Homeມຸມຂ່າວ AECການາດາ ຈະແຕ່ງຕັ້ງຄະນະຜູ້ແທນທາງການທູດປະຈຳອາຊຽນຊຸດທຳອິດ ຮອງຮັບ ACE

ການາດາ ຈະແຕ່ງຕັ້ງຄະນະຜູ້ແທນທາງການທູດປະຈຳອາຊຽນຊຸດທຳອິດ ຮອງຮັບ ACE

Published on

557000009269001
ທ່ານ ຈອນ ແບັດ ລັດຖະມົນຕີການຕ່າງປະເທດການາດາ

 

ຕາມແຫຼ່ງຂ່າວຂອງຕ່າງປະເທດລາຍງານວ່າ ລັດຖະບານການາດາຢືນຢັນຈະແຕ່ງຕັ້ງຄະນະຜູ້ແທນທາງການທູດ

ຊຸດທຳອິດໃນປະຫວັດສາດ ເພື່ອມາປະຈຳການຢູ່ກຸ່ມອາຊຽນ ຮອງຮັບການເປີດໂຕຂອງປະຊາຄົມເສດຖະກິດອາ

ຊຽນ ຫຼື AEC ທີ່ຈະມີກຳນົດເປີດຢ່າງເປັນທາງການໃນປີໜ້ານີ້.

 

ທ່ານ ຈອນ ແບັດ ລັດຖະມົນຕີວ່າການກະຊວງການຕ່າງປະເທດການາດາ ອອກຄຳຖະແຫຼງໃນວັນພຸດ 6 ພຶດສະ

ພາຜ່ານມານີ້ວ່າ ລັດຖະບານການາດາ ຈະຈັດຕັ້ງຄະນະຜູ້ແທນທາງການທູດຊຸດທຳອິດຂອງຕົນ ມາປະຈຳຢູ່ສະມາ

ຄົມປະຊາຊາດອາຊີຕາເວັນອອກສ່ຽງໃຕ້ ຫຼື ອາຊຽນ ໂດຍລະບຸວ່າ ຈະໃຊ້ທີ່ຕັ້ງຂອງສະຖານເອກອັກຄະລາຊະທູດໃນ

ນະຄອນຫຼວງຈາກາຕາ ປະເທດອິນໂດເນເຊຍ ເປັນສະຖານທີ່ປະຕິບັດພາລະກິດ ເພື່ອເຊື່ອມສຳພັນທັ້ງທາງດ້ານ

ການເມືອງ, ການຄ້າ, ການລົງທຶນ, ເສດຖະກິດ ແລະ ຄວາມໝັ້ນຄົງ ກັບທັງ 10 ປະເທດໃນອາຊຽນ ລວມເຖິງເພື່ອ

ຮອງຮັບການເປີດໂຕຂອງປະຊາຄົມເສດຖະກິດອາຊຽນ ຫຼື ເອອີຊີ ໃນປີໜ້າອີກດ້ວຍ.

 

ທ່ານ ຈອນ ແບັດ ລັດຖະມົນຕີຕ່າງປະເທດການາດາ ມີກຳນົດເຂົ້າຮ່ວມປະຊຸມກັບລັດຖະມົນຕີການຕ່າງປະເທດ

ອາຊຽນ ແລະ ປະເທດຄູ່ເຈລະຈາ  ທີ່ນະຄອນຫຼວງເນປິດໍຂອງສາທາລະນະລັດ ແຫ່ງສະຫະພາບມຽນມ້າ ໃນອາທິດ

ນີ້ ຍັງໄດ້ລະບຸຕື່ມອີກວ່າ ລັດຖະບານການາດາ ຕ້ອງການມີສ່ວນຮ່ວມໃນການສະໜັບສະໜູນການປົກປ້ອງສິດ

ທິມະນຸດໃນອາຊຽນ ແລະ ຕ້ອງການຊ່ວຍອາຊຽນແກ້ໄຂປັນຫາອາຊະຍາກຳຂ້າມຊາດ ທີ່ນັບມື້ນັບສູງຂຶ້ນໃນໄລຍະ

ຜ່ານມານີ້.

 

ກ່ອນໜ້ານີ້ ທ່ານ ຈອນ ແບັດ ໄດ້ຫາກໍສ້າງປະຫວັດສາດໜ້າໃໝ່ ດ້ວຍການເປັນລັດຖະມົນຕີຕ່າງປະເທດຂອງ

ການາດາຄົນທຳອິດ ທີ່ເດີນທາງມາຢ້ຽມຢາມສຳນັກງານເລຂາທິການອາຊຽນ  (ASEAN Secretariat) ທີ່ນະຄອນ

ຫຼວງຈາກາຕາ ພ້ອມທັງໄດ້ເຂົ້າພົບກັບທ່ານ ເລ ເລືອງ ມິນ ເລຂາທິການໃຫຍ່ອາຊຽນຄົນປະຈຸບັນ ເຊິ່ງເປັນຊາວ

ຫວຽດນາມ ແລະ ເປັນເລຂາທິການໃຫຍ່ຂອງອາຊຽນຄົນທີ 13 ນັບແຕ່ສ້າງຕັ້ງເປັນຕົ້ນມາ.

 

ເນື່ອງຈາກກຸ່ມອາຊຽນ ເຊິ່ງມີຈຳນວນປະຊາກອນລວມກັນປະມານ 600 ລ້ານຄົນ ແລະ ມີອັດຕາການເຕີບໂຕ

ຂອງຈີດີພີ ໃນທັງ 10 ປະເທດຫຼາຍກ່ວາ 2,300 ຕື້ໂດລາສະຫະລັດ ເຊິ່ງຖືເປັນເຂດເສດຖະກິດທີ່ມີຂະໜາດໃຫຍ່

ອັນດັບທີ 8 ຂອງໂລກ ອັນໄດ້ເຮັດໃຫ້ອາຊຽນ ໂດຍສະເພາະໃນເງື່ອນໄຂຂອງ AEC ທີ່ຈະໄຂຂຶ້ນໃນປີໜ້ານີ້ ໄດ້ດຶງ

ດູດເອົາຄວາມສົນໃຈທາງດ້ານເສດຖະກິດ ແລະ ການລົງທຶນຈາກທົ່ວໂລກ ມາຍັງຂົງເຂດນີ້ຢ່າງມະຫາສານ.

 

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...