spot_img
Homeຂ່າວການພັດທະນາປະມູນລົດການນຳຄຶກຄັກ! ນັກທຸລະກິດເອົາຊອງແລ້ວ 60 ກວ່າຄົນ ຄາດອາດເກີນຮ້ອຍ ກ່ອນມື້ເປີດຊອງ!

ປະມູນລົດການນຳຄຶກຄັກ! ນັກທຸລະກິດເອົາຊອງແລ້ວ 60 ກວ່າຄົນ ຄາດອາດເກີນຮ້ອຍ ກ່ອນມື້ເປີດຊອງ!

Published on

ຕາມການລາຍງານຂ່າວຂອງ ເວັບໄຊໜັງສືພິມລາວພັດທະນາ ຄັ້ງວັນທີ 16 ກຸມພານີ້ ໂດຍອ້າງການເປີດເຜີຍຂອງຄະນະຮັບຜິດຊອບ ປະມູນຂາຍລົດການນໍາລະດັບສູງ ໃຫ້ຮູ້ວ່າ ພາຍຫລັງລັດຖະບານໄດ້ມີແຈ້ງການປະມູນຂາຍພາຫະນະຮັບໃຊ້ການນໍາລະດັບສູງ ເມື່ອຕົ້ນເດືອນກຸມພາຜ່ານມາ, ໄດ້ມີນັກທຸລະກິດທັງພາຍໃນ ແລະ ຕ່າງປະເທດ ທີ່ດໍາເນີນທຸລະກິດຢູ່ລາວ ໃຫ້ຄວາມສົນໃຈເຂົ້າປະມູນຊື້ລົດດັ່ງກ່າວຫລາຍພໍສົມຄວນ ໂດຍປັດຈຸບັນມີນັກທຸລະກິດໄດ້ພົວພັນເອົາຊອງປະມູນໄປແລ້ວ ຫລາຍກວ່າ 60 ຄົນ ແລະ ຄາດວ່າອາດເກີນຮ້ອຍຄົນ ເມື່ອຮອດມື້ເປີດຊອງປະມູນ.

ລົດທີ່ນຳອອກມາປະມູນຂາຍຄັ້ງນີ້ ປະກອບມີທັງໝົດ 14 ຄັນ, ໃນນັ້ນມີລົດເກັງຍີຫໍ້ ບີເອັມດັບເບີນຢູ (BMW) ລຸ້ນ 730 LI ຈໍານວນ 7 ຄັນ ແລະ ລົດເກັງຍີຫໍ້ເມີຊີເດດເບນ (Mercedes BENZ) ລຸ້ນ S350 ຈໍານວນ 7 ຄັນ.

ທັງນີ້ ອີງຕາມແຈ້ງການຂອງ ຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 225 ລົງວັນທີ 8 ກຸມພາ 2017 ການເປີດຊອງປະມູນ ຈະມີຂຶ້ນໃນຕອນເຊົ້າເວລາ 9:00 ໂມງຂອງວັນທີ 21 ກຸມພາທີ່ຈະມາເຖິງນີ້ ທີ່ຫໍປະຊຸມແຫ່ງຊາດຫລັກ 6 ນະຄອນຫລວງວຽງຈັນ, ແຕ່ຖ້າຫາກມີການປ່ຽນແປງວັນເວລາເປີດຊອງປະມູນ ແມ່ນຈະມີການແຈ້ງໃຫ້ຊາບຕື່ມ.

ຄະນະຮັບຜິດຊອບວຽກງານດັ່ງກ່າວ ຍັງໃຫ້ຮູ້ຕື່ມອີກວ່າ ການຈັດປະມູນນີ້ ແມ່ນປະຕິບັດຕາມກົດໝາຍ ວ່າດ້ວຍຊັບສີນຂອງລັດ ແລະ ຂໍ້ຕົກລົງຂອງນາຍົກລັດຖະມົນຕີ ສະບັບເລກທີ 06/ນຍ ລົງວັນທີ 16 ມັງກອນ 2017 ວ່າດ້ວຍການຖອນ, ການປະມູນ ແລະ ການປະກອບລົດປະຈໍາຕໍາແໜ່ງຂອງການນໍາລະດັບສູງ.

 

ແຫລ່ງຂ່າວ: ລາວພັດທະນາ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...