອາຫານ, ການອອກກຳລັງກາຍ ແລະເຂົາເຂົາຈະທ້າທາຍໂດຍ ມີຂອງຂວັນໃຫ້ ຖ້າເຈົ້າເຮັດໄດ້ ເຊິ່ງນັ້ນມັນສະແດງໃຫ້ເຫັນວ່າ ເຂົາຢາກໃຫ້ເຈົ້າມີສຸຂະພາບດີ
  8. ເຂົາຈະເຊີ້ໄພຣເຈົ້າຕະຫຼອດ: ເຖິງແມ່ນເວລາທີ່ເຈົ້າກັບເຂົາຄົບກັນຈະຜ່ານໄປດົນປານໃດ ຄວາມຮັກຂອງເຂົາກໍຈະບໍ່ຫຼຸດລົງ, ທຸກຢ່າງທີ່ເຂົາເຮັດຕັ້ງແຕ່ຕອນທຳອິດທີ່ຄົບກັນໃໝ່ໆ ຈົນມາດຽວນີ້ ເຂົາຍັງເຊີ້ໄພຣເຈົ້າຢູ່ຕະຫຼອດ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...